Спорт
Пакета: Фрустриран сум, нема да имам фер сослушување
Фудбалерот на Вест Хем, Лукас Пакета изјави дека лажните информации што ги објавуваат медиумите за неговиот спор за обложување на натпревари го загрозуваат неговото право на фер сослушување.
Тој додава дека неговите адвокати ќе побараат од Фудбалската асоцијација на Англија (ФА) да спроведе истрага за ова прашање.
„Фрустриран сум и разочаран што прочитав погрешни и неточни написи во весник во врска со мојот случај. Некои од информациите се целосно лажни и се чини дека се дизајнирани да ја поткопаат мојата позиција. Личност блиска до случајот медиумите ја користат како извор за овие неточни информации. Процесот со ФА треба да биде целосно доверлив. Процесот е многу сериозен за мене и за моето семејство“, објави Пакета на социјалната мрежа Инстаграм.
Истрагата за обложувањето на Пакета беше покрената на 18 август минатата година, а на 23 мај оваа година тој беше обвинет дека ги прекршил правилата на ФА на натпреварите против Лестер, Астон Вила, Лидс и Бурнмаут, бидејќи со намера добивал жолт картон за да заработи преку обложување.
„Постојаното протекување и објавување на неточни информации во медиумите ме става во ризик да немам фер сослушување. Затоа им кажав на моите адвокати да побараат од ФА да спроведе темелна истрага за тоа како информациите за случајот, дури и ако се неточни се појавуваат во јавноста Продолжувам да ги отфрлам обвинувањата против мене и со нетрпение очекувам да ја докажам мојата невиност“, додаде Пакета.
Пакета (27) за Вест Хем одигра 93 натпревари и постигна 15 гола, додека за бразилската репрезентација забележа 53 настапи и 11 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Камбијасо: Јувентус е мојот Реал
Повредите ја осакаија одбраната на Реал Мадрид. Клубот во втората четвртина оод сезоната ќе влезе значителни проблеми. Дани Карвахал поради тешка повреда ја заврши сезоната, Едер Милитао се уште е повреден, а не оди се според планот околу враќањето на Давид Алаба, кој е надвор од тимот од декември минатата година.
Повредите ќе го натераат Флорентино Перез да се активира во зимскиот преоден рок. Реал ќе се обиде да донсе дефанзивец, не како привремено решение или како замена, туку како засилување.
Шпанските медиуми пишуваат дека Реал во јануари ќе донесе десен бек. Еден од кандидатите е Андреа Камбијасо (24) од Јувентус.
Пред две години Јуве го купи од Џенова за 13 милиони евра и оттогаш неговата пазарна вредност е двојно зголемена. По една сезона на позајмица во Болоња, тој се врати во Јувентус минатото лето и оттогаш постигна четири гола и запиша седум асистенции на 48 натпревари
Неговата реакција на поврзувањето со Реал ги воодушеви навивачите на италијанскиот гигант: „Јуве е мојот Реал. Го продолжив договорот до 2029 година и сакам да останам овде што е можно подолго“.
Спорт
Зиркзе во јануари заминува од „Олд Трафорд“
Манчестер јунајтед летово потроши огромна сума пари на засилувања, но според резултатите на стартот од новата сезона екипата е далеку од врвот, не само во Премиер лигата, туку и во Лига Европа.
Летовот во Манчестер јунајтед дојдоа: Лени Јоро за 62 милиони евра, Мануел Угарте 50, Матијас Де Лихт 45, Циркзе 42,5 и Нусер Мазрауи за 15 милиони евра.
Од Зиркзе се очекуваше многу, Холанѓанецот требаше да ја подобри ефикасноста, челниците на Јунајтед го гледаа како машина за голови. Но, реалноста е сосема поинаква.
Манчестер јунајтед е 14. на табелата во Премиер лигата, со само осум бода од седум кола. Поразителен е фактото дека тимот на Ерик тен Хаг на тие седум натпревари постигна само пет голови. Еден од тие пет беше дело на Зиркзе, на дебито погоди во финишот против Фулам за победа во првото коло.
