Спорт
Парма му посака добредојде на „моќниот Македонец“ Горан Пандев
Парма го потврди изненадувачкиот трансфер на македонскиот поранешен капитен Горан Пандев од Џенова, со порака на социјалните мрежи дека се засилува со „моќниот Македонец“.
Македонската фудбалска легенда ја продолжува својата повеќедецениска улога во италијанскиот фудбал во легендарниот клуб, кој иако е во втората италијанска лига (Серија Б), зад себе има армија фанови, а на својот гол има уште еден легендарен ветеран, голманот Џиџи Буфон.
Прв италијански клуб на Пандев, секако, беше Интер, за кого потпиша како тинејџер од Беласица во 2001 година. Во првите три години тој беше пуштан на позајмица во Специја и во Анкона, пред во 2004 година да го направи трансферот во Лацио. Интер го вратија во 2009 година, по што во 2011 беше дел од славната генерација која ја освои „триплетата“, тројната титула од ЛШ, Серија А и Копа Италија под Жозе Мурињо. Од 2011 до 2014 година тој играше во Наполи, а по краткиот престој во Галатасарај, од 2015 година беше во дресот на Џенова.
Bolstering the ranks with a mighty Macedonian: welcome, Goran Pandev! ??? #ForzaParma
— Parma Calcio 1913 (@ParmaCalcio_en) January 31, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.
Спорт
Фернандеш не е сигурен дали ќе остане на „Олд Трафорд“
Капитенот на Манчестер Јунајтед, Бруно Фернандеш изјави дека по завршувањето на Европското првенство ќе одлучи дали следната сезона ќе игра за клубот од „Олд Трафорд“.
Фернандеш рекол дека приоритети во моментов му се финалето на ФА Купот и Европското првенство.
„Не зависи се од мене. Ако треба да размислувам за заминување од Премиер лигата, тоа ќе биде дури по Европското првенство. Можеме успешно да ја завршиме сезоната со освојување на ФА Купот. Потоа го имам Европското првенство, што е многу важно. Ништо не може да ме спречи и да ми го одвлече вниманието од финалето на ФА Купот и од Европското првенство, бидејќи во моментов нема ништо поважно од тоа“, изјави Фернандеш за португалски „ДАЗН“.
Фернандеш пристигна во Манчестер Јунајтед во 2020 година од Спортинг за 80 милиони евра. Тој има договор со клубот од „Олд Трафорд“ до јуни 2026 година со можност за продолжување на уште една сезона.
„Не размислувам премногу за иднината. Оваа сезона досега не беше на нивото на кое се надевав. Сакам да бидам конкурентен. Сакам да се натпреварувам и да победувам”, додаде португалскиот фудбалер.
Манчестер Јунајтед ќе игра против Манчестер Сити во финалето на ФА Купот на 25 мај на Вембли.
ЕП ќе се одржи од 14 јуни до 14 јули во Германија.