Спорт
Парите од „Најк“ го смирија темпераментот на Федерер
Познатиот фитнес-тренер Пол Дороченко, човекот кој помогна да се изгради тенискиот карактер на Роџер Федерер вели дека швајцарскиот освојувач на рекордни 20 гренд слем титули целосно се сменил поради огромните пари кои ги добивал од „Најк“ како дел од спонзорскиот договор.
„Почнав да работам со Федерер кога Серхи Бругуера веќе не сакаше да работи со мене. Добив повик од Швајцарија и ми кажаа дека имаат едно 17-годишнот момче Федерер кое не игра лошо. Кога почнав да работам со него, знаев дека координацијата беше најважна. Федерер игра со десната рака, но има доминантно лево око и затоа негов природен удар е форхендот. Но, момчето беше малку контроверзно – кршеше рекети, се однесуваше лошо“, вели Дороченко.
Тој тогаш ги објасни работите кои ја „свртеле“ кариерата.
„Прво му помогна тоа што имаше спортски психолог од својата 18-та година, тоа што имаше жена која е амбициозна и тоа што ’Најк’ му дадоа толку пари и сакаа да изградат имиџ. Парите од ’Најк’ помогнаа тој да се однесува добро“, вели Дороченко.
Тој престана да работи со Федерер кога тој имаше 20 години, поради тоа што му се „смачило“ од однесувањето на Швајцарецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.