Холанѓанецот играше на секој од тие седум натпревари, но на ниту еден не беше на теренот од почеток до крај. Англиските медиуми тврдат дека Зиркзе ќе го напушти „Олд Трафорд“ во јануари.
По две неверојатни сезони во Болоња, Зиркзе направи чекор напред во кариерата и се пресели во Јунајтед.
Како што сега стојат работите, тој многу лесно би можел да се врати на Апенинскиот полуостров. Планот на Јунајтед е да го испрати на позајмица во Јувентус кој покажа сериозен интерес за негов потпис.
Дури и самиот Холанѓанец побарал трансфер, а со оглед на тоа што на десет натпревари во Манчестер постигна само еден гол, се чини дека ќе му излезат во пресрет челниците на клубот од „Олд Трафорд“.
Јасно е дека Зиркзе сака повторно да работи со Тијаго Мота, кај кого две сезони играше во врвна форма. Мота од оваа сезона е тренер на Јувентус.
Секако, во Манчестер јунајтед активно бараат замена за еден од најголемите неуспеси, а прв пик е словенечкиот напаѓач Бенјамин Шешко. Според некои информации, неговата откупна клаузула е 65 милиони евра, што не би требало да биде голем проблем за Јунајтед.
Од друга страна, Јувентус се подготвува да го продаде српскиот интернационалец Душан Влаховиќ, чиј мандат во Торино очигледно е при крај.
На која страна ќе оди Влаховиќ ќе покаже времето, но тој би можел да се пресели во Премиер лигата. ДОлго време за него интерес покажува Арсенал.
Спорт
Ред Бул мора да го смени болидот во Остин
Ред Бул потврдија дека ќе мора да направат корекции на нивниот болид пред Американското ГП во Остин, бидејќи тоа од нив го побарале од ФИА. Ова е само продолжение на проблемите со кои се соочува тимот во вториот дел од сезоната, чиј прв возач е Макс Ферстапен, трикратен последователен светски шампион и актуелен лидер во шампионатот.
Ривалските тимови ја предупредија ФИА дека Ред Бул има уред во кокпитот со кој може да ја прилагоди висината на подот на болидот. Тие сметаа дека тимот може да направи одредени промени во поставеноста помеѓу квалификациите и трката, што не е дозволено.
„Точно е дека го имаме тој уред, но не може да се користи за време на трката. Ја информиравме ФИА за ова и ни беше кажано дека можеме да го развиеме“, велат од Ред Бул.
Светската автомобилска федерација (ФИА) има друга верзија на приказната.
„Не сакаме некој да биде фаворизиран. Не се дозволени какви било промени помеѓу квалификациите и трката. Правилата важат за сите тимови“.
Макс Ферстапен смета дека оваа одлука на ниту еден начин не му штети на неговиот тим.
„Кога го прочитав, мислев дека се работи за друг тим, а потоа сфатив дека се работи за нас. Никогаш не разговаравме за тоа на тимските состаноци, бидејќи тој уред не може да се користи кога болидот е подготвен за трка. Сето ова нема да има никакво влијание врз моето возење“, изјави Макс.
Свое мислење за целиот случај имаше и неговиот најголем ривал во борбата за тронот, Британецот Ландо Норис.
„Едно е да имаш уред, друга работа е колку го користиш, за што немаме поим. Можно е нешто такво да ви помогне да бидете побрзи десетинка или две во квалификациите, што може да одлучи дали ќе бидете на пол-позицијата или на второто место“.
Тимовите сакаат болидот да биде понизок во квалификациите и повисок за време на самата трка. Во секој случај, оваа предигра ќе ја направи трката во Остин уште поинтересна.
Ферстапен води во шампионатот со 52 бода разлика пред Ландо Норис, но Холанѓанецот нема победа од јуни. Остануваат уште шест трки до крајот на оваа сезона, вклучувајќи ја и оваа во Тексас.
Целата акција во Остин, започнува во петок во 19:30 часот.