Спорт
Пакетa ослободен од обвиненија за обложување – ФА нема да поднесе жалба

Фудбалската асоцијација на Англија (ФА) нема да поднесе жалба против одлуката на независната комисија, која отфрли четири обвиненија за местење натпревари против Лукас Пакета.
По истрагата спроведена од ФА, независна комисија ги разгледа сите докази, а во средата беа објавени писмени објаснувања за отфрлање на четирите обвиненија за местење натпревари.
„Фудбалската асоцијација е посветена на зачувување на интегритетот на фудбалот и во случај на какви било сомнежи, секогаш ќе се спроведуваат целосни истраги“, се вели во соопштението на ФА.
Истрагата на ФА започна во август 2023 година, а во мај 2025 година Бразилецот беше обвинет дека намерно добивал жолти картони со намера да влијае на пазарот на обложување.
Фудбалската асоцијација (ФА) поднесе четири обвиненија поврзани со натпреварите на Вест Хем со Лестер на 12 ноември 2022 година, Астон Вила на 12 март 2023 година, Лидс на 21 мај 2023 година и Борнмут на 12 август 2023 година.
Пакета беше одбвинет и дека не соработувал со истражителите, по две точки, во врска со прекршувањето на Правилото 13 и Правилото Ф2 – тие две правила се однесуваат на обезбедување информации и документација во истрагите.
Тој ги отфрли и обвинувањата поврзани со обложување и обвинувањата дека не соработувал за време на истрагата. Независната комисија отфрли четири точки од обвинението за обложување, објаснувајќи дека нема доволно цврсти и убедливи докази, но ги потврди преостанатите две точки како основани.
„Регулаторната комисија ќе одлучи за соодветната казна што е можно поскоро“, беше кажано.
Што се однесува до отфрлените обвинувања, комисијата објави објаснувања на 314 страници во кои е земен предвид секој можен детаљ и за кои општиот заклучок беше дека Пакета се однесувал во согласност со ситуацијата на теренот во сите споменати ситуации.
Исто така, беше истакнато дека за време на истрагата, ФА не успеала да пронајде ниту еден податок во телефонот на играчот што споменува обложување или нешто поврзано со натпревари означени како спорни.
Стручњаците за истрагата откриле повеќе од 300 пораки што биле избришани, ниту една од нив не била поврзана со обложување.
Фудбалската асоцијација ја прифати одлуката на регулаторната комисија и нема да поднесе жалба против неа.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Црвениот картон ќе го чини Екетике 600.000 евра

Ливерпул жестоко ќе го казни Уго Екитике, за црвениот картон во натпреварот против Саутемптон. Францускиот репрезентативец, го постигна голот за победа во третото коло во Лига купот, за да прослави го соблече дресот и доби жолт картон. Бидејќи веќе имаше еден, мораше да го напушти теренот.
Екитике нема да биде во протоколот за натпреварот со Кристал Палас во Премиер лигата. Англичаните тврдат дека Ливерпул ќе го казни со одземање на две неделни плати, во превод за црвениот картон ќе плати 600.000 евра.
„Секогаш е најдобро да ги контролираш емоциите, а ако не можеш, тогаш прави го тоа на начин што нема да доведе до жолт картон. Кога бев исклучен против Евертон минатата сезона, реков дека е глупаво, но ако добиеш црвен картон по жолтиот картон, тогаш тоа е и непотребно и глупаво“, рече менаџерот на Ливерпул, Арне Слот.
Ливерпул зз Екитике на Ајнтрахт му плати 80.000.000 евра, според договорот на годишно ниво неговата бруто плата изнесува 15.000.000 евра.
Фото/ Принтскрин
Спорт
Фреди Бобиќ втор пат го доби судскиот спор против поранешниот клуб

По речиси две и пол години правна битка, познатиот германски фудбалер Фреди Бобиќ конечно ја доби пресудата од Окружниот суд во Берлин. Судот одлучи дека Херта Берлин мора да му плати повеќе од 4 милиони евра, што го направи Бобиќ повторно победник во неговиот правен спор против клубот.
„Многу сум среќен што е донесена јасна и фер одлука. Се надевам дека ова е крај, но на Херта е да одлучи дали ќе биде крај. Ова можеше да биде решено многу порано со ист резултат“, рече Бобиќ по пресудата.
Овој случај датира од 2023 година, кога Бобиќ беше отпуштен од Херта, каде што ја извршуваше функцијата спортски директор. Во тоа време, тој не можеше ни да замисли дека тоа ќе стане долг правен процес во кој ќе бара исплата на неговата отпремнина.
За време на постапката, Херта се обиде да го оспори износот на отпремнината и да ја намали платата на Бобиќ за 40 проценти поради испаѓање во втората лига, но судот пресуди дека клаузулата во неговиот договор не е јасна. Барањата на клубот за дисквалификација на судијата и намалување на износот исто така беа одбиени.
Исто така, судот ги отфрли тврдењата на Херта дека Бобиќ открил доверливи информации или дека вербална закана кон новинар можела да биде причина за неговото отпуштање. Ова е веќе втор пат Бобиќ да го добие правниот спор против Херта, а судијата одлучи дека клубот мора да плати повеќе од 4 милиони евра.
Бобиќ ја започна својата кариера во Штутгартер Кикерс, а потоа играше за Штутгарт, Борусија Дортмунд, Хановер, Херта и Болтон Вондерерс, додека кариерата ја заврши во Риека. Во германската репрезентација одигра 37 натпревари и постигна 10 гола, а беше дел и од тимот што го освои Европското првенство во 1996 година.
Спорт
Лоши вести за Реал, Салиба го продолжи договорот со Арсенал

На големо разочарување на Реал Мадрид, Вилијам Салиба реши да остане во Лондон.
Арсенал успеа да постигне договор со стоперот од Франција и да ја продолжи соработката до 2030 година.
Реал Мадрид го таргетираше францускиот репрезентативец, со цел да го доведе следната сезона за малку пари, со оглед на тоа што неговиот договор со Арсенал истекуваше во 2027 година.
Сепак, „Топџиите“ реагираа брзо и му обезбедија на Салиба нов, петгодишен договор.
Заедно со Габриел, Французинот е единствениот стандарден играч во одбраната на Арсенал. Играчите на позициите лев и десен бек се менуваат, во зависност од тактичките барања на играта, но Микел Артета има целосна доверба во двајцата стопери.
Ова не е крајот на добрите вести за Арсенал. Конечните преговори во врска со продолжувањето на соработката со Букајо Сака се во тек. Англискиот репрезентативец исто така треба да остане на „Емирати“ во следните пет години.
Foto/ „X“