Ракометната репрезентација на Данска го продолжува походот кон одбрана на олимпиското злато од Рио де Жанеиро. Данците, во скандинавското четврт-финале, ја победија Норвешка со 31:25 (13:12).

Данците полесно од очекувањата славеа над Норвешка. Првото полувреме беше речиси израмнето, Данците беа подобри за еден гол.

Победникот го реши серијата на Данска од 6:2, во првите девет минути од второто полувреме. Норвежаните, потоа не успеаја да се вратат од тој минус, најмногу поради катастрофалната игра во одбраната.

Микел Хансен и Јакоб Холм со по осум голови ја предводеа Данска. Ист број на голови за Норвешка постигна Сандер Сагосен, кој поради три исклучувања пред време го заврши натпреварот.

Данска во полу-финалето ќе игра против Шпанија. Во второто полу-финале, Франција го чека победникот од дуелот помеѓу Германија и Египет.

Грција се повлече од натпреварите во уметничко пливање. Четири репрезентативки биле позитивни на коронавирусот.

Една од грчките репрезентативки во понеделникот добила позитивен тест, а ден подоцна позитивни наоди пристигнале за уште три репрезентативки.

„Од првиот ден кога влеговме во Олимпиското село со никого немавме контакт. Дури ни со членовите на Олимпискиот комитет на Грција. И на крајот ни се случи ова. Жал ни е што мораме да се повлечеме“, соопштиле од грчкиот тим.

Организаторите на ОИ соопштија дека во вторникот имало 18 позитивни тестови на коронавирусот. Од 1 јули вкупно 294 спортисти биле заразени од коронавирусот.

Браќата Пау и Марк Гасол се простиј од дресот на шпанската репрезентација. Поразот од САД, во четврт-финалето на олимписките игри во Токио, беше последен за легендарните браќа во дресот на Шпанија.

Пау (41) за Шпанија дебитираше во 2001 година. Со Шпанија освои 11 медали на големите натпреварувања. Три пати бил европски, еднаш светски првак, додека од ОИ има две втори места.

Се уште не е јасно дали Пау ќе ја заврши кариерата. Минатата сезона тој ја мина во Барселона.

„За наредниот чекор ќе разговарам со семејството. Ќе видиме дали ќе продолжам да играм кошарка или ќе барам нови предизвици во животот“, рекол Пау Гасол.

Марк Гасол е пет години помлад. Тој и наредната сезона ќе го носи дресот на Лос Анџелес Лејкерс. Помладиот Гасол за Шпанија дебитираше во 2006 година. Марк со Шпанија два пати бил светски, три пати европски првак, има и две сребра од настапите на ОИ.