Спорт
Ова е најдобриот тим во светот, вреди 1,1 милијарда евра
Според базата на ESPN, американскиот портал GiveMeSport го состави најдобриот тим на светот. За тренер е избран Пеп Гвардиола, а целиот тим според Трансфермаркт вреди 1,1 милијарда евра.
На голот е голманот на Реал, Тибо Куртоа (45 милиони евра), без сомнение најдобриот голман во светот во последните две години.
Во задната линија, во формацијата 4-3-3 бекови се Ахраф Хакими од ПСЖ (65 мил. евра) и Алфонсо Дејвис од Баерн Минхен (70 мил. евра). Двајцата играа на Светското првенство за своите репрезентации, а Хакими стигна до полуфиналето со Мароко.
Прв избор за стопер е Португлецот Рубен Диаш (80 мил. евра), а до него е Јошко Гвардиол (75 мил. евра). Овие двајца наскоро можат да станат соиграчи во Манчестер сити.
Во редот за врска се Џуд Белингем (120 мил. евра), кој летово од Дортмунд се пресели во Реал Мадрид за 103 милиони евра. Покрај Англичанецот во средниот ред се двајца играчи на Манчестер сити, Родри (90 мил. евра) и Кевин Де Брујне (70 мил. евра)
Порталот состави напаѓачка тројка која вреди речиси 500 милиони евра.
На крилните позиции се Букајо Сака од Арсенал (120 мил. евра) и Килијан Мбапе од ПСЖ (180 мил. евра), а шпиц е Ерилинг Халанд (180 мил. евра).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Слот ќе биде главен тренер, а не менаџер на Ливерпул
Ерата на Јирген Клоп во Ливерпул заврши во неделата. Германецот по девет успешни сезони реши да замине на долг одмор. На заминување самиот го промовираше новиот тренер Арне Слот, кој во Ливерпул доаѓа од Феенорд.
Англиските медиуми објавија дека Слот, за разлика од Клоп нема да биде вработен како менаџер, туку како главен тренер.
Холанѓанецот е 23. предводник на Ливерпул, а прв што нема менаџерска улога.
Според британските медиуми, промената е одраз на следењето на модерните трендови на фудбалот. Повеќето англиски клубови сега го прават она што европските клубови го прават со децении, ја одвојуваат улогата на тренер од онаа на спортски директор или менаџер.
Ливерпул по објавата на Јирген Клоп дека го напушта клубот направи голема реорганизација. Затоа што Клоп не е единствениот што заминува. Клубот го напушта и фудбалскиот директор Јорг Шматке, како и неколку важни членови на стручниот штаб.
Во клубот се враќаат Мајкл Едвардс како шеф на фудбалот и Џулијан Вард како технички директор. Педро Маркез ќе биде директор за фудбалски развој на целата спортска групација Фенвеј, а Ричард Хјуз ќе биде новиот спортски директор. Сите тие, како и Арне Слот, ќе ги преземат своите должности на 1 јуни.
Клубот верува дека титулата главен тренер ќе му даде можност на Слот да се концентрира на најважните аспекти од работата со првиот тим. Тој дефинитивно ќе биде неприкосновен авторитет и ќе има целосна контрола врз тимот.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.
Спорт
Јокиќ: Лука ми е пријател, му посакувам да ја освои титулата
Никола Јокиќ и кошаркарите на Денвер не успеаја да го одбранат шампионскиот прстен оваа сезона. Тие беа поразени во полуфиналната серија на Западот од Минесота со 4-3, последниот, седми натпревар во серијата Минесота го доби во Денвер со (90:98).
Јокиќ не беше расположен по натпреварот, делуваше исцрпено по големата борба. Минесота често играше со тројца високи играчи Руди Гобер, Карл-Ентони Таунс и Наз Рид кои максимално го изморија најдобриот играч во лигата.
Кога Јокиќ на прес-конференцијата беше запрашан да опише што им се случи, можеби со својот одговор индиректно прстот го впери кон челниците на франшизата, се пожали на на недоволниот квалитет што го има Денвер на клупата за резерви.
Јокиќ беше запрашан и кого би сакал да види на местото каде минатата година беше Денвер, со шампионски прстен.
„Тоа му го посакувам на Лука. Тој ми е добар пријател“.