Спорт
ПАО супериорно до првото евролигашко финале од 2011 година

Кошаркарите на Панатинаикос со победата над Фенербахче со 73:57 (22:13, 16:23, 18:14, 17:7) изборија пласман во финалето на завршниот турнир во Берлин. За зелените ова е прво финале по 2011 година кога и последен пат учествуваа на завршниот турнир.
Панатинаикос од почетокот успеа да го наметне својот ритам, ја искористи нервозата кај противникот и по пет минути игра поведе со 12:0. Од тој момент Фенербахче с обидувапе но никако не успеа да ги стигне зелените.
До полувремето Фенер намали на два поени (38:36), во финишот на третиот период се доближи на поен негатива (51:50), но Панатинаикос го одби тој налет, четвртината ја затвори со неверојатната тројка на Калаицакис за 56:50.
Во решавачката четвртина, одбраната на Панатинаикос ги реши сите дилеми околу конечниот победник.
Лесор го предводеше ПАО со 17 поени и 10 скока, двоцифрени беа и Нан со 14 и Грант со 13 поени. Најефикасен во поразениот тим беше Хејс-Дејвис со 14 поени, двоцифрени беа со по 10 поени Гудуриќ и Сестина. Разочара Вилбекин кој постигна само два поени.
Вториот финалист ќе биде познат по одигрувањето на дуелот меѓу бранителот на титулата Реал Мадрид и Олимпијакос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гвардиола ги жртвува Грилиш и Савињо за играч вреден 100 милиони евра

Манчестер сити работи напорно пред почетокот на новата сезона во Премиер лигата. Пеп Гвардиола е на патот да донесе скапо заилување.
Пеп Гвардиола веќе му кажа на Џек Грилиш дека повеќе не смета на него, а сега Савињо е слободен да бара нов клуб, по само една сезона помината во синиот дрес.
Замената е подготвена и воопшто не е евтина. Станува збор за крилниот напаѓач на Реал Мадрид, Родриго. „Кралскиот клуб“ е подготвен да преговара, но бара 100 милиони евра.
Парите не се проблем за Сити, па затоа договор меѓу двете страни би можел да се постигне во наредните денови.
Родриго е незадоволен од својата улога и минутажа во Реал веќе некое време, па ова би можело да биде добра зделка за трите страни.
Бразилецот постигна шест гола и асистираше исто толку пати на 30 натпревари во Примера минатата сезона. Неговиот договор со Реал истекува во 2028 година.
Спорт
Витсел како слободен играч се пресели во Џирона

Аксел Витсел (36) како слободен играч го напушти Атлетико Мадрид. Се очекуваше да потпише договор со Удинезе, но во последен момент ја смени одлуката. Белгиецот реши да остане во Шпанија.
Аксел Вотсел наредната сезона ќе го носи дресот на Џирона. Тој ќе потпише двегодишен договор со каталонскиот клуб. Изминатите три сезони ги помина во Атлетико Мадрид, за кој одигра 116 натпревари и постигна три гола.
Спорт
Спарс замената за Сон ја најдоа на „Етихад“

Тотенхем експресно најде замена за Сон. Клупската легенда по 10 години го напушти клубот и се пресели во Лос Анџелес. Замената за Сон треба да биде крилниот напаѓач на Манчестер сити, Савињо.
Бразилецот дојде во Сити минатата сезона. Во 48 натпревари постигна само еден гол, но запиша 13 асистенции.
Тотенхем ја испрати првата понуда. Таа изнесува 50 милиони евра, двојно повеќе од сумата што „граѓаните“ му ја платија на Троа минатото лето. Сити ја одби првата понуда со образложение дека сака повеќе.
Ќе видиме како ќе се одвиваат работите, бидејќи Бразилецот сака трансфер, со оглед на тоа што не му е загарантирано место во првата поставата.