Спорт
Пепе Реина обвинет дека е „фашистичко гомно“
Ветеранот на голот на Астон вила, Пепе Реина беше обвинет дека е „фашистичко гомно“ од шпанскиот рапер Нега, откако во саботата преку Твитер го поддржа протестот на десничарското движење Вокс во Мадрид и во повеќето поголеми градови во Шпанија.
„Ах! Изгледа дека малиот човек излезе на улица, нели? Демократија. Обединети сме посилни“, напиша Реина на Твитер со фотографија на улиците на Мадрид со автомобили и шпански знамиња.
На ова реагираше раперот Нега од групата Лос чикос дел маиз.
„Види, глупак, веќе покажа колку немаш памет и колку си никаков. Фашистичко гомно“, напиша Нега.
Реина не остана покус и врати преку фотографија на која раперот е фотографиран со Арналдо Отеги, лидерот на баскиските сепаратисти.
„Вистинска класа, шампиону“, напиша Реина.
Ah! Pues parece que ha salido gentecilla a la calle, no???????#democracia #unidossomosmásfuertes pic.twitter.com/nG2uIU228t
— Pepe Reina (@PReina25) May 23, 2020
Menos clases de dignidad campeón… https://t.co/pYCn2pEO8e pic.twitter.com/NilrjZnpZy
— Pepe Reina (@PReina25) May 23, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус го отпушти Игор Тудор
Италијанскиот гигант Јувентус одлучи да му се заблагодари на Игор Тудор за соработката по серијата лоши резултати што кулминираа со пораз од Лацио во Серија А, пишуваат италијанските медиуми.
Веста за неговата замена ја потврди „Скај Спорт Италија“, со кратко и јасно соопштение на платформата „X“:
„ Игор Тудор повеќе не е тренер на Јувентус“.
Поразот против Лацио беше трет по ред во домашното првенство, а Јувентус е без победа осум натпревари по ред, на последните четири тимот не постигна ниту еден гол.
Последниот триумф на тимот од Торино беше на 13 септември против Интер. Оттогаш, тие освоија само пет од можни 24 бода во Серија А и Лигата на шампионите, далеку под традиционалните стандарди на клубот.
Тудор го предводеше Јувентус од 23 март оваа година. Забележа десет победи, осум нерешени и шест порази.
Спорт
Прогноза на Суперкомпјутерот: Реал ќе ја освои титулата во Шпанија
Ден по победата на Реал над Барселона (2:1), во „Ел Класико“, Суперкомпјутерот пресмета дека „кралскиот клуб“ ќе ја освои титулата во Шпанија оваа сезона.
Пред натпреварот со Барселона, шансите беа еднакви, пишуваат денес шпанските медиуми, но по триумфот, рапидно пораснаа шансите на Реал.
„АС“ пишува дека според Суперкомпјутерот, Реал Мадрид на крајот ќе ја освои титулата со 87 поени, седум повеќе од Барселона. На третото место ќе биде Атлетико Мадрид.
Според оваа проекција од лигата ќе испаднат Овиедо, Леванте и Џирона, клубот што играше во Лигата на шампионите минатата сезона.
Спорт
Арсен Венгер: Ел класико – натпревар на мажи против момчиња
Легендарниот тренер тренер Арсен Венгер ја опиша победата на Реал Мадрид од 2:1 над Барселона во „Ел Класико“ како натпревар на „мажи против момчиња“, а воедно ја пофали работата на тренерот Чаби Алонсо.
„Кралскиот клуб“ доминираше на „Сантијаго Бернабеу“ и со победата им избега на своите најголеми ривали на пет бода на врвот на Ла Лиг.
Венгер беше директен во својата анализа, истакнувајќи ја тактичката и физичката супериорност на Реал.
„Ел Класико беше малку како дуел помеѓу мажи и момчиња. Одбраната на Реал Мадрид беше многу посилна од онаа на Барселона“, рече Венгер.
„Во нападот, Мадрид секогаш изгледаше способен да постигне гол, додека Барселона изгледаше неефикасна. Имаа многу посед, но никогаш не изгледаа способни да постигнат гол. Честитки за Чаби Алонсо“, додаде тој.
Foto/ EPA

