Спорт
Перез и Ферстапен за нов 1-2 триумф на Ред бул во Саудиска Арабија

Серхио Перез немаше проблем својата пол-позиција да ја претвори во победа на Саудиското ГП, а неговиот колега Макс Ферстапен ја докажа моќта на Ред бул откако од 14. место на стартот се искачи на второто место за втора 1-2 победа во втората трка од новата сезона во Формула 1.
Фернандо Алонсо во Астон Мартин, повторно беше на подиумот, исто како и во Бахреин, победувајќи ги двајцата возачи на Мерцедес, Џорџ Расел и Луис Хамилтон. Ферари имаа разочарувачка трка, со шесто место за Карлос Саинс Јуниор и седмо за Шарл Леклер, а во поени беа и двајцата возачи на Алпин, Естебан Окон и Пјер Гасли, како и Кевин Магнусен во Хас.
Перез накратко го загуби првото место од стартот на трката од Фернандо Алонсо, но возачот на Астон Мартин веднаш доби казна од пет секунди откако неправилно се постави на стартот. Во исто време, Ферстапен полека се движеше напрад, како и Леклер пред него. Трката се смени кога вториот Астон Мартин на Ленс Строл откажа и безбедносното возило излезе на патеката.
Ова беше лоша вест за Ферари, кои неколку круга претходно ги внесоа своите болиди во боксот, а потоа бидејќи дојде до компактност во рестартот, нешто што Ферстапен го искористи за да ги помине пред себе и да стигне до второто место. Во последниот круг, Ферстапен дури го освои и најдобриот круг за да остане лидер во генерален пласман.
¡Número uno!#SaudiArabianGP #F1 @SChecoPerez pic.twitter.com/QCSxl4q5uh
— Formula 1 (@F1) March 19, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Маркез сериозно се повреди на патеката „Мандалика“

Новиот шампион во кралската класа, Марк Маркез, се здоб со повреда на рамото во инцидент за време на Големата награда на Индонезија.
Возачот на Дукати ја заврши првата трка откако ја освои титулата веќе во првиот круг, по инцидентот со осовјувачот на пол-позицијата и победникот во вчерашниот спринт, Марко Бецеки (Аперилја).
Италијанецот влезе во дуелот со возачот на Дукати премногу амбициозно и се удри во него, по што двајцата завршија на чакалот. Маркез беше однесен во медицински центар по инцидентот.
MASSIVE CRASH FOR BEZ AND @marcmarquez93 💥
Thankfully both are walking away 👀#IndonesianGP 🇮🇩 pic.twitter.com/hqM7sKqVV0
— MotoGP™🏁 (@MotoGP) October 5, 2025
Прегледите во медицинскиот центар открија мала фрактура на коската на рамото, а по дополнителните прегледи ќе се утврди дали ќе му треба операција.
Дукати објави дека Маркез, вечерва ќе отпатува за Шпанија, каде што ќе бидат извршени подетални прегледи, по што ќе биде појасно каков ќе биде периодот на неговото закрепнување.
„Покрај фрактурата, се сомневаме и на оштетување на лигаментите“, рече Маркез во кратка изјава за „DAZN“.
Патем, Маркез ја обезбеди својата деветта титула минатата недела во Јапонија, но се мачеше од почетокот на тркачкиот викенд на патеката „Мандалика“. На патот до својата прва титула по шест години, возачот на Дукати помина низ многу подеми и падови, вкупно пет операции на раката и рамото, 30 пропуштени трки и 108 несреќи.
Победата на Големата награда на Индонезија ја однесе Фермин Алдегер, и тоа во доминантен стил.
Следната рунда од Мото ГП шампионатот е Големата награда на Австралија на Филип Ајленд од 17 до 19 октомври.
Foto/ EPA
Спорт
Алдегер победи во Индонезија

Возачот на Гресини, Фермин Алдегер, ја однесе првата победа во кариерата во кралската класа, славејќи на Големата награда на Индонезија, 18-та трка од сезоната на шампионатот во Мото ГП.
Шпанецот стана втор најмлад победник во најсилната категорија, бидејќи убедливо победи во својата 18-та трка, во својата четврта сезона во Светското првенство.
Алдегер триумфираше на патеката „Мандалика“ со седум секунди предност пред Педро Акоста од КТМ Рејсинг, додека вториот возач на Гресини, Алекс Маркез, беше на третото скалило од подиумот.
Покрај победата на Алдегер, трката беше обележана и со инцидент од првиот круг во кој освојувачот на пол-позицијата, Марко Бецеки, го истурка новиот шампион Марк Маркез од патеката.
Италијанецот премногу амбициозно влезе во дуел со возачот на Дукати и се судри директно со него, а двајцата завршија на чакалот.
Маркез беше однесен во медицинскиот центар по инцидентот, каде што му беше дијагностицирана фрактура на клучната коска.
Катастрофалниот викенд за Дукати, кој ја обезбеди титулата меѓу конструкторите во саботата, го комплетираше Франческо Бањаја, кој беше последен во текот на целата трка, а потоа падна во деветтиот круг. И тоа само една недела по двојниот триумф на Големата награда на Јапонија.
Бред Биндер од КТМ Рејсинг заврши четврти, зад него следуваа Лука Марини (Хонда) Раул Фернандес (Трекхаус), Фабио Куартараро од Јамаха и возачот на тимот ВР46, Франко Морбидели, додека првите десет ги комплетираа Фабио ди Џанантонио и Алакс Ринс.
Следната рунда од Мото ГП шампионатот е Големата награда на Австралија на „Филип Ајленд“ од 17 до 19 октомври.
foto/ EPA
Спорт
(Видео) Партизан го прослави 80-от роденден, натпреварот со Војводина пет пати беше прекинат, траеше речиси три часа

Фудбалерите на Партизан ја победија Војводина во дербито од 11-то коло од српската Суперлига и со тоа го прославија својот 80-ти роденден. Натпреварот мина во дивеењето на навивачите на црно-белите. Партизан сигурно ќе биде жестоко казнет.
Партизан ја победи Војводина со 1:0, со голот на Милошевиќ од пенал во 18-та минута. Гостите од 30-та минута играа со фудбалер помалку, кога директен црвен картон доби Тањга.
Верувале или не натпреварот траеше речиси три часа. Пет пати беше прекинат, последен пат во 72-та минута кога главниот судија ги испрати играчите во соблекувалната. Прекинот траеше 20-тина минути, а според извештаите, играчите на Војводина биле на туширање кога им соопштиле дека повотрно треба да се вратата на теренот.
Најдраматично на теренот беше во 53-та минута кога играчот на гостинскиот тим, Марко Полетановиќ, остана да лежи на земја, откако во негова близина експлодира „топовски удар“.
Само 15 секунди подоцна, експлодира уште еден „топовски удар“, недалеку од главата на фудбалерот на Војводина. Полетановиќ веднаш стана, а потоа разни предмети полетаа кон теренот… За среќа, тука сè заврши.
Судијата Живковиќ накратко се консултираше со делегатот Владо Глоѓовиќ, познат службеник за обезбедување на УЕФА. Беше донесена одлука натпреварот да продолжи.
На потег е Фудбалскиот сојуз на Србија, но прашање е дали има моќ да се справи со навивачкото дивеење, бидејќи пред само една недела слични сцени имаше и на натпреварот на кој Црвена звезда го славеше својот роденден.
Foto/ Starsport/Peđa Milosavljević