Спорт
Озил го крена гласот: Не ми даваат да играм за Арсенал
Месут Озил е пречкртан во Арсенал. Менаџерот Микел Артета не го пријави за натпреварите во Лига Европа и Премиер лигата, со што му испрати порака дека не сака да го има во тимот.
Арсенал, поради палатата што ја има Озил, во преодниот рок неуспешно се обиде да се ослободи од него. Наводно, тој одбил платата да му биде намалена, поради што се нашол нашол на „црната листа“.
Езил, денес реши да го прекине молчењето и преку социјалните мрежи им се обратил на навивачите на Арсенал.
„Тешко ми е што ова им го пишувам на навивачите на Арсенал. Многу сум разочаран што клубот не ме пријави за Премиер лигата. Откако во 2018 година го потпишав новиот договор, му се обврзав на верност на клубот што го сакам. Тажен сум што тоа не ми е возвратено. Во денешно време очигледно е тешко да покажеш верност. Се обидував, од недела во недела, да останам позитивен, се надевав дека ќе добијам шанса и дека ќе се вратам во тимот. Поради тоа досега молчев. Пред паузата со коронавирусoт бев среќен како се одвиваа работите со новиот тренер Микел Артета. Бевме на вистинскиот пат, играв на добро ниво“, напишал Озил и продолжил.
„Потоа работите се сменија. Не ми даваа да играм за Арсенал. Што повеќе можам да кажам. Лондон се уште го чувствувам како свој дом, овде имам многу пријатели и чувствувам голема поврзаност со навивачите. Без оглед на сè нема да дозволам мојата осма сезона во клубот вака да заврши. Оваа одлука нема ништо да смени кај мене. Ќе продолжам да тренирам и секогаш ќе го кревам гласот против нехуманоста“.
Договорот на Озил со Арсенал истекува по завршувањето на сезоната. Озил за Арсенал има одиграно 244 натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ништо ново во Денвер, трипл-дабл на Јокиќ и победа на Нагетс
Денвер Нагетс убедливо ги победија Индијана Пејсерс со 117:100 во ноќта помеѓу саботата и неделата.
Трократниот најкорисен играч Никола Јокиќ, одигра уште еден „брутален“ натпревар и оствари трипл-дабл со 32 поени, 14 скока и 14 асистенции.
Јокиќ имаше дури 8 изгубени топки, но шутираше неверојатни 10/14 од поле и реализираше 11 од 12-те слободни фрлања.
Во деветтиот меч од почетокот на сезоната, Јокиќ го забележа шестиот трипл-дабл. Денвер играа без Џамал Мареј и Ерон Гордон.
Резултати:
Вашингтон Визардс – Далас Маверикс 105:111
Филаделфија – Торонто Репторс 130:120
Атланта Хокс – Лос Анџелес Лејкерс 122:102
Кливленд Кавалирс – Чикаго Булс 128:122
Мајами Хит – Портланд Блејзерс 136:131
Сан Антонио Спарс – Њу Орлеанс Пеликанс 126:119
Денвер Нагетс – Индијана Пејсерс 117:100
Лос Анџелес Клиперс – Феникс Санс 103:114
Спорт
Тренерот на Лејкерси збесна по поразот од Атланта
Џеј Џеј Редик, тренерот на Лос Анџелес Лејкерс, беше многу лут на својот тим по поразот 122:102 од Атланта Хокс во Џорџија.
Лејкерс го одиграа својот најлош натпревар во сезоната во саботата навечер, а тренерот Џеј Џеј Редик беше исклучително бесен на својата прес-конференција по натпреварот.
„Ништо не беше добро. Хокс играа добро, ние сме разочарани, ќе ги анализираме причините“, рече Редик.
Кога новинар го праша кога сфатил дека играчите „нема да се вклучат“, тој рече:
„Го сфатив тоа во првите две минути. Не видов ништо“, рече Редик додека ја напушташе прес-конференцијата.
Лука Дончиќ беше најефикасен со 22 поени, 5 скока и 11 асистенции, а имаше и 5 изгубени топки и само 7/17 од поле…
Долтон Кнехт му беше друштво со 14 поени, Џејк Ларавија имаше 13, а Џаред Вандербилт одигра фантастично, со 12 поени и 18 скока.
JJ Redick is PISSED 😳
(via @ohnohedidnt24) pic.twitter.com/TgRzErbkyZ
— Lakers Lead (@LakersLead) November 9, 2025
Спорт
Ѓоковиќ нема да игра на Завршниот мастерс во Торино
Најуспешниот тенисер во историјата, Новак Ѓоковиќ, одлучи да не учествува на Завршниот мастерс во Торино.
Српскиот играч имаше голема желба да биде дел од завршниот турнир, а по победата против Лоренцо Мусети во финалето во Атина, тој зборуваше за причините за (не)очекуваната одлука.
„Навистина се радував на Мастерсот во Торино и можноста да дадам се од себе, но по денешното финале во Атина, со жалење објавувам дека морам да се повлечам поради повреда“, рече Ѓоковиќ и додаде:
„Искрено ми е жал за навивачите кои се надеваа дека ќе ме видат како играм – вашата поддршка ми значи многу. Им посакувам на сите играчи неверојатен турнир и едвај чекам наскоро да се вратам на теренот со сите вас.“
Ѓоковиќ требаше да биде во таканаречената „Џими Конорс група“ со Карлос Алкараз, Тејлор Фриц и Алекс де Минор. Наместо него, Мусети ќе игра во Торино.
Јаник Синер, Александар Зверев, Бен Шелтон и Феликс Оже-Алијасим играат во „Групата Бјерн Борг“.
Турнирот е закажан од 9 до 16 ноември, а првиот ден на програмата се натпреварите Алкараз – Де Минор (14) и Зверев – Шелтон (20:30).

