По Скот Мектомини и Расмус Хојлунд, Наполи се подготвува да „посвои“ уште еден ретко користен играч на Манчестер Јунајтед. Станува збор за Коби Мајну, 20-годишникот роден во Стокпот, предградие на Манчестер.

Мејну е продукт на клупската кадемија, но во последните 18 месеци речиси и да не добива шанса од менаџерот Рубен Аморим и логично е дека размислува за заминување.

Португалецот се обиде да објасни дека причината е што игра на истата позиција со Бруно Фернандеш и дека не гледа како двајцата можат да бидат на теренот.

Добро информираниот италијански фудбалски „инсајдер“, Николо Скира, тврди дека луѓето од Наполи се во сериозни преговори со менаџерот на младиот Англичанец и дека е планирана позајмица во јануари, а потоа, како во случајот на Хојлунд, потенцијален откуп на договорот на крајот од сезоната.

Наполи има право да го откупи договорот на Хојлунд за 50 милиони евра во јуни 2026 година, што ќе го сторат според најавите.

Foto/ depositphotos

Душан Влаховиќ беше цел на Барселона, но повеќе не, а сега ги договори сите лични услови со – Милан!

Ова го тврди каталонскиот „Спорт“, кој откри дека Барселона го следела развојот на ситуацијата во Јувентус, како и дека Влаховиќ бил потенцијална замена за Роберт Левандовски, најмногу поради фактот дека тој ќе стане слободен играч следното лето.

„Спорт“, истакнува дека Каталонците се откажале од неговиот трансфер поради фактот што тој доживеал сериозна повреда поради која ќе мора да паузира три месеци, но и затоа што бил неубедлив пред повредата.

Исто така проблем за Барселона била и платата што ја има Србинот. Влаховиќ од Јувентус, на годишно ниво добива нето плата од 12 милиони евра.

Во исто време, „Спорт“ тврди дека Влаховиќ од претходно водел интензивни преговори со Милан и дека кариерата ќе ја продолжи таму.

Кристофер Енкунку и Сантијаго Хименез не играат добро, не се по вкуст на Масимилијано Алегри, кој добро го познава Влаховиќ од периодот кога работеа заедно во Јувентус.

Влаховиќ, веројатно нема да потпише нов договор со Јувентус, што значи дека од 1 јануари, има право да потпише прелиминарен договор со друг клуб.

Foto/ depositphotos

Фиорентина доживува еден од најтешките моменти во својата историја, а атмосферата во клубот е на работ на експлозија. „Виола“, по 15 натпревари се уште нема победа во Серија А. Со шест бода, Фиорентина се наоѓа на последното место на табелата.

Фиорентина, во неделата, доживеа пораз од Верона на домашен терен (1:2). По деветтиот пораз во сезоната, клупските челници презеде драстични мерки кои јасно укажуваат дека ситуацијата е алармантна.

Како што пишува „Газета дело Спорт“, клубот воведе целосен медиумски молк и го испрати тимот во карантин, во „Виола Парк“.

Нема изјави, нема обраќања, нема објаснувања за навивачите. Фудбалерите биле префрлени од стадионот во тренинг центарот веднаш по натпреварот со Верона, во придружба на полицијата.

Полицијата мораше да реагира поради страв од можни инциденти, иако немаше поголеми немири. Сепак, гневот на навивачите беше гласен и јасен.

Незадоволството беше видливо на стадионот „Артемио Франки“, по поразот од Верона. Свирежи, навреди и скандирања ги следеа играчите кои останаа на теренот со наведнати глави.

Тимот ќе остане во карантин до понатамошно известување, а многу е можно карантинот да продолжи и во наредните денови. Во среда е планирано патување во Лозана, каде што Фиорентина ја чека последниот натпревар од групната фаза на Конференциската лига.

Исто така, по серијата лоши резултати, неизвесна е и судбината на тренерот Паоло Ваноли, кој пред еден месец дојде на местото на Стефано Пиоли.

Италијанските медиуми не ја исклучуваат можноста, клубот во јануари да преземе радикални мерки, а тоа значи отпуштање не само на тренерот, туку и неколку фудбалери.

Foto/ depositphotos