Спорт
Перез: Мбапе си умисли дека е поп-ѕвезда, никој не може да го уценува Реал

Флорентино Перез, претседателот на Реал Мадрид, во емисијата Чирингито откри како во последен момент пропаднал веќе договорениот трансфер на Килијан Мбапе. Наместо тоа, еден од најдобрите напаѓачи во светот реши да го продолжи договорот со ПСЖ за огромна плата и одврзани раце во креирањето на клупската политика.
Перез, во популарното шоу на Хосеп Педрерол, открил детали од трансферот кој спротивно на сите очекувања пропадна во последен момент.
„Сонот на Мбапе беше да игра за Реал и тој ми го кажа тоа многу пати. Очајно сакаше да дојде кај нас уште во август минатата година, постојано ми велеше дека сака да игра само за Реал, а потоа, пред 15 дена, се наеднаш се смени, мислам дека тоа беше поради незамисливиот политички притисок под. Претседателот на Франција и градоначалникот на Париз вршеле силен притисок, му рекле да не ги напушта Париз и Франција. Не можам ни да замислам дека кралот на Шпанија прави нешто такво со играч на Бетис, на пример. Освен политичкиот притисок, својот дел го одработи и финансиската понуда од Катар“, откри првиот човек на Реал.
? "ESTE MBAPPÉ NO ES MI MBAPPÉ" ?
? "ESTE NO es el que YO QUERÍA TRAER" ?
?¡FLORENTINO, más contundente que nunca en #ChiringuitoFlorentino! pic.twitter.com/naTVZFon8O
— El Chiringuito TV (@elchiringuitotv) June 15, 2022
„ПСЖ му понуди на Мбапе неверојатни услови. Доби огромна плата и со потпишувањето на новиот договор тој практично стана негов спортски директор. Тоа е некомпатибилно со авторитетот и со она што треба да го прави еден фудбалер во тимот“.
Сепак, Перез открива дека во тој период, Реал и Мабпе немале постигнато конечен договор. Дека нема да дојде во Мадрид на Перез му станало јасно кога тој започнал да поставува нови услови.
„Тој рече дека нема да учествува во активностите поврзани со спонзорите на Реал кои не се негови приватни спонзори. Тоа ме шокираше затоа што никој во историјата на овој клуб никогаш тоа не побарал. Фудбалот е колективен спорт и никој не може да биде пред другите, во Реал тоа никогаш нема да се случи. Секоја чест за Мбапе, но тој сигурно се замислуваше дека е поп-ѕвезда или холивудски актер и дека сите околу него во овој клуб ќе му бодат придружна група или статисти. Сепак, ова е Реал Мадрид. Не можев да поверувам кога видов што бара од нас и си реков: Ова не е мојот Мбапе“…
Перез вели дека не му се лути на Мбапе, дека му е јасно под каков притисок се наоѓал кога требало да ја донесе одлуката каде ќе ја продолжи кариерата. Вели дека му го одзеле детскиот сон и дека неговата мајка била засрамена од конечната одлука.
„Овој Мбапе што го гледаме и слушаме во последно време не е истиот што го знаев претходно. Ваков каков што е сега не му е потребен на Реал нека остане во ПСЖ.“
?❌"La PRESIÓN que ha tenido que soportar MBAPPÉ NO es NORMAL"
?"No cualquiera puede aguantarla…"
?FLORENTINO lo tiene claro en #ChiringuitoFlorentino. pic.twitter.com/h8Hjftn2In
— El Chiringuito TV (@elchiringuitotv) June 16, 2022
Може ли да дојде во Реал за три години, кога ќе му заврши договорот со ПСЖ?
„Знаеш што велат овде, „за три години сите ќе бидеме ќелави, хахаха! (Перез и водителот се ќелави) Овој Мбапе не е мојот Мбапе! Овој одбива да прави заеднички акции со својот тим. Не го сакам тој Мбапе“.
На крајот Перез открил дека Мбапе се обидел да ги „минира“ трансферот на соиграчот од репрезентацијата Орлеијан Чуамени од Монако во Реал. Го канел да се пресели во ПСЖ, на крајот Реал сепак ја доби оваа битка и за 100 милиони евра го донесе Чуамени на „Снатјаго Бернабеу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нереална серија на Баерн во Лигата на шампионите

Баерн ја продолжува серијата на неверојатни резултати во групната фаза од Лигата на шампионите.
Баварците синоќа го совладаа Копенхаген на гости со 2:1 и стигнаа до 36 натпревари без пораз во прелиминарната фаза од елитното европско натпреварување.
На тие 36 натпревари Баерн оствари дури 33 победи и имаше само три ремија.
Ајакс двапати успеа да дојде до бод, а Атлетико Мадрид еднаш.
Последниот пораз на Баерн беше во 2017 година, кога во Париз беше поразен од ПСЖ со 3:0.
Bayern Munich are now undefeated in 𝟯𝟲 Champions League group games 🤯💥 pic.twitter.com/dPhtcWdyT5
— OneFootball (@OneFootball) October 4, 2023
Спорт
Објавена снимката од ВАР-собата во контроверзниот пораз на Ливерпул

ПГМОЛ, англиската судиска асоцијација, објави видео од разговорот во ВАР собата, на натпреварот Тотенхем-Ливерпул, кога беше поништен голот на Луис Дијаз. Во саботата, Тотенхем го победи Ливероул со 2.1.
Многу полемики предизвика судењето на Сајмон Хупер, неговите помошници и судиите во ВАР-собата. Најмногу се зборува за поништениот гол на Ливерпул. Во 34. минута Дијаз погоди за водство на Ливерпул од 1:0, но помошниот судија сигнализираше офсајд.
Таа одлука беше потврдена по многу кратка проверка на ВАР, а во ВАР просторијата заклучија дека нема потреба да се цртаат линии за да се види дали Колумбиецот бил во недозволена позиција.
По натпреварот судиската организација ја призна грешката и порача дека голот на Дијаз бил регуларен. Тие потоа издадоа соопштение во кое тврдеа дека судијата Дарен Ингланд мислел дека голот на почетокот бил потврден на теренот.
По кратка проверка, тој се увери дека нема офсајд и само го извести судијата Хупер дека „проверката е завршена“ и дека нема ништо спорно.
🚨 @PremierLeague release official VAR audio from Luis Diaz's disallowed goal vs Tottenham.
Full statement: https://t.co/buvq5mG2q3 pic.twitter.com/a8zjGgcOCO
— Fabrizio Romano (@FabrizioRomano) October 3, 2023
„Проверката е направена, прегледот е направен, се е во ред“.
Судијата Хупер потоа даде знак натпреварот да продолжи, по што се јави операторот во ВАР собата задолжен за повторување на снимката, кој вели: „Дали сте задоволни со ова?“
„ВАР: Офсајд, да. Ова е погрешно.
Оператор: Чекај, чекај, чекај… Одлуката на теренот беше дека е офсајд. Дали сте задоволни со аголот?
ВАР: Да. Офсајд, гол. Тоа е погрешно“.
Спорт
Тен Хаг: Скапо ги плативме грешките, сите заедно мораме да најдеме излез од кризата

Манчестер јунајтед е поразен и во вториот натпревар во групата А од Лигата на шампионите.
По поразот во Минхен од Баерн (4:3), тие загубија и на домашен терен од Галатасарај со 3:2, иако двапати водеа.
По катастрофалната грешка на Андре Онана, гостите добија пенал, а Јунајтед остана без Касемиро кој доби црвен картон. Икарди го промаши пеналот, но Аргентинецот неколку минути подоцна погоди за победа на Галатасарај.
Ерик тен Хаг, менаџерот на Манчестер јунајтед, по шестиот сезонски пораз во десет натпревари во сите конкуренции, вели дека само заедништвото може да го извлече тимот од кризата.
„Водевме двапати и ја контролиравме играта. А потоа имаше грешки, би рекол суштински грешки кои обично не ги правиме. Тоа не смее да се дозволи на ова ниво. Бевме казнети поради тоа. Тешко е да се контролира сè, но ние сме во ова заедно. Не се работи за грешка на поединец, туку за тимски грешки и затоа не победуваме. Ова беше непотребно, бидејќи двапати имавме водство“, вели Тен Хаг.
Онана згреши како на натпреварот против Баерн.
„Морам да разговарам со играчите, но секако и со Андре. Ќе го поддржам бидејќи е одличен голман“, вели Тен Хаг.
Не сака да признае дека се е изгубено.
„Се е отворено. Имаме уште четири натпревари, а следните два се против Копенхаген. Секој меч е тежок, но знаеме што треба да направиме. Наше е да останеме живи во групата и да ги задржиме шансите да одиме понатаму“, заклучи Тен Хаг.