Спорт
Откриени трансфер-плановите на Јувентус

Јувентус планира да доведе три „јаки“ имиња во текот на летниот преоден рок, но не планира голема реконструкција.
Според италијанските медиуми, Јувентус има намера во текот на летниот преоден рок да доведе тројца клучни играчи за првиот тим, можеби и уште неколку други играчи, но тоа ќе зависи колку играчи ќе го напуштат клубот по завршувањето на сезоната.
„Старата дама“, потроши повеќе од 200 милиони евра под водство на Тиаго Мота минатото лето за да ги доведе Теун Купмајнерс, Даглас Луиз, Нико Гонзалес. Во клубот има и неколку играчи кои се на позајмица од други клубови во чии договори постои опцијата да бидат откупени.
Клупските челници се сигурни дека тимот кој моментално го води Игор Тудор има солидна основа која може да се надградува.
Се очекуваат нови имиња во средниот ред и нападот. Сандро Тонали од Њукасл останува голема желба на клубот, според „Тутоспорт“. Исто така Јувентус е заинтересиран и нигериските напаѓачи Виктор Осимхен (Наполи, позајмен во Галатасарај) и Адемола Лукман (Аталанта).
Напаѓачот на Наполи има отштетна клаузула за клубови надвор од Италија, а таа изнесува 75 милиони евра. Лукман веројатно би бил достапен за околу 60 милиони. „Трансфермарк“т ја проценува вредноста на Тонали на 45 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јунајтед во нестварен натпревар го елиминира Лион, Боде/Глимт го шокира Лацио

Манчестер јунајтед, Атлетик Билбао, Тотенхем и изборија пласман во полуфиналето во Лига Европа.
Три од четирите натпревари останаа во сенка на она што се случуваше на „Олд Трафорд“ во Манчестер. Веројатно вечерва го видовме најдобриот натпревар оваа сезона во Европа.
Неверојатен ролекостер, Јуннајтед до 71.минута имаше водство 2:0, Лион успеа да се врати во интервал од седум минути, во 89.минута Толисо го доби вториот жолт картон, но и со играч помалку играчите на францускиот тим во продолженијата постигнаа два гола.
И тогаш се случи чудо, во периодот од 114. до 121.минута Манчестер јунајтед постигна три гола Бруно Фернандеш од пенал, Мејну и Мегваер за пласман на „црвените ѓаволи“ меѓу најдобрите четири екипи во Лига Европа.
Манчестер јунајтед во полуфиналето ќе игра против Атлетик Билбао на чии стадион сезонава ќе се одигра финалниот меч.
Баските рутински славеа над Глазгов Ренџерс со 2:0. Стрелци на головите беа Сансет од пенал и Нико Вилијамс.
Драма не онанква како во Манчестер се случи и на Олимпико во Рим. Бодо/Глимт го постигна најголемиот успех во клупската историја го елиминира Лацио по изведувањето пенали.
Лацио поведе со голот на Кастељанос, а предноста од 0:2 по првиот меч ја анулира во 93.минута со голот на Нослин. Во 100.минута Диа го постигна третиот гол за Лацио, а пенали за Бодо/Глимт избори Хелмарсен во 109.минута.
Пенал серијата фудбалерите од Норвешка ја добија со 3.2. Чауна, Нослин и Кастељанос не беа прецизни. Хаикин ги одбрани пеналите на Чауна и Кастељанос, а Нослин го промаши голот.
Тотенехм по 1:1 во првиот дуел успеа во реваншот да го победи Ајнтрахт во Франкфурт со голот на Соланке. Тимот од Лондон во полуфиналето ќе игра против Бодо/Глимт.
Полуфиналните натпревари на програмата се на 1. и 8. мај.
Спорт
Газели Волеј и Пелистер Волеј со прволигашки статус во следната сезона

Екипите на Газели Волеј и Пелистер Волеј од следната сезона ќе имаат прволигашки статус, односно ќе се натпреваруваат во Првата женска лига. Двата тима ова првенство доминираа во второлигашкото друштво, а по синоќешното затворање на сезоната тие и официјално го заверија своето место во најсилното натпреварување од септември.
Одбојкарките на Газели Волеј, шампионски си „газеа“ кон Првата лига, со оглед на тоа дека имаат 20 победи во исто толку одиграни натпревари сезонава и само три загубени сета.
Пелистер Волеј, пак, како второпласиран тим на табелата се „сели“ меѓу прволигашите. Битолскиот состав исто така одигра одлично првенство, со само два порази од главниот ривал за лидерската позиција – Газели Волеј. Двата тима повеќе од заслужено ќе се пробаат во посилниот ранг на натпреварување следната сезона.
Екипите на Бами Кор и Вардар Жени 2019, пак, кои финишираа како трето, односно четврто рангирани на второлигашката табела ќе играат бараж за влез во Првата лига. Противници во баражот ќе им бидат седмо и осмопласираните екипи од Првата лига, Струмица жени, односно Ускана. Првиот бараж натпревар се игра на 23 април (среда) кога Бами Кор ја пречеккува Ускана, додека Вардар Жени 2019 ќе игра со Струмица жени. Реваншите се предвидени за 26 април (сабота) по кој ќе бидат познати сите ученици во Првата и Втората женска лига за следната сезона.
(ПР)
Спорт
(Видео) Чурлинов стрелец за Јагиелонија против Бетис, Фиорентина на мускули го мина Целје

Бетис и Фиорентина први изборија пласман во полуфиналето во Конференциската лига. Бетис, по 2:0 во првиот меч одигра 1:1 во Полска против Јагиелонија. Единствениот гол за Јагиелонија во овој двомеч го постигна македонскиот реорезентативец Дарко Чурлинов. Фиорентина се мачеше со Целје, одигра 2:2 на „Артемио Франки“, понатаму мина благодарение на победата 2.1 во првиот натпревар.
Јаггиелонија одигра добра натпревар против Бетис, екипа која се бори за место во Лигата на шампионите оваа сезона. Постигнаа гол домашните во 45.минута кој беше поништен поради офсајд.
И покрај иницијативата што ја имаа домашните, Бетис го постигна првиот гол на мечот, преку Бакамбу во 78.минута. Сепак три минуит подоцна Чурлинов ја спаси честа на својот тим.
⚽️ GOAL: Churlinov
🇪🇺 Jagiellonia 1-1 Real Betispic.twitter.com/qFg1A5eA6J— Goals Xtra (@GoalsXtra) April 17, 2025
Целје и во вториот меч храбро и се спротивстави на Фиорентина, но Словенците немаа среќа да изборат барем продолженија.
Водеше Фиорентина со голот на Мандрагора во првиот дел, но Целје во второто полувреме преку Матко и Неманиќ во 54. и 65.минута го сврте резултатот. Три минути подоцна најдобриот стрелец на Фиорентина, Кен го постави конечниот резултат.