Спорт
Пављученкова против војната: Живеам во страв, но ќе го кажам тоа што го мислам
Руската тенисерка Анастасија Пављученкова ја критикуваше руската инвазија на Украина, велејќи дека „личните амбиции и политичките мотиви не оправдуваат насилство“, посочувајќи дека ќе секогаш ќе го каже тоа што го мисли.
„Играм тенис од моето детство, цел живот ја претставувам Русија. Ова е мојот дом и мојата земја. Но, сега живеам во страв, како многу мои пријатели и моето семејство. Но, не ми е страв да го кажам моето мислење. Јас сум против војната и насилството. Личните амбиции или политичките мотиви не оправдуваат насилство. Ова ја одзема иднината не само од нас, туку и од нашите деца. Збунета сум и не знам како да помогнам во оваа ситуација. Јас сум само спортист, тенисерка. Не сум политичар, јавна личност, немам искуство. Само можам јавно да не е согласам со овие одлуки и да зборувам отворено за нив. Сопрете го насилството, сопрете ја војната“, вели Пављученкова.
Таа не е првиот спортист од Русија која побара мир. Новиот светски број 1, Данил Медведев, изјави дека сака да промовира мир и дека не му е лесно кога ги слуша вестите, додека Андреј Рубљов минатата недела во Дубаи на камерата напиша: „Не за војната“.
— Anastasia Pavlyuchenkova (@NastiaPav) February 28, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.