Спорт
Партизан направи „подвиг“ против Санта Клара, Кејн го инспирираше Тотенхем
Партизан успеа да влезе во групната фаза на првата Конференциска лига на УЕФА, откако направи вистински подвиг со 2:0 победата над португалскиот клуб Санта Клара, додека Тотенхем го елиминираше и другиот португалски претставник, Пакос де Фереира благодарени на 3:0 победата, инспирирана од двата гола на капитенот Хери Кејн.
Партизан загуби на гостувањето со 2:1, но за само две минути во првото полувремето успеаја да ја надополнат оваа предност. Рикардо Гомеш во 25. минута од пенал ги донесе „црно-белите“ во водство, за само две минути подоцна Синиша Саничанин да го удвои водството.
Тотенхем, по шокантниот пораз од 0:1 на првиот меч со Пакос де Фереира, го пречека португалскиот клуб со Хери Кејн во составот, и капитенот, кој вчера објави дека останува во Тотенхем цела сезона, ја уништи оваа предност со голови во 9. и 35. минута. Џовани Ло Селсо во 70. минута стави точка на победата.
Ријека не успеа да влезе во „втората“ европска лига, откако по 1:1 ремито на гости кај ПАОК, загуби дома од грчкиот клуб со 0:2, а најдраматично беше во Софија, каде што ЦСКА го елиминираше тимот на Плзењ со гол во продолжението за 3:0 победа.
УЕФА ЕВРОПА КОНФЕРЕНЦИСКА ЛИГА, БАРАЖ, РЕВАНШ
ЦСКА Софија (Буг) – Плзењ (Чеш) 2:0, 3:0 по продолженија, прв меч 0:2, вкупно 3:2
Хамарби (Шве) – Базел (Шва) 2:0, 3:1 по продолженија, прв меч 1:3, вкупно 3:3, 4:3 пен.
Макаби Тел Авив (Изр) – Шахтар Караганди (Каз) 2:1, прв меч 2:1, вкупно 4:2
Гент (Бел) – Раков (Пол) 3:0, прв меч 0:1, вкупно 3:1
Ријека (Хрв) – ПАОК (Грц) 0:2, прв меч 1:1, вкупно 1:3
Сент Џонстон (Шко) – ЛАСК Линц (Авт) 0:2, прв меч 1:1, вкупно 1:3
Унион Берлин (Гер) – КуПС Куопио (Фин) 0:0, прв меч 4:0, вкупно 4:0
Абердин (Шко) – Карабаг (Азе) 1:3, прв меч 0:1, вкупно 1:4
Шамрок роверс (Ирс) – Флора (Ест) 0:1, прв меч 2:4, вкупно 2:5
Тотенхем (Анг) – Пакос де Фереира (Пор) 2:0, прв меч 0:1, вкупно 2:1
Партизан (Срб) – Санта Клара (Пор) 2:0, прв меч 1:2, вкупно 3:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.