Ветеранот Мануел Ноер го продолжи договорот со Баерн Минхен. Клубот објави дека Ноер ќе остане во Минхен до 2024 година.

Баерн не ги објави финансиските детали од новиот договор. Со претходниот, бруто платата на германскиот репрезентативец изнесуваше 20 милиони евра.

„Многу сум среќен што продолжува моето патување со Баерн. Повторно ќе имаме одличен тим, со кој ќе можеме да се бориме за сите трофеи. Како голман и капитен на тимот сакам да бидам столб и поддршка во остварувањето на наредните цели“, изјави Манеул Нојер.

Германскиот репрезентативец пристигна од Шалке во 2011 година. Шест сезони е капитен на Баерн.

Во Монако ги тријат рацете по одлуката на Килијан Мабпе да остане во ПСЖ. Пред четири години Монако го продаде на ПСЖ за 145 милиони евра, а во договорот ставија клаузула според која, Монако, ќе добие 25 отсто од следниот трансфер или 35 милиони евра доколку го продолжи договорот со францускиот шампион. .

Мбапе летово можеше да го напушти ПСЖ како слободен играч, доколку тоа се случеше Монако немаше да добие ниту цент. Сепак, тој го продолжи договорот и ги израдува навивачите на ПСЖ, но и неговиот поранешен клуб.

Спортскиот директор на Баерн Хасан Салихамиџиќ во една телевизиска емисија зборуваше за Пини Захави, агентот на Роберт Левандовски. Да потсетиме, полскиот напаѓач сака да го напушти клубот од Минхен и да се пресели во Барселона. Од друга страна челниците на Баерн немаат намера да му ја исполат желбата, според нив тој до крај ќе си го одработи договорот, кој истекува во јуни 2023 година.

„Има менаџер кој целосно му го испра мозокот“, изјави Салихамиџиќ, отфрлајќи ги наводите дека Левандовски не добил понуда од клубот за продолжување на договорот.

„Јасно е дека доби понуда со датум и сума“, изјави спортскиот директор на Баерн и додаде дека се сомнева, дека такви шпекулации во јавноста пласирал менаџерот Захави.

„Ако го направил тоа, тоа е тажно“, рече тој и потоа ја изјавата на извршниот директор Оливер Кан.

„Лева има договор до летото следната година и ќе си го одработи договорот, тоа е јасно. Најважно ни е да имаме договор со најважниот играч, што многу европски клубови би сакале да го имаат“.

Салихамиџиќ не одговори на прашањето дали добиле конкретна понуда од Барселона за Левандовски.

Захави не чекаше долго, туку преку „Билд“ му одговори на Салихамиџиќ.

„Секако дека можат да го задржат Левандовски уште една година. Да бидеме искрени, тој има договор до 2023 година. Но јас не би ви го препорачал тоа. Баерн е минато за Роберт Левандовски”, изјави Захави.

„Со месеци чувствува дека луѓето од Баерн не го почитуваат. Не го загубија играчот Левандовски, туку ја загубија личноста Роберт“, додаде Захави.