Спорт
Овермарс има сериозно оштетување на срцето по инфарктот
![](https://makfax.com.mk/wp-content/uploads/2023/01/unnamed-1.jpg)
Марк Овермарс има сериозно и неповратно оштетување на срцето по инфарктот кој му се случи минатиот месец, јавуваат белгиските и холандски медиуми. 49-годишниот поранешен фудбалер на Арсенал, откако си замина од Ајакс стана фудбалски директор во белгискиот Антверпен, кога на 29 декември заврши во болница по мозочен и срцев удар.
Холандскиот „Де телеграф“ тврди дека неговата ситуација е далеку полоша од таа која беше првично објавена и дека неговото срце има капацитет од само 30 отсто откако дел од неговиот срцев мускул бил умртвен.
Овермарс си замина од Ајакс, каде што цела деценија работеше како генерален директор, откако беше објавено дека праќал непристојни пораки до своите колешки, вклучувајќи фотографии од своите гениталии. Тој потпиша со Антверпен во март 2022, каде што ги донесе поранешните играчи на Тотенхем, Тоби Алдервајрелд и Винсент Јансен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Срби и Англичани се тепаа во Гелзенкирхен
![](https://makfax.com.mk/wp-content/uploads/2024/06/Untitled-2-7.jpg)
Навивачите на Србија и Англија физички се пресметаа низ улиците на Гелзенкирхен во пресрет на натпреварот на Европското првенство.
На видеата кои се шират по мрежите се гледа дека навивачите фрлаат предмети од кафулињата.
Германската полиција мораше итно да реагира и релативно брзо ја стави ситуацијата под контрола. Искршени се неколку излози и градини.
И додека еден дел од странските медиуми пишуваат дека се работи за пресметки меѓу англиски и српски навивачи, „Билд“ јавуваат дека биле вмешани и албански навивачи.
Искршени се неколку излози и градини.
Натпреварот ќе започне во 21 часот.
I have arrived to Gelsenkirchen ❤️ pic.twitter.com/6eOQVAw0Ay
— Diego | It’s coming home 🏴 (@DiegoNUFC) June 16, 2024
Liebe Grüße aus Gelsenkirchen#EURo2024 pic.twitter.com/3jQ012qmTQ
— slevin 🥷🏼 (@DieserOnkel) June 16, 2024
Just arrived in centre of Gelsenkirchen and a large group of hooded face-covered locals attacked a load of Serbian fans outside a bar!
Hundreds of England fans including kids eating and drinking yards away, totally uninvolved!
Lively start to the day! pic.twitter.com/7mn0DAzIPS
— Simon Clare (@SiClare) June 16, 2024
Спорт
(Видео) Џокерот Вегхорст за триумф на Холандија над Полска
![](https://makfax.com.mk/wp-content/uploads/2024/06/12303397.jpg)
Холандија со победа го започна Европското првенство во Германија. „Лалињата“, со пресврт ја победија Полска во Хамбург со 2:1 (1:1).
Холанѓаните, многу тешко дојдоа до првата победа на ЕП, најмногу по своја вина, бидејќи не знаеја да ги реализираат своите шанси.
Буска ги шокираше Холанѓаните во 16.минута, а изедначи со многу среќа Гакпо во 29.минута. По ударот на Гакпо топката го закачи Саломон го смени правецот и заврши зад грбот на одличниот Шчесни.
Холанѓаните во првиот дек не реализираа три одлични шанси преку Гакпо, Депај и Рејнедрес.
Во второто полувреме јасна беше определбата на Полска да го ува нерешениот резултат. Холандија се обудуваше но немаа интензитет во играта каков што имаа во првото полувреме.
Џокерот на селекторот Куман го реши мечот во 83.минута. Напаѓачот на Хофенхајм нецели две минути претходно влезе на теренот.
До крајот Полска можеше до 2:2, но победата ја сочува голманот Вербруген кој брлијантно го одбрани ударот на Свидерски во 89.минута.
Спорт
Павловиќ во Баерн до 2029 година
![](https://makfax.com.mk/wp-content/uploads/2024/06/1698830531-120874.jpg)
Германскиот репрезентативец и играч на Баерн, Александар Павловиќ го продолжи договорот со баварскиот великан до летото 2029 година.
Павловиќ, кој непосредно пред ЕП ја одби понудата да игра за Србија, земја од која потекнуваат неговите родители, поради проблем со крајниците, два дена пред почетокот на ЕУРО 2024 го напушти кампот на репрезентацијата.
„За жал поради воспаление на крајниците нема да играм на Европското првенство, но воодушевен сум што мојот договор со Баерн е продолжен до 2029 година. Тоа покажува дека клубот има верба во мене. Баерн е мојот дом. Горд сум, среќен и благодарен, сакам да освојувам трофеи со тимот и да продолжам со мојот личен развој“, изјави Павловиќ за клупската веб-страница.
За тимот од Минхен одигра 22 натпревари и постигна два гола.