Спорт
Перез не се откажува од Суперлигата: Мораме да ја потсетиме УЕФА кој е Реал Мадрид
![](https://makfax.com.mk/wp-content/uploads/2021/11/florentino-perez-real-madrid-president_3380461.jpg)
Претседателот на Реал Мадрид, Флорентино Перез, го отвори Собранието на клупските партнери. Перез го потенцирал влијанието на вирусот Ковид-19 врз работата на клубот, говорел за женскиот фудбалски клуб, за кошаркарската секција, реконструкцијата на стадионот, а не ја заборави и Суперлигата.
Перез и Реал немаат намера да се откажат од овој проект, кој пред нешто повеќе од шест месеци предизвика краткотраен земјотрес во фудбалска Европа.
„Суперлигата е нешто повеќе од обично натпреварување. Суперлигата треба да ја подигне динамиката во фудбалот. Тој проект претставува слобода, клубовите треба да бидат господари на своите судбини. Проектот Суперлига ќе биде реализиран, бидејќи фудбалот нема иднина без тој проект. И покрај тоа што се шират разни информации, планот е проектот да се реализира во соработка со националните шампионати. Проектот ќе биде компатибилен со националните првенства. УЕФА ги одби сите наши предлози, клубовите трпеа секакви закани. Со закани и притисоци сакаат да го уништат проектот. Мораме да ја потсетиме УЕФА кој е Реал Мадрид. Нема да попуштиме“, рекол Перез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Напаѓачот, секогаш сигурен во себе
![](https://makfax.com.mk/wp-content/uploads/2024/07/toni.jpg)
Поранешниот англиски репрезентативец Бен Фостер зборуваше за пеналот на Иван Тони против Швајцарија.
Напаѓачот на Брентфорд беше сигурен при изведувањето на пенали и начинот на кој го изведе пеналот привлече внимание.
„Тој прави да изгледате како да не е тука. Додека стоите и гледате во него, тој ве гледа и оди кон топката“, рече Фостер и додаде:
И тогаш си мислиш: „Знаеш ли што правиш овде?“. Потоа тој повторно те чека додека да донесеш одлука. Мора да имате самодоверба за да го направите тоа“, а тој навистина ја има.
Во 2020 година, на натпреварот помеѓу Брентфорд и Ватфорд, Тони така и го изведе пеналот, а на голот беше Фостер
Спорт
Необична приказна за големите гиганти
![](https://makfax.com.mk/wp-content/uploads/2024/07/pivo.jpg)
Полуфиналните двојки на Европското првенство во Германија се Шпанија – Франција и Холандија – Англија.
Покрај приказната за борбата на европските гиганти за шампионската титула, во фокусот се најде и една несекојдневна, која не е поврзана со фудбалот.
Англичаните и Холанѓаните својот меч го играат во домот на Борусија, Дортмунд. A холандскиот новинар Марсел ван дер Краан за „Sky Sports“ носи необична информација која веројатно ќе ги загрижи двете навивачки бази лоцирани во тој град.
Имено, се проценува дека на денот на натпреварот во Дортмунд ќе се испијат приближно 1,2 милиони пива.
Тој додава дека се очекуваат меѓу 80 и 85 илјади холандски навивачи, што е нивна најголема инвазија досега.
„Имаме страв дека ќе снема пивото“, рече новинарот, а потенцираше и дека фан зоните го немаат капацитетот што се очекува од здружените навивачи на двата тима.
Извесно е дека нема сите да бидат на стадионот, но атмосферата на плоштадите ќе биде вжештена.
Натпреварот е закажан за в среда 10.07.2024. во 21 часот.
Спорт
ШАХ: започна трката за двете места во елитната дивизија; ШК Мулти Есенс стартуваше со победа во првиот настап
![](https://makfax.com.mk/wp-content/uploads/2024/07/Multi-Esens-2-Liga-2024_1kolo.jpg)
Вчера во Струга се одиграа партиите од првото коло од Втората шаховска лига на Македонија, во која настапува и новоформираниот шаховски клуб „Мулти Есенс“, кој, во согласност со стратегијата на компанијата „Алкалоид“ АД Скопје, ќе биде полигон за калење млади шахисти во сениорска конкуренција.
Откако пролетва успешно ги минаа квалификациите, младинците од шаховската школа на нашиот најтрофеен колектив стартуваа со победа во првиот настап. Совладан е ЖШК Прилеп со резултат 3,5 : 2,5, што отсликува дека се играше борбено и без калкулации.
За ШК Мулти Есенс се повикани Теодор Јовановски (2.112), Стојан Велкоски (2.070), Матео Ефтовски (2.005), Андреј Иванов (1.905), Стефан Мелник (1.874), Дино Табаковски (1.852) и Кирил Николовски (1.842).
Во согласност со пропозициите, се игра на шест табли, а дозволено е тимовите да имаат најмногу по двајца странски играчи. Раководството на тимот вклучи двајца млади велемајстори: ВМ Лука Драшковиќ од Црна Гора (2.492) и ВМ Лука Будисављевиќ од Србија (2.478), кои ќе внесат искуство и стабилност. Тоа и се случи, па двете победи на првите две табли ја олеснаа ситуацијата, по што со ремито на Теодор Јовановски на третата табла и со победата на Матео Ефтовски на петтата табла беа освоени потребните поени за победа.
– Очекувано, првиот настап донесе мала возбуда и трема кај играчите. Сепак, најбитно е што излеговме како победници од овој дуел. На четвртата и на шестата табла играчите доживеаја релативно брзи порази, односно не го покажаа своето вистинско ниво и не ги исполнија очекувањата. Со мала промена во составот одиме во денешното второ коло, каде што повторно играме на победа против екипата на ШК Ласкер од Охрид, изјави капитенот на ШК Мулти Есенс, велемајсторот Трајко Недев.
На другите мечеви од првото коло фаворитите ја потврдија својата улога, па така ШК Кочани со 4,5 : 1,5 го совлада МШК Центар, а со идентичен резултат ШК Нов напредок од Штип го победи ШК Шах Шех од Битола. Најубедливо славеше ШК 7 Ноември, кој одигра 5:1 против ШК Шкендија од Тетово, додека, пак, со минимални 3,5 : 2,5 славеше ШК Карпош против ШК Ласкер од Охрид.
ПР