Спорт
Озил побарал Ердоган да му биде кум на свадбата!

Месут Озил повторно е во центарот на вниманието во Германија и повторно поради не-фудбалски причини, односно поради пријателството со турскиот претседател Реџеп Таип Ердоган.
Озил пред минатогодишното Светско првенство беше на мета на германските медиуми по фотографијата на која заедно со репрезентативниот колега Илкај Гундоган се фотографира со турскиот претседател Ердоган, а по неславниот настап на Мундијалот во Русија, Озил се повлече од репрезентацијата поради расизам, велејќи дека „кога победував бев Германец, кога губев, бев имигрант“.
Сега, тој повторно ги разгоре страстите, откако според таблоидот „Билд“ не само што го поканил Ердоган на својата свадба со Амине Ѓулше, туку и побарал тој да му биде кум при средбата на аеродромот во Истанбул.
Германскиот политичар со турско потекло, Џем Оздемир ја осуди одлуката на Озил.
„Секој има право да покани кого сака на својата свадба, и тоа сигурно се однесува и за Месут Озил. Но, поранешен и активен репрезентативец претставува пример за сите и тој треба да се запраша дали го прави тоа. Дали ќе поддржуваат автократи кои се богатат на сметка на својата земја и ги ставаат незадоволните во затвори да исчезнат“, изјави Оздемир.
Nationalspieler haben auch im Ruhestand Vorbildfunktion. @MesutOzil1088 muss sich fragen, ob er dieser noch gerecht wird, wenn er sich so von einem Despoten politisch missbrauchen lässt. Gilt übrigens auch für @LMatthaeus10 und sein Erinnerungsfoto mit Putin. https://t.co/TvoIJlYxor
— Cem Özdemir (@cem_oezdemir) March 16, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Медведев го прекина постот долг 29 месеци

Данил Медведев го освои турнирот од серијата 250 во Алмати, Казахстан. Рускиот тенисер во финалето го победи со 2:1 (7:5, 4:6, 6:3). Финалето траеше два часа и 38 минути.
Медведе, направи нешто добро оваа година, која за него до турнирот во Алмати беше кошмарна. Трофејот во Казахстан е прва титула за Медведев по Рим во 2023 година, односно по 29 месеци.
Финалниот натпревар во Алмати беше полн со пресврти. Медведев го доби првиот сет со 7:5 во неизвесна завршница. Откако Муте направи брејк во првиот гем, Медведев финишираше со два брејка.
Французинот успеа да се врати и да го земе вториот сет со резултат од 6:4, исто така со два брејка.
Во решавачкиот трет сет, сепак, Медведев демонстрираше малку повисока класа, направи брејк во осмиот гем и потоа лесно го заврши мечот.
Турнирот во Алманио се игра на тврда подлога и припаѓа на серијата АТП 250, но секако оваа титула доаѓа како големо за рускиот тенисер.
Спорт
Дурант стана најплатениот кошаркар на сите времиња

Кевин Дурант и Хјустон Рокетс постигнаа договор за двегодишно продолжување на договорот во вредност од 90 милиони долари, објавува инсајдерот од НБА, Шамс Чаранија.
Дурант имал право на максимално продолжување од 120 милиони долари, но, според ESPN, тој свесно прифатил помал износ – околу 30 милиони долари помалку – со цел тимот да ја одржи финансиската флексибилност и можноста дополнително да го зајакне составот во наредните сезони.
Овој потег покажува дека Дурант размислува долгорочно и сака Хјустон да стане сериозен шампионски проект. Дурантула летово пристигна во Хјустон од Финикс Санс.
Новиот договор вклучува и опција играчот да остане и во сезоната 2027/28.
Интересно е што со овој договор, Дурант станува играчот со најголема заработка во кариерата во историјата на НБА. Вокпно досега инкасирал 598,2 милиони долари, вклучувајќи ги сегашните и идните договори. Со тоа, тој го престигна претходниот рекордер, Леброн Џејмс, кој има 583,9 милиони долари.
Дурант моментално има уште три години од неговиот договор од 144,7 милиони долари, а новиот договор веројатно му овозможува да ја заврши кариерата во Хјустон, клубот каде што најде мотивација и можност да изгради наследство на свој начин.
Дурант беше избран од Сиетл Суперсоникс како втор пик на драфтот во 2007 година, но таа франшиза беше продадена по неговата прва сезона во државата Вашингтон, се пресели во Оклахома и франшизата го смени името во Тандер. Тој играше за Оклахома до 2016 година, кога одлучи да се приклучи на Голден Стејт Вориорс како слободен агент.
По две титули во три сезони и тешката повреда на Ахиловата тетива, тој одлучи да оди во Бруклин Нетс, каде што играше четири години. Тој го напушти Њујорк во 2023 година и потпиша со Финикс Санс, а на крајот беше трејдуван во Хјустон на крајот од минатата сезона.
Тој има 37 години, што значи дека ќе игра барем до 40 години.
Спорт
(Видео) Јувентус нокаутиран во Комо

Фудбалерите на Јувентус продолжија со неубедливите партии под водство на Игор Тудор. По серијата нерешени резултати, претрпеа тежок пораз на гостувањето кај Комо со 2:0 (1:0). Јувентус го претрпе првиот пораз во лигата против Комо од 1951 година.
Хрватскиот стручњак повторно остана тврдоглаво доследен на одлуката да го форсира Џонатан Дејвид во почетниот состав, наместо Душан Влаховиќ.
Канаѓанецот и овој пат го одигра целиот натпревар, додека Влаховиќ влезе во игра во 78-та минута. И повторно, тој беше поопасен за голот на Комо отколку неговиот соиграч од нападот.
Но, покрај тие двајца, целиот тим на „старата дама“, кој го предводи Тудор, одигра катастрофално, на границата на скандалозно. Без никаква идеја, енергија и речиси никаква волја да се промени нешто против тим кој сигурно не е наивен, но не треба да биде толку доминантен како што беше случај денеска.
Домашниот тим целосно ги контролираше настаните, играта, па дури и резултатот, кој беше на нивна страна од почеток до крај.
Поточно, од 4-та минута, кога Марк Оливер Кампф постигна гол за 1:0, избраниците на Сеск Фабрегас го заклучија својот гол и целосно го надиграа фаворизираниот ривал.
Во второто полувреме, Јувентус „дури и не се појави“ на теренот, а само минута откако Влаховиќ влезе на теренот, играчите на Комо изведоа беспрекорен контра напад, а прекрасен гол постигна Нико Паз за конечни 2:0.
Двата тима сега имаат ист број бодови, по 12 и се наоѓаат на делба на петтата позиција на табелата.
Foto/ EPA