Спорт
„Ова станува смешно“
Манчестер јунајтед минува низ турбулентни промени во составот, а Маркус Рашфорд е во епицентарот на медиумските шпекулации за потенцијално заминување од клубот.
Ситуацијата дополнително се искомплицира откако тренерот Рубен Аморим целосно го исклучи од плановите. Англискиот напаѓач не само што седи на клупата, туку во последно време не е ниту во протоколот на натпреварите.
Овој потег на португалскиот стручњак покрена лавина гласини дека Рашфорд ќе го напушти „Олд Трафорд“. Според неофицијални информации, поранешниот англиски репрезентативец наводно преговара за трансфер во Саудиска Арабија и веќе одржал состаноци со менаџерската агенција за потенцијално заминување.
Сепак, Рашфорд реши лично да ги демантира овие тврдења преку социјалните мрежи. На својот Инстаграм профил се осврна на наводите кои се појавија во медиумите.
„Имаше многу лажни вести овие неколку недели. Ова станува смешно. Никогаш не сум се сретнал со никакви агенции и не планирам да го направам тоа“.
Одлуката на Рубен Аморим да го остави настрана еден од најталентираните играчи од познатата младинска академија на Јунајтед, предизвика негодување кај навивачите, со шпекулации дека неговото име би можело да се најде на трансфер листата уште во јануарскиот преоден рок.
🚨❗️ Marcus Rashford on Instagram. pic.twitter.com/d17YWt9Duz
— Fabrizio Romano (@FabrizioRomano) January 1, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кливленд во дербито ја победи Оклахома
Кливленд Кавалирс го добија дуелот на најдобрите тиови во НБА лигата. Кавалирс ги победија Оклахома сити Тандер со 129:122. Поразот во Кливленд е прв за Оклахома по 15 последовни победи.
Џерет Ален доминираше со 25 поени, Мобли додаде 21. Кливленд има скор од 32 победи и четири порази, во досегашниот тек од сезоната Кавалирс немаат пораз против тимовите од Западот, а на домашен терен претрпеа само еден пораз во 20 натпревари.
Тандер загубија прв пат од 1.декември, до дуелот со Кливленд нанинжаа 15 победи.
Ова е прв пораз на Тандер од првиот ден од декември, Шеј Гилџес-Александер постигна 31 поен, Вилијамс додаде 25.
Ова е само трет пат во историјата два тима чија победничка серија во тој момент беше двоцифрена да играат меѓу себе. И за прв пат по еден век, ова е случај Последната таква игра ја одиграа Сиетл и Јута во средината на 1990-тите, кога Соникс и Џез имаа по десет победи.
Единствените четири тима кои имаа подобар учинок од Кавс по 36 натпревари се Вориорс од 2015-16 година, Филаделфија од 1966 година со Вилт Чембрлен, митските ЛА Лејкерс од почетокот на 1970-тите и секако Чикаго Булс на Мајкл Џордан Чикаго од сезоната 1995/96
Резултати:
Кливленд – Оклахома 129:122
Индијана – Чикаго 129:113
Филаделфија – Вашингтон 109:103
Бруклин – Детроит 98:113
Њујорк – Торонто 112:98
Њу Орлеанс – Портланд 100:119
Денвер – ЛА Клиперс 126:103
Милвоки – Сан Антонио 121:105
Спорт
Тешка ждрепка за Ѓоковиќ на Австралија опен
Извлечен е костурот за првиот Гренд слем турнир во сезоната, Австралија опен. 10-кратниот освојувач на турнирот Новак Ѓоковиќ, има тежок пат во Мелбурн.
Ѓоковиќ со бранителот на титулата, Јаник Синер, може да се сретна само во евентуалното финале. Меѓутоа во четвртфиналето го чека Карлос Алкараз, а во полуфиналето Александар Зверев.
Турнирот Ѓоковиќ ќе го започне против Американецот Нишеш Басавареди. Во вториот ќе игра против Павел Котов или квалификант, а можни ривали во третиот круг му се Опелка/квалификант/Нагал/Махач.
Јаник Синер го отвора турнирот против Николас Џари од Чиле, а потоа продолжува на подобриот од дуелот Даниел – Скулкејт.
Саша Зверев во првото коло ќе се соочи со Лукас Пуј, а доколку победи во второто коло ќе се соочи со Дардери или Мартинез. Негов проектиран противник во третото коло е Ник Кирјиос, кој игра со Џејкоб Феарнли во првото коло.
Тејлор Фриц го започнува турнирот пред Џенсон Бруксби, а Карлос Алкараз во првото коло ќе игра против Олександр Шевченко.
Спорт
Лопетеги повеќе не е тренер на Вест Хем, доаѓа Потер
По неколкудневните преговори со нов кандидат, Вест Хем се сети да му го врачи отказот на сегашниот тренер, Хулен Лопетеги.
Она што се најавуваше некое време сега стана и официјално. Клубот од источен Лондон објави дека Лопетеги повеќе не е селектор на премиерлигашот, но се’ уште не го официјализирал доаѓањето на нов тренер.
„Чеканите“ се најдоа во незавидна ситуација на табелата. Моментално се само 14-ти со само 23 бода, што не беше ни блиску до очекуваното на почетокот на сезоната. Лопетеги не ги оправда очекувањата ниту на навивачите, ниту на управата, па челниците на лондонскиот клуб решија да бараат друг тренер. Тоа го направија многу транспарентно.
Додека Лопетеги официјално беше на клупата на Вест Хем, се појавија фотографии од челниците на лондонскиот тим како седат со поранешниот тренер на Челзи, Грем Потер.
Англискиот стручњак ќе биде новиот шеф на стручниот штаб на Вест Хем, само се чека на официјализирање на соработката.
Следниот натпревар „Чеканите“ ќе го одиграат против Астон Вила во ФА Купот во петок од 21:00 часот.