Домарају Гукеш е светски шампион во шах. Тинејџерот од Индија, кој годинава стана полнолетен, ја доби 14.партија и со резултат 7,5:6,5 го победи бранителот на титулата, Кинезот Лирен Динг.

Како се одвиваше партијата, впечатокот беше дека ќе заврши со реми и дека потоа одлуката за светскиот првак ќе биде решена со дополнителни брзи партии.

Сепак, Гукеш на крајот беше многу попрецизен. Забележлива беше нервозата кај Динг, бидејќи му остана многу помалку време од индискиот велемајстор.

Клучниот момент дојде кога Динг се понуди размена на топови во 55. потег. Гукеш прифати, а веќе во следниот потег беа разменети ловци. Индиецот остана со два пиони на масата, Кинезот со еден.

Динг тогаш сфати дека се наоѓа во позиција од која нема излез и во 58. потег го предаде мечот и на противникот му го препушти светскиот трон.

Индиецот стана 18. светски шампион во историјата. Од неговите сонародници, пред него планетарниот шампион беше само Вишванатан Ананд.

Покрај светската титула, годинава освои и злато на шаховската олимпијада со репрезентацијата на Индија.

Манчестер сити се наоѓа во длабока криза. Тимот на Пеп Гвардиола има само една победа во последните десет натпревари, два пати одигра нерешено и доживеа седум порази.

Синоќа, Јувентус со головите на Влаховиќ и Мекени го победи Манчестер сити со 2:0 во Лигата на шампионите. „Граѓните“ со осум бода, по шест кола се наоѓаат на 22.место во Лигата на шампионите.

По натпреварот во Торино, работата на Гвардиола ја критикуваше легендарнуот италијански тренер, сега пензионер, Фабио Капело.

„Гвардиола е одличен тренер. Сепак, тој е премногу арогантен и полн со себе”, вели 78-годишникот и продолжува:

„Понекогаш губеше трофеи затоа што сакаше да докаже дека тој победува, а не играчите, па ги изоставуваше клучните играчи во важните натпревари. Со оваа тактика, според мене, беше обид да насочи вниманието на друга странам заслугите да ги има тој, а не неговиот тим“, заклучи Капело.

Никола Ѓуретановиќ (17), настапи во квалификациите на 400 метри на Светското првенство во мали базени, кое се одржува во Будимпешта.

Ѓуретановиќ исплива извонредено, успеа да го подобри досегашниот национален рекорд. Патеката ја исплива за 3:53,05 минути, овој резултат е за речиси три ипол секунди подобар резултат од досегашниот рекорд на Марко Блажевски (3:56,32).

Ѓуретановиќ квалификациите на 400 метри ги заврши на 40.место во конкуренција на 49.пливачи.