Александар Драговиќ од наредната сезона ќе го носи дресот на Црвена звезда. Српските медиуми објавија дека австрискиот репрезентативец, изминатите денови бил во Белград, каде ги договорил условите.

Драговиќ, во Црвена звезда, ќе пристигне као слободен играч, бидејќи по завршувањето на сезоната му завршува договорот со Баер Леверкузен.

30-годишниот фудбалер, има српско потекло и како што многу пати истакнувал, голем е навивач на Црвена звезда. Поради желбата да го облече црвено=белиот дрес, тој ги одбил сите понуди на Баер да го продолжи договорот.

Драговиќ ќе биде едно од најголемите засилувања во поновата историја на најтрофејниот српски клуб.

Во кариерата бил играч на Австрија Виена, Базел, Динамо Киев и Лестер. За Австрија има одиграно 88 натпревари.

Далас Маверикс забележаа победа над Лос Анџелес Лејкерс 115:110. Натпреварот во Тексас го обележа Лука Дончиќ.

Словенецот го предводеше својот тим со 30 поени, девет скока и осум асистенции. Најблиску до него беше Кристапс Прозингис со 19 поени.

Дончиќ, кој одигра брилијантен натпревар, во финишот можеше да биде трагичар. На 79 секунди до крајот, при резултат 113:106, „продаде“ топка, Андре Драмонд поентираше за Лејкерси, а потоа Словенецот не погоди за три поени, меѓутоа противниците тоа не го искористија.

Лејкерси ги предводеа Кентавијус Колдвел-Поуп со 29 и Денис Шридер со 25 поени. На овој меч во тимот на Лејкерси, се врати Ентони Дејвис. Крилниот центар, отсустуваше од тимот два месеци поради повреда.

Резултати:

Бостон-Финикс 99:86
Милвоки-Филаделфија 124:117
Орландо-Њу Орлеанс 100:135
Сан Антонио-Детроит 106:91
Чикаго-Шарлот 108:91.



Лионел Меси постигна два гола за да ги предводи Барселона до 5:2 триумф над Хетафе за враќање на третата позиција во Ла лига и заддржување на шансите за шпанската титула.

Со овие два гола, неверојатниот Аргентинец стана единствениот фудбалер кој постигнал барем 25 гола во последните 12 сезони во топ 5 лигите. Само во 2021 година, тој има постигнато 22 гола и има 8 асистенции.

Меси уште во осмата минута ги донесе Каталонците во водство, но Клемен Ленгле само четири минути подоцна си постигна автогол за израмнување. Софијан Шакла ја врати „услугата“ со свој автогол во 28. минута за ново водство на Барса, пред Меси повторно да стрела во 33. минута. Сепак, финишот беше „нервозен“ за домаќините, откако Хетафе успеа да намали на 3:2 во 69. минута со гол од пенал на Енес Унал, но Роналд Араухо во 88. минута го потврди триумфот, пред во 93. минута Антоан Гризман да ги постави конечните 5:2.

Барса сега има 68 поени на третото место, два поени зад второпласираниот Реал Мадрид и пет зад лидерот Атлетико Мадрид, но за разлика од ривалите, Каталонците имаат одиграно меч помалку.

Графика: Sofascore за Топспорт.мк

ЛА ЛИГА, 31.КОЛО

Барселона – Хетафе 5:2

Гранада – Еибар 4:1

Реал Сосиедад – Селта Виго 2:1