Спорт
Оспина и Мертенс го однесоа Наполи во финалето на Купот (Видео)

Фудбалерите на Наполи против Јувентус ќе се борат за трофејот во Купот на Италија. Вечерва Наполи и Интер во полу-финалниот реванш одиграа 1:1. Наполитанците одат во финалето благодарение на победата во првиот меч (1:0).
Реваншот започна перфектно за Интер. Кристијан Ериксен ја анулира предноста на Наполи по само три минути игра. Данскиот репрезентативец постигна гол директно од корнер. Голманот на Наполи Давид Оспина лошо реагираше, не го процени добро летото на топката, а таа мина низ неговите нозе и заврши во голот.
По постигнатиот гол фудбалерите на Интер пропуштија две добри шанси да го нокаутираат противникот. Виновникот за голот на Интер голманот Оспина на волжебен нашин ги одбрани ударите на Лукаку и Кандрева.
Оспина покрај тоа беше и зачетник на убиствениот контра-напад по кој Наполи го израмни резултатот.
Колумбискиот голман со едно додавање во контра го исфрли Инсиње, капитенот на Наполи го издржа дуелот со Ериксен и Јанг, потоа го проигра Мертнес на кого не му беше тешко да го совлада Хандановиќ.
Белгиецот Мертенс го постигнаа 122 гол во кариерата за Наполи со што стана најдобар стрелец во историјата на клубот од „Сан Паоло“.
Второто полувреме не донесе возбудвања какви шти имаше во првото. Наполи сеобидуваше да ги затвори приодите кон својот гол, а Интер не успеваше да воспостави доминација на теренот.
Интер и во вториот дел имае две добри шанси, Алексис Санчез биеше крај голот, додека Оспина со уште една брлијантна интервенција го спречи Ериксен да го постигне својот втор гол.
Макеоднскиот репрезентативец Елмаз на теренот беше до 65 минута кога на неговото место влезе Шпанецот Фабијан Руиз.
Финалниот натпревар во Купот на Италија ќе се одигра во среда на 17 јуни, во Рим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Foto/ EPA