Англискиот шампион, Ливерпул потешко од очекувањата со 2-1 славеше победа на „Енфилд“ против Шефилд Јунајтед во рамки на 6. коло од Премиерлигата.

Гостите први поведоа, од пенал, во 13 минута. Стрелец Берге.

Ливерпул веднаш тргна офанзивно да го израмни резултатот, па Фирмињо во 41 минута го врати резултатот егал.

На почетокот на второто полувреме Салах се закани од далечина, а веднаш потоа постигна погодок. Сепак голот беше поништен поради оф-сајд позиција.

Иницијативата на „црвените“ продолжи, па Жота беше стрелец на вториот гол за Ливерпул во 64 минута.

Двете екипи имаа можност до крајот да го променат резултатот, но сепак мечот заврши со конечни 2-1.

Ливерпул сега е втор на табелата со 13 бода исто колку што има и Евертон, но „карамелите“ имаат подобра гол разлика и меч помалку од соседите.

Шефилд моментно е претпоследен со само 1 освоен бод.

Хабиб Нурмагомедов предмалку во Абу Даби во главната борба на вечерта во УФЦ 254, во лесна категорија славеше триумф против Американецот Џастин Гетџи и со тоа остана непоразен со 29-0-0.

Првата рунда помина во иницијатива на Дагестанецот кој тргна фуриозно против Гетџи кој пак се обидуваше да нападне со лоу кикови. На 40 секунди пред крајот на рундата Хабиб го турна на партер, ама нема доволно време да го докрајчи противникот.

Во втората рунда продолжи „бомбардирањето“ на Американецот, борбата се префрли на партерот, крв од носот на Гетџи, Хабиб силно го притиска околу вратот и по само 1 минута – мечот е завршен.

Дагестанецот нема пораз во оваа категорија, додека Гетџи го доживеа вториот неуспех по 24 борби.

Хабиб изненадувачки најави дека ова е крај на неговата кариера.

„Кога ме контактираше УФЦ за борбата со Гетчи, мајка ми не сакаше да се борам без мојот татко покрај кафезот. Три дена разговарав со неа и ѝ ветив дека ова ќе биде моја последна борба. Сега морам да си го исполнам ветувањето и затоа ова е моја последна борба“ рече шампионот по победата.

Инаку, ова е прва борба во неговата кариера, а до него да не е татко му кој почина неодамна откако му беше извршена операција на срцето.

Respect. #UFC254 pic.twitter.com/pgS1YhI2CF

— UFC (@ufc) October 24, 2020

Калчолигашот Лацио вечерва на „Олимпико“ славеше триумф против екипата на Болоња предводена од Синиша Михајловиќ со 2-1.

Михајловиќ остави длабока трага на „небесносините“, но избраниците на Симоне Инзаги продолжија онаму каде што застанаа на мечот од ЛШ против Борусија Дортмунд – со победа.

Уште во 13 минута гостите дојдоа до водство од 0-1, но по прегледување на снимката голот на гостите, поточно на Сванберг, беше поништен поради прекршок.

Првото полувреме заврши со почетниот резултат.

Во второто полувреме домашните тргнаа поофанзивно и веќе по 9 минути го скршија отпорот на противникот. Луис Алберто погоди за 1-0.

Иако Болоња упати повеќе шутеви кон голот на Лацио во вториот дел, патот до мрежата на Болоња го пронајде Имобиле, во 76 минута за водство од 2-0 на својот тим.

Единствено што успеаја да сторат гостите беше да го намалат резултатот на 2-1. Тоа го стори Де Силвестри во 91 минута.

Лацио по овој триумф е 10-ти со 7 бода, а Болоња по 5 кола има само една победа и е на 18-тата позиција.