Спорт
Отворен е „Лусаил“, стадионот каде ќе се игра финалето на Светското првенство
Катар е подготвен за Светското првенство на кое ќе биде домаќин на крајот на ноември и почетокот на декември годинава, а вчера и официјално беше објавено дека е готов најмодерниот стадион во светот. Стадионот „Lusail Iconic“ е најголемиот стадион во Катар, со капацитет од 80.000 седишта и ќе има голема улога во првенството.
Трибините имаат брановиден изглед, а се составени од два ката. Посебен е и покривот, може да се затвора, а стадионот е опремен со клима, што на фудбалерите ќе им го олесни играњето на високи температури.
По Мундијалот, Катарците планираат да се пријават за организација на финалните натпревари од Светското клупско првенство.Освен тоа, сакаат и финале во азиската Лига на шампиони, а стадионот е повеќенаменски, па не е исклучено таму во иднина да гледаме некој ракометен или кошаркарски спектакл.
За време на Мундијалот на споменатиот стадион ќе се одиграат десет натпревари, и тоа: Аргентина – Саудиска Арабија, Бразил – Србија, Аргентина – Мексико, Португалија – Уругвај, Саудиска Арабија – Мексико, Камерун – Бразил, натпревар од осминафиналето, четвртфинален натпревар, полуфинален натпревар и финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Личен рекорд на Мекси и победа на Филаделфија во Милвоки
Тајрис Мекси одигра спектакуларен меч во Милвоки, ја водеше Филалделфија до победата, по едно продолжение (123:114). Бекот на Филаделфија мечот го заврши со 54 поени. Милвоки играше без најдобриот играч, Јанис Адетокумбо, кој ќе отсуствува најмалку две недели поради повреда.
Во првото полувреме, двата тима имаа своја четвртина. Прво, Филаделфија дојде до двоцифрена разлика, но Милвоки се врати и на полувреме замина со предност од два поени.
Неизвесно беше во вториот дел, регуларниот дел заврши со 106:106. Макси успеа да избори дополнителни пет минути, а во продолжението со помош на Џастин Едвардс, му ја донесе победата на својот тим.
Покрај Макси, Пол Џорџ постигна 21, Квентин Грајмс додаде 14.
Бакс ги предводеше Ролинс со 32 поени и 14 асистенции, Боби Портис постигна 19, а Кајл Кузма постигна 17 поени.
Резултати:
Орландо – Лос Анџелес Клиперс 129:101
/Сагс 23 – Харден 31/
Мемфис – Сакраменто 137:96
/Алдама 29 – Лаваин 26/
Милвоки – Филаделфија 114:123
/Ролинс 32 – Макси 54/
Сан Антонио – Атланта 135:126
/Фокс 26 – Александар-Вокер 38/
Спорт
Поднесено е обвинение против претседателот на Наполи
Претседателот на Наполи, Аурелио Де Лаурентис, е обвинет за лажно сметководство при трансферот на Костас Манолас од Рома во 2019 година и измама во врска со трансферот на Викор Осимен од Лил три години подоцна. Во врска со овој случај судењето во Рим е закажано за 2 декември следната година.
Според порталите блиски до Наполи, државните обвинители Лоренцо Дел Џудиче и Џорџо Орано поднесоа обвинение против првиот човек на Наполи поради финансиските извештаи во периодот од 2019 до 2021 година, а клубот од стадионот „Диего Армандо Марадона“ ја објави најновата вест.
Во официјално соопштение од клубот е изразен шок од судијата на прелиминарното сослушување со кој е обвинет Де Лаурентис, велејќи дека сите извештаи покажуваат дека финансискиот извештај на клубот за трансакциите при трансферот на фудбалрот бил точен.
„Самото обвинителство призна, за време на завршниот збор, дека Наполи не добил никаква корист од спорните трансакции. Клубот мирно го чека судскиот процес, убеден во исправноста на неговиот исход“, се вели во соопштението и се напоменува дека обвинителите од Милано побарале прекин на постапката против Интер за ист ваков случај.
Да ве потсетиме, сè се случува во момент на голема резултатска криза во редовите на италијанскиот шампион, која кулминираше претпоследниот викенд со пораз во Болоња, што наиде на остра реакција од тренерот Антонио Конте.
По ноемвриската репрезентативна пауза, следниот натпревар на Наполи е во сабота против Аталанта.
Спорт
Тежок пораз на Еурофарм Пелистер кај Пик Сегед
Еурофарм Пелистер доживеа тежок пораз на гостувањето во Унгарија кај Пик Сегед 35:20 (14:11). Избраниците на Рубен Гарабаја, го одиграа најлошиот натпревар во сезоната, го забележаа шестиот пораз во осмиот меч и се на претпоследното место на табелата.
Пик Сегед со камата му го наплати на Пелистер поразот од минатата недела во Битола. Избраниците на Рубен Гарабаја, анемично влегоа во натпреварот, го разбранија ветеранот Роналд Миклер и на крајот доживеаја убедлив пораз.
Дека не Пелистер лошо му се пишува беше јасно по 13 минути, кога Сегед стекна предност од четири гола, а по 18 минути резултатот беше 10:4. Играчите на Пелистер се „истакнаа“ со промашување на зицери, а Сегед најчесто поенираше од контра или полуконтра.
Сите дилеми одколу победникот, доколку воопшто и ги имаше, беа решени в 43-та минута кога домашните ракометари стекнаа довцифрена предност. До крајот натпреварот повеќе наликуваше на пријателски, отколку на натпревар од Лигата на шампионите.
41-годишниот Миклер го предводеше Пик Сегед со 19 интервенции, а најефикасни беа Кукиќ и Фримел со по седум гола. Хаџиќ, Атанасијевиќ и Манасков постигнаа по три гола за Пелистер. Најдобар беше голманот Хејдарирад со седум одбрани.
Табела:

Foto/ EPA

