Спорт
Осимен е продаден за 120 милиони евра, не се знае во кој клуб

Познатиот италијански новинар Карло Авио пренесува дека трансферот на напаѓачот на Наполи, Виктор Осимен е комплетиран, но не открива во кој клуб се преселил Нигериецот.
Доколку оваа информација е точна, тоа значи дека Осимен е продаден за 120 милиони евра, што претставува рекорд на Наполи и италијанскиот мфудбал.
Актуелен рекордер на Наполи е Гонзало Игуаин лии трансфер во Јувентус изнесуваше 90 милиони евра.
Карло Авино објави дека клубот од градот во подножјето на Везув, трансферот ќе го потврди на крајот од сезоната.
„Хипотезата дека никој нема да ја плати клаузулата не постои, Осимен веќе склучил договор со новиот клуб заедно со Де Лаурентис. Непримерно е да се открие името на новиот клуб, Осимен мора да игра добро за Наполи во следните девет натпревари, односно до крајот на сезоната“, изјави Авино.
Поради оваа шпекулација засега останува да се види кој клуб Осимен би можел да да замине. За 25-годишниот напаѓач најголем интерес покажаа ПСЖ и Челзи.
Нигериецот оваа сезона одигра само 17 натпревари во Серија А, но постигна 13 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кејлор Навас: Барселона ме бараше кога се повреди Тер Штеген

Кејлор Навас се поврзуваше со Барселона кон крајот на минатата година кога Каталонците бараа голман откако Марк-Андре тер Штеген заработи сериозна повреда. Искусниот голман реши за прв пат да проговори на оваа тема.
„Дали Барселона ме контактираше кога Тер Штеген се повреди? Да, тие го контактираа мојот менаџер кој ме информираше дека има интерес да ме доведат. Тоа беше голем комплимент за мене, но и комплицирана ситуација“, вели Навас и продолжува.
„Доколку Флорентино Перез ме повикаше, со пливање ќе дојдев од во Мадрид од Костарика. Реал е посебен за мене, да ме прашаа ќе ја завршев кариерата таму.“
Костариканецот пристигна во Реал Мадрид во летото 2014 година од Леванте и остана пет години, освојувајќи сè што можеше со „кралскиот клуб“.
Сепак, кога ја изгуби позицијата прв голман во летото 2019 година, тој се пресели во ПСЖ. Тој бранеше и за Нотингем Форест, а во првиот дел од сезоната беше без клуб откако истече договорот со клубот од Париз.
Сепак, 38-годишниот голман се врати на сцената претходно оваа година кога потпиша за аргентинскиот Њуелс Олд Бојс.
Спорт
Дрес на Коби Брајант продаден за седум милиони долари

Дресот на Коби Брајант во предсезоната и дебито во регуларната сезона со Лос Анџелес Лејкерс беше продаден за седум милиони долари на аукција во „Сотбис“ во Њујорк, објави аукциската куќа.
Дресот се совпаѓаше со фотографии од седум натпревари од неговата дебитантска сезона 1996/1997, вклучувајќи го неговото деби во предсезоната на 16. октомври и дебито во регуларната сезона на 3. ноември 1996 година, како и неговиот ден за медиуми во НБА.
Со цена од седум милиони долари, овој дрес е четвртиот најскап користен спортски дрес, зад дресот „call shot“ на Бејб Рут (24 милиони долари), дресот на Мајкл Џордан од финалето на НБА во 1998 година (10,1 милион долари) и дресот на Диего Марадона од Светското првенство во 1986 година, кој беше продаден за 9,3 милиони долари.
„Првите натпревари се навистина уникатни моменти во кариерата на еден спортист“, рече раководителот на одделот за модерни колекционерски предмети на „Сотбис“, Брам Вахтер, во изјава за ESPN.
„Тие го означуваат почетокот на едно извонредно патување, а за легендарни спортисти како Коби Брајант, овие пресвртници имаат уште поголемо значење бидејќи претставуваат уникатен момент во времето што никогаш повеќе не може да се повтори.“
Оваа продажба ги надмина 5,85 милиони долари што беа платени за неговиот потпишан дрес што го носеше на натпреварот кога беше прогласен за МВП во сезоната 2007/2008.
Петкратниот шампион во НБА, Брајант, загина на 41-годишна возраст во хеликоптерска несреќа во јануари 2020 година, во која загинаа и неговата ќерка Џана и уште седум други лица.
Спорт
(Видео) Клиперсите го пречекаа Јокиќ со коњски глави

Денвер Нагетс претрпеа тежок пораз од ЛА Клиперс (83:117) во третиот натпревар од првото коло од плејофот на Западот. По првиот натпревар во Лос Анџелес, во серија која се игра на четири победи, Клиперсите водат со 2:1.
Кај гостите, Никола Јокиќ беше најдобар. Актуелниот и трикратен МВП на најсилната лига постигна 23 поени (9/14 шут од игра) со по 13 скока и асистенции. Јокиќ беше најдобар играч на натпреварот во сите три најважни категории, но неговиот тим убедливо загуби.
The Clippers gave fans horse hats to distract Nikola Jokić😂😂 #MileHighPlayoffs pic.twitter.com/Q0ZetbeqOX
— Guerilla Sports (@guerillasports_) April 25, 2025
Пред натпреварот, Клиперси им обезбедија на најстрасните навивачи специјални реквизити наменети да го провоцираат најдобриот противнички играч. За навивачите кои се зад кошевите, во делот од гледалиштето познат како „Ѕидот“, на столчињата имаше плишани коњски глави.
Клиперси им делеа реквизити на навивачите за да го одвлечат вниманието на Јокиќ, особено кога ги изведуваше слободните фрлања свртен кон „Ѕидот“.
Оваа бизарна провокација е насочена кон Јокиќ бидејќи тој е голем љубител на коњи и сопственик на хиподром во неговиот роден Сомбор.
The horse distractions worked on Jokic 😭 pic.twitter.com/86jWAKN5U8
— BricksCenter (@BricksCenter) April 25, 2025
Ова не е прв пат Јокиќ да биде пречекан со ваков вид провокација кај Клиперс. Минатиот декември, додека шутираше слободни фрлања во Лос Анџелес, еден домашен навивач држеше транспарент на кој пишуваше „Тато, ми недостигаш“, а носеше маска на коњ.
Српските медиуми бурно реагираа на оваа „акција“ на Клиперсите.
„Телеграф“ пишува за неа под наслов „Срамна провокација за Никола Јокиќ: Коњски глави го пречекаа Србинот во Лос Анџелес, НБА не паменти вакво нешто“. Насловот на „Блиц“ е „Отворена провокација од Клиперси за Јокиќ! Погледнете што го пречека Србинот во Лос Анџелес, ова никогаш не е видено во НБА“.