Спорт
Перез се сретна со Винисиус, Реал остро ја нападнаа федерацијата

Претседателот на Реал Мадрид, Флорентино Перез имаше вонреден состанок со својата ѕвезда Винисиус Жуниор по скандалозните расистички испади на навивачите на Валенсија овој викенд и шпекулациите дека Бразилецот сака да замине од клубот поради овие случувања.
Реал претходно објави дека поднеле тужба против лигата за расизмот, а сега остро ја нападнаа Кралската шпанска фудбалска федерација (РФЕФ) и нивниот претседател, Луис Рубијалес.
„Реал Мадрид сака да му се заблагодари на нашиот фудбалер Винисиус Жуниор за многубројната поддршка, љубов и солидарност која ја доби од целиот свет. Расистичките напади мораат да бидат искоренети од нашето општество и тоа го посочуваат сите коментари на луѓето од различни национални и интернационални институции за тоа што се случуваше на ‘Месталја’. Нашиот клуб се заблагодарува на ФИФА и претседтелот Џани Инфантино, кој посочи дека мечевите на кои има вакви случки мора да бидат прекинати. Благодарност и до претседателот на Бразил, Лула да Силва, кој бара сериозни мерки за да с решаат проблемите. Фудбалерите му дадоа поддршка на Винисиус, како Роналдо Назарио, Килијан Мбапе, Рио Фердинанд, Нејмар, Кака, Џејдон Санчо, Гери Линекер, Роберто Карлос и Касемиро… На крајот, изненадени сме од изјавите на претседателот на шпанската федерација, Луис Рубијалес, бидејќи како шеф на шпанскиот фудбал, дозволи да не се преземат остри мерки според протоколите на ФИФА. Имиџот на нашиот фудбал е сериозно оштетен во очите на светската јавност. Неговата пасивност доведе до ова. Судиите, наместо да реагираат цврсто, одбиваат да донесат тешки одлуки. Видете како вчера токму Винисиус доби црвен картон“, се вели во објавата на Реал.
Nuevo Comunicado Oficial.#RealMadrid
— Real Madrid C.F. (@realmadrid) May 22, 2023
El presidente del Real Madrid se ha reunido con @ViniJr para mostrarle su apoyo y su cariño, para informarle de todos los pasos que se están realizando en su defensa y para confirmarle que el club llegará hasta las últimas consecuencias ante una situación tan repugnante de odio. pic.twitter.com/vu18Lf0nif
— Real Madrid C.F. (@realmadrid) May 22, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.