Мадридски Реал благодарение на двата гола на Касемиро успеа да слави значаен триум против Севилја (2-1) со што се искачи на првото на Ла Лига.

Иако посетителите на „Сантијаго Бернабеу“ 57 минути гледаа фудбал без голови, за само 12 минути дури трипати се тресеа мрежите.

Најпрво Касемиро погоди за 1-0 во 57 минута, а Севилја возврати преку Лук де Јонг во 64 минута.

По само 5 минути повторно Касемиро донесе предност за Кралскиот клуб која избраниците на Зинедин Зидан не ја испуштија до крајот.

Со новата победа, Реал има 43 бода, три повеќе од Барселона која утре на својот стадион ја пречекува екипата на Гранада.

Голеадата на теренот на Аугсбург беше среќна за гостите од Дортмунд, ѕвезда на денот во Германија е „чудото од дете“ од Норвешка, Ерлинг Халанд. Аугсбург загуби од Борусија (Д) со 3-5 иако до 59 минута од мечот имаше позитива од 3-1 против „милионерите“.

Сепак, во 56 минута во игра влезе новото засилување за Борусија од Салцбург, Халан кој првиот гол го постигна во 59 минуат и намали на 3-2.

По само 2 минути Санчо погоди за 3-3, а вториот гол на Халанд во 70 минута донесе предност од 3-4. Точка на мечот со хет-трикот стави во 79 минута.

Во останатите натпревари од 18-тото коло или прво по зимската пауза, Вердер како гостин во Диселдорф славеше минимално со 1-0 против Фортуна.

Келн на домашен терен беше убедлив против Волфсбург, Ајнтрахт (Ф) како гостин славеше кај Хофенхајм со 2-1, а со истиот резултат заврши и мелот на кој Мајнц дома беше поразен од Фрајбург.
Подоцна започнува мечот меѓу Лајпциг и Унион Берлин.

Римски Лацио продолжи со одличните партии во оваа сезона во Серија А. „Небесно сините“ на својот „Олимпико“ ја торпедираа Сампдорија со 5-1 и стигнаа до 11-тата овосезонска победа.

Прва ѕвезда и на овој меч беше италијанскиот репрезентативец, Имобиле кој постигна хет-трик (два гола даде од пенал) и дојде до бројка од 23 погодоци во Серија А.

Голгетерот на Лацио прецизно биеше во 17, 20 и 65 минута, а останатите два гола за римскиот клуб беа Каиседо и Бастос.

Самп на овој меч успеа да постигне само почесен погодок кој беше дело на Линети во 70 минута од мечот.

Лацио во моментов по 20 одиграни кола има 45 бода, еден помалку од вториот Интер и 3 помалку од водечкиот Јувентус.