Спорт
Ова е спортистот со најголема плата, доби повеќе од Роналдо и Меси заедно

Јон Рахм (29), голфер од Шпанија, е новиот најплатен спортист во светот. Тој потпиша договор вреден 555 милиони евра со ЛИВ голф лигата од Саудиска Арабија. Кога ќе се спојат платите на Кристијано Роналдо и Лионел Меси, сумата е помала од онаа што годишно ќе ја добива Рахм. Роналдо има плата од 200 милиони евра, а Меси од 150 милиони евра.
Тајгер Вудс одби речиси милијарда евра, но Рахм не сакаше да ја пропушти шансата и се согласи на нешто повеќе од половина милијарда. Интересно, лани во една совја изјава рече дека нема намера да замине од ПГА.
„Не би ја напуштил PGA Tour доколку ми понудат 300 милиони евра. Парите се одлични, но тогаш јас и мојата сопруга се запрашавме: Дали нашите животи ќе се променат ако ги добиеме тие пари? Воопшто. Искрено, ако сега се пензионирав, би можел да живеам удобно до крајот на мојот живот од она што сум го заработил досега. Никогаш не сум играл голф од финансиски причини. Играм од љубов и сакам да играм против најдобрите во светот. Отсекогаш ме интересирало спортската историја на славните личности и наследството што легендарните спортисти го оставаат зад себе, а во моментов PGA Tour ми го дава тоа“.
Рахм е трет на светската ранг-листа и Мастерси шампион и сега влезе во историјата со три пати поголем договор од оној што Саудијците му го платија на шесткратниот шампион Фил Микелсон пред 18 месеци.
ЛИВ сакаше да го направи Тајгер Вудс најплатен играч досега, но тој ја одби понудата на Саудијците од 920 милиони евра, додека Рори Мекилрој ги одби нивните 290 милиони евра.
Секој турнир организиран од ЛИВ следната година има главна награда од повеќе од 3,5 милиони евра, па Рахм може многу да ја надмине и онака лудата сума што му е загарантирана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кунде го продолжи договорот со Барселона

Францускиот дефанзивец Жил Кунде (26) го продолжи договорот со Барселона до 30 јуни 2030 година, објави каталонскиот клуб.
Финансиските детали не се откриени, а во соопштението за медиумите се наведува дека покрај Кунде, на церемонијата за продолжување на договорот присуствувале и претседателот на Барселона, Жоан Лапорта, првиот потпретседател Рафа Јусте, спортскиот директор Деко, координаторот Бојан Кркиќ…
Кунде беше еден од најважните играчи во тимот на Ханси Флик минатата сезона, бидејќи имаше 53 настапи во сите натпреварувања, постигна и четири гола со осум асистенции.
Французинот е член на Барселона од 2022 година, а пред тоа играше за Севилја и Бордо. Одигра 142 натпревари за каталонскиот клуб и постигна седум гола.
Одигра 42 натпревари за француската репрезентација.
Foto/ EPA
Спорт
Димитревски пред преселба во Леванте

Голманот на фудбалската репрезентација на Македонија ќе остане во Валенсија но ќе го смени клубот. Столе ќе го облече дресот на Леванте, клуб сезонава се врати во Примера.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул. Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија на позајмица го донесе Хулен Агирезабала од Атлетик Билбао.
По овој потег што го повелекова „лилјаците“ беше јасно дека Димитриевски ќе замине од „Местаља“.
Договорот меѓу голманот и Леванте треба да биде официјализиран во наредните денови.
Foto/ „X“
Спорт
Интер мора да донесе уште двајца играчи

Вице-првакот на Италија е Европа, Интер има намера да засили две позиции до крајот на преодниот рок. На „Џузепе Меаца“ преба да пристигнат играч од средниот ред и стопер, а клубот за оваа намена има буџет од 80 милиони евра, објавија италијанските медиуми.
Кога станува збор за средниот ред, „нераѕурите“ имаа намера да го доведат францускиот фудбалер Ману Коне (24), но Рома не сакаше да отстапи од износот на отштета. Рома инсистираше на сума од 50 милиони евра, па Интер на крајот се откажа од Коне.
Сега, според италијанските медиуми, тие го насочија вниманието кон играчот од средниот ред на Рен, Џауи Сисе (21), чиј договор со францускиот клуб е важечки до јуни 2029 година.
Што се однесува до позицијата стопер, во потесниот список останаа уште двајца играчи, Умар Солет (25) од Удинезе и Лоик Баде (25) од Севилја. Интер донесе четири играчи ова лето, а полскиот играч од средниот ред Никола Залевски беше продаден на Аталанта.
Најмногу го чинеа играчот од средниот ред на Марсеј, Луис Енрике, и централниот напаѓач на Парма, Анж-Јоан Бони. За овие трансфери клубот издвои по 23 милиони евра, а потоа следува хрватскиот репрезентативец и до неодамна играч на Динамо, Петар Сучиќ. На Динамо му е исплатена отштета од 14 милиони евра.
Фото/ Принтскрин