Спорт
Перишиќ ги врати Хрватите на победите, во Осиек „падна“ Велс (видео)
Хрватска стигна до втората победа во квалификациите за Европското првенство во 2020 година, откако во Осиек со 2:1 го совладаа Велс да се вратат на првото место на табелата во групата Е.
По шокантниот пораз од Унгарија, на „коцкестите“, кои се светски вицешампиони им беше потребна победа над незгодниот Велс за враќање на самодовербата. Во Осиек, тие немаат репрезентативен пораз и добрата низа се потврди и против Велшаните.
Хрватