Спорт
Осудениот за шверц на дрога во Холандија Квинси Промес потпиша за друг клуб

Холандскиот фудбалер Квинси Промес непречено ќе ја продолжи фудбалската кариера иако во татковината е осуден на седум и пол години затвор поради учество во шверц на дрога.
Среќна околност за Промес беше престојот во Русија во времето кога беше осуден, тој тогаш настапуваше за Спартак Москва, а поради прекинот на дипломатските односи меѓу двете земји Русија не го екстрадираше во Холандија.
Во меѓувреме, за време на престојот во Емиратите, во Дубаи, каде што Спартак беше на подготовки, Промес беше уапсен поради сообраќајна несреќа и потоа холандските власти побараа од ОАЕ да го екстрадираат за да ја издржи казната.
Сепак, бидејќи Емиратите немаат потпишан договор за екстрадиција со Холандија, Промес остана во Дубаи каде како што стојат работите наскоро би можел да заигра за второлигашот Дубаи.
Тој веќе го направи првиот чекор кон тоа со потпишувањето на договорот.
„Вчера Фудбалскиот сојуз го пријави Промес за нашиот клуб. Се надеваме дека ќе дебитира на натпреварот против Хата, но конечната одлука ќе ја донесе нашиот тренер. Посакуваме дебито на Квинси да се случи и се надеваме на деби гол“, изјави извршниот директор на Дубаи, Или Чебан.
Овој клуб веќе ја извести јавноста дека потпишал договор со холандскиот фудбалер.
Промес, во два мандати играше за Спартак Москва од 2014 до 2018 и од 2021 до 2024 година и постигна 114 гола на 235 натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Матета со магичен потег не дозволи триумф на Арсенал

Фудбалерите на Арсенал ремизираа со Кристал Палас 2:2 (2:1) во малото лондонско дерби од 34. коло на англиската Премиер лига.
Домашните поведоа на „Емирати“ во третата минута кога Јакуб Кивиор беше највисок во скокот и со глава ја затресе мрежата на Палас.
Израмнувањето го донесе Еберечи Езе, во 27. минута, но Арсенал сепак со предност замина на одмор.
На три минути до одморот, во 42. минута, Леандро Тросар постигна гол.
Во вториот дел Арсенал успешно ја одржуваше стекнатата предност, до 83. минута кога го видовме најубавиот момент, веројатно во целото коло.
Жан-Филип Матета со удар од преку 20 метри успеа да го лобува Давид Раја и со тоа да ги постави конечните 2.2.
Арсенал со ова реми само ја одложи промоцијата на Ливерпул во нов шампион. „Топџиите“ имаат 67 бодови и доколку в сабота Ливерпул освои барем бод против Тотенхем, на четири кола до крајот и математички ќе ја освои титулата.
Спорт
(Видео) Лука Јовиќ го однесе Милан во финалето на Купот

Милан по пауза од седум години ќе се бори за трофејот во Купот на Италија. Вечерва, Милан го декласира градскиот ривал Интер во полуфиналниот реванш со 3:0.
Патот на Милан до финалето му го трасира Лука Јовиќ. Српскиот репрезентативец кој на крајот од годината беше отпишан, во последниот месец почна да добива шанса од Сержо Консеисао. Довербата на тренерот ја оправда со голови.
Во првенството погоди против Наполи и Фиорентина.
Вчерва постигна два и ја обезбеди победата. Првиот гол го постигна по асистенција на Хименез во 36. минута, а вториот во 49. минута. Победата во 85.минута ја потврди Тижани Рејдерс.
JOVIĆ WITH THE HEADER MAKES IT 1-0
HES BACK pic.twitter.com/Nk2RT6UOVC— the clip guy (@srbsportclip) April 23, 2025
🚨🇮🇹 GOAL | Inter 0-2 AC Milan | Luka Jovic
LUKA JOVIC DOUBLES THE LEAD FOR AC MILAN !!!!!!!!!!!!!!!!!!!!! 1-3 ON AGGREGATE !!!!!!!!!!!!!!!pic.twitter.com/oJL75Qh3sJ
— Tekkers Foot (@tekkersfoot) April 23, 2025
Спорт
Олимпијакос и Монако го одбранија домашниот пораз

Тешки порази доживеаја шпанските великани Барселона и Реал, во првите четвртфинални натпревари во Евролигата. Монако ја победи Барселона со 97:81, а Олимпијакос со 84:72 славеше против Реал.
Кошаркарите на Монако во третиот период го решија мечот кога се одлепија од противникот на +17 и успеаја да сочуваат голема предност и до крајот да го одбранат домашниот терен.
Монако го предводеа Мајк Џејмс и Даниел Теис со по 22 поени, а одличен беше и Ели Окобо со 19 поени и седум асистенции.
Кај Барселона, Кевин Пантер беше најдобар со 16 поени и два скока, Дарио Бризуела додаде 13, колку што постигна и Фал кои имаше и 14 скокови.
Олимпијакос, за разлика од Монако, во првата четвртина ја најави победата, а практично го реши натпреварот до полувремето кое го доби со 47:29.
Саша Везенков беше најефикасен со 23 поени и седум скока.
Го следеа Еван Фурние со 13 поени и Никола Милутинов со 11 поени и осум скока. Најдобар во тимот на Реал беше Серхио Љуљ со 16 поени, додека двоцифрен беше само уште Марио Хезоња со 13 поени.