Спорт
Партизан ја „растури“ Звезда, ќе има „мајсторка“ за АБА титулата

Партизан стигна до доминантна 112:84 победа над својот лут градски ривал Црвена звезда во четвртиот меч од финалето на АБА-лигата, за по многу тензии да примора „мајсторка“ за регионалната титула.
Претходните два меча во салата „Александар Николиќ“ поминаа во атмосфера на работ на инцидент, и сега актуелниот шампион од АБА-лигата, Звезда, пропушта втора меч-топка за одбрана на титулата. Мајсторката ќе се игра во понеделник на домашен терен на „црвено-белите“.
Во фуриозното прво полувреме, тимот на Жељко Обрадовиќ даде 68 поени, што претставува нов рекорд за едно полувреме во меч од плејофот во АБА-лигата, а предноста беше неверојатни 25 поени (68:43). По ова исходот на мечот беше одлучен, но тоа не значеше дека мечот ќе помине без инциденти. Во последната четвртина, Урош Трифуновиќ по една тројка пред клупата на Звезда, го провоцираше тренерот Дејан Радоњиќ и кошаркарите на противничкиот тим, по што дојде до мал инцидент и до исклучување за Трифуновиќ.
Nepotrebna reakcija Uroša Trifunovića posle koša… Isključen je sa utakmice. pic.twitter.com/uU6j5ociSs
— B92 Sport (@b92sport) June 3, 2022
6⃣8⃣ points!@PartizanBC set the new all-time #ABAPlayoffs/Final Tournaments record for the most points scored in a single half!
??? pic.twitter.com/b1ktOByR3H
— AdmiralBet ABA League (@ABA_League) June 3, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најлошиот менаџер на Јунајтед по Втората светска војна

Португалецот Рубен Аморим, менаџер на Манчестер јунајтед, имаше скандалозен учинок откако пристигна во Премиер лигата.
По очајната прва сезона во Манчестер (седна на клупата во декември минатата година), Аморим ужасно ја започна оваа сезона катастрофално. По четири кола освои ист број бодови, доволни само за 14-то место на табелата.
По поразот од градскиот ривал Манчестер сити, неговиот настап во Премиер лигата со Јунајтед е 8 победи, 7 нерешени и дури 16 порази, со гол разлика од -13, односно победил на само 25,8 отсто од натпреварите во Премиер лигата.
Неговиот вкупен процент на победи откако се приклучи на клупата на „Црвените ѓаволи“ е 36,17%, што го прави најлошиот менаџер на Јунајтед од Втората светска војна.
Интересно е што Ерик тен Хаг, човекот кој беше заменет од Аморим поради лоши резултати, е на третото место на таа листа со дури 54,69 проценти победи.
Ruben Amorim has the worst win percentage of any permanent #mufc manager since the Second World War. ❌🇵🇹 pic.twitter.com/8CtHnrP867
— UtdDistrict (@UtdDistrict) September 14, 2025
Спорт
(Фото) „Илинден Куп 2025“: прогласени најдобрите екипи – малите шампиони обединети на големите фудбалски терени

Во рамки на меѓународниот фудбалски турнир „Илинден Куп 2025“ кој се одржуваше во општина Илинден изминатите три дена, денеска се одиграа финалните натпревари на спортските терени во Илинден, Марино и Кадино. На турнирот имаше околу 3500 учесници од околу 217 екипи, од европски, балкански и македонски клубови, деца на возраст од 7 до 12 години, известува Општината.
Градоначалникот на општина Илинден, Александар Георгиевски заедно со македонската фудбалска легенда, Илија Најдовски, ги доделија медалите и пехарите на најдобрите екипи.
Екипите беа поделени во шест категории, такашто во категоријата на деца од 2013 година првото место го освои „Кидс Темпа“, второ место за „Гроздановски„ и третото место за „Еуроспорт“.
Во категоријата на деца од 2014 година првото место им припадна на „Партизан“, второ место за „Брегалница“ и трето место за „Еуроспорт“.
Во категоријата на деца од 2015 година првото место е за „Форца“, второ место за „Национал“ и трето место за „Андертехт“.
Во категоријата на деца од 2016 година првото место го освои екипата на „Динамо“, второто место за „ЦР.Ѕвезда“ и третото место „Клуб Бруг“.
Во категоријата на деца од 2017 година првото место е за „Еуроспорт“, второ место за „Аеродром“ и третото место за „Јанг Тим“.
Во категоријата на деца од 2018 година прво место е за „Цр.Ѕвезда“, второто место е за „Мондано“ и трето место за „Кидс Темпа“.
„Илинден Куп 2025“ е во организација на Фудбалската школа „Гроздановски“ а под покровителство на општина Илинден. На терените во Илинден, Марино и Кадино изминатите три дена публиката и љубителите на фудбалот имаше можност да проследи интересни фудбалски натпревари, доста детски но и професионални маневрации со топка.
Спорт
(Видео) Спектакл на маратонот во Токио, Симба во фото финиш до златниот медал

Алфонсо Феликс Симбу од Танзанија во спектакуларен финиш го освои златниот медал на маратонската трка на Светското првенство во Токио.
Победникот беше решен во фотофиниш, а Танзаниецот Алфонс Феликс Симбу буквално му го украде златото на Германецот Аманал Петрос. Ова е првиот и најсјаен медал во историјата на оваа африканска земја на светските првенства.
Двајцата заедно со Италијанецот Ауани влегоа заедно на стадионот. На околу 100 метри пред целта, Петрос го засили темпото и се чинеше дека Симба не може да го следи.
Сепак, во последните 20 метри, Танзаниецот пронајде нова сила, почна да се забрзува и во последните сантиметри влезе во целта пред Петрос. Двајцата постигнаа резултат од 2:09;48 часа, но Симбу беше побрз за само 0,03 секунди. Италијанецот Ауани го освои бронзениот медал пет секунди зад него.
Високата влажност беше огромен проблем и голем број фаворити испаднаа, вклучувајќи тројца натпреварувачи од Етиопија и еден Кениец.
After 42.2km, this is the most insane finish to a marathon you’ll ever see.
A photo finish was needed to determine the winner: Tanzania’s Alphonce Felix Simbu. #WorldAthleticsChamps pic.twitter.com/6u1izgWVss
— John Dean (@JohnDean_) September 15, 2025