Спорт
Осум години од кобното скијање – Светската јавност не знае ништо за здравствената состојба на Михаел Шумахер

Пред точно осум години, Михаел Шумахер, доживеа тешка несреќа во францускиот зимски центар Мерибел. Од тој момент па се до денес светската јавност добива малку информации за здравствената состојба на легендраниот Формула 1 возач.
Семејството љубоморно ја чува приватноста, а она што смета дека трабда го сподели со јавноста го објавуа портпаролката на семејството Забине Кен, која редовно порачува дека има разбирање за јавноста која бара информации, но во исто време бара да се почитува приватноста на семејството.
Покрај портпаролката информации во јавноста неколку пати подели и поранешниот шеф на Шумахер во Ферари, Жан Тод.
„Секогаш ја ценеше приватноста, ние и понатаму живееме како семејство. Со него работиме терапии, правиме се за да че чуватвува удобно. Важно ни е да не ни биде нарушена приватноста. Тој секогаш не штител, сега ние го штитиме него“, им објасни сопругата Корина, во една прилика на новинарите.
„Шумахер не може да зборува. Комуницира само со очите. Само тројца смеат да го видат“, тврди Елизабета Грегорачи. поранешната сопруга на Флавио Бријаторе. Синот на легендарниот Енцо Ферари, Пјетро, потврдил дека Шумахер не може да зборува.
Претходно, семејстовот на Шумахер, го доби судскиот процес против магазинот „Бунте“. Семејстовото во 2015 година го тужеше магазинот за пишување невистини поврзани со здравствената состојба на Шумахер.
„Бунте“ во 2015 година објави дека легендарниот возач, може да ја подигне раката и дека може да оди со мала помош од друго лице. На судот, адвокатот на семејството, Феликс Дам, со помош на физиотарапевт, потврдил дека Шумахер не може да стои.
Во јуни 2019 година, јавноста дозна дека Шумахер го лечат со матични клетки.
Не се знае каде се наоѓа 52-годишниот Шумахер. Едни тврдат дека е во Мајорка, други дека е во Швајцарија, а мал број луѓе тврдат дека се наоѓа во САД.
Шумахер несреќата ја доживеа во Мерибел, додека скијал тој паднал и со главата удрил во камен. По несреќата веднаш беше префрлен во клиниката во Гренобл, каде му беше извршена операција, а потоа шест месеци беше во кома.
Неговата рехабилитација продолжи во швајцарска Лозана, а во септември минатата година е префрлен на домашна нега во семејниот дом во Гланд, Швајцарија.
Од моментот кога се случи несреќата неговите колеги, пријатели, навивачи…, не престана да испраќаат пораки со поддршка, а со него останаа и речиси сите спонзори. Сите тие не ја загубија надежта дека Шуми ќе ја добие најважната трка во својот живот.
Михаел Шумахер без сомнение е еден од најдобрите возачи во историјата на Формула 1. Тој е седумкратен светски шампион (рекордот го израмни Луис Хамилтон во 2020 година). Во текот на кариерата возеше за Џордан, Бенетон, Ферари и Мерцедес, а најголемите успеси ги постигна како возач на Скудерија Ферари.
Првите две титули ги освоил со Бенетон (1994, 1995), а апсолутна доминација оствари со Ферари, освојуваќи пет титули (2000-2004).Од Формула 1 се повлече во 2006 година, но на патеките се врати во 2010 година во болидот на Мерцедес од каде замина во пензија по трката во Бразил во 2012 година.
Германецот во кариерата стартувал на 307 трки, забележал 91 победа, а вкупно 155 пати се искачувал на победничкиот пиедестал. Од пол позицијата стартувал 68 пати, а 77 пати го возел најбрзиот круг. Освоил вкупно 1.566 бодови.
Иако на патеките покажуваше возачка луцидност и знаење, сепак неговата кариера не мина без инциденти кои вечно ќе се паметат.
До својата прва титула во 1994 година стигна откако на последната трка во Австралија од патеката го иструрка Дејмон Хил. Нешто слично се обиде да направи и во 1997 годсина, кога на трката во Херез се обиде да го истурка Жак Вилнев, но на крајот тој заврши надвор од патеката, а Вилнев ја освои титулата.
Поради тој инцидент подоцна ФИА му го одзеде второто место во вкупниот пласман, но резултатите постигнати таа сезона не му беа избришани.
Михаел Шумахер од 1995 година е оженет со Корина, има две деца Џина-Марија и Мика.
Познат е по својата хуманитарна работа, на разни организации со својата работа им подарил десетици милиони долари.
Беше и амбасадор на УНЕСКО и се бореше за безбедноста на возачите на патиштата.
И неговиот помлад брат Ралф возеше во Формула 1, интересно тие се единствените браќа кои ги освоиле првите две места на некоја трка (2001 во Канада), а потоа истото го повторија на уште четири трки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(ВИДЕО) ПСЖ со пораз дома се збогува од Меси, Рамос, Галтие…

Пари Сен Жермен е шампион на Франција, но пораз дома (2:3) од Клермон се прости од своите ѕвезди Лионел Меси и Серхио Рамос кои го напуштаат клубот. Ова веројатно беше последен меч и за Кристоф Галтие на клупата на „светците“.
Серхио Рамос се збогува со гол и го отвори резултатот во 16.минута, а пет минути подоцна Килијан Мбапе погоди од пенал и голот му го посвети на Серхио Рико, кој се бори за живот откако имаше несреќа и падна јавајќи со коњ.
Сепак, Клермон израмни до полувремето. Гастиен намали во 24.минута, а откако Кеи не реализира пенал, израмнувањето го донесе Зефане.
Токму Греџон Кеи беше стрелец на победничкиот гол за Клермон во 63.минута.
Ленс го победи Оксер на гости со 1:3 и во конечниот поредок има само бод помалку од ПСЖ на втората позиција на табелата. За Оксер овој пораз значеше и испаѓање од елитата, откако Нант славеше дома против Анже со 1:0.
Монако загуби дома од Тулуз со 1:2.
Спорт
(ВИДЕО) Лацио заврши на втората позиција во Серија А по триумфот над Емполи

Лацио славеше на гостувањето кај Емполи со 0:2 и победнички го заокружи шампионатот во Серија А. На крајот ќе го освои второто место со 74 бода, два повеќе од Интер.
Алесио Ромањоли во 48.минута го отвори резултатот, а триумфот го потврди Луис Алберто во судиското продолжение од мечот.
Кремонезе ја победи Салернитана со 2:0, но од следната сезона ќе настапува во Серија Б.
Спорт
Одбојкарите го добија инфаркт-мечот против Хрватска

Машката одбојкарска репрезентација на Македонија во драматичен меч успеа да слави со 3:2 во сетови против Хрватска и ја оствари втората победа во Златната Европска лига. Избраниците на Јошко Миленкоски ги добија првите два сета, но потоа дозволија Хрватска да се врати и да израмни, па дуелот се решаваше во петти сет.
Беше неверојатно неизвесно, а Македонија на крајот ја доби драмата со 16:14 на поени во решавачкиот сегмент.
Нашите одбојкари тргнаа фуриозно, го добија првиот сет со 25:17, а во вториот им дозволија 22 поени а Хрватите. Но, потоа ривалот го подигна нивото на играта, возврати со 25:22 во третиот сет, а го доби и драматичниот четврти сет со 31:29. Сепак, на крајот славеше Македонија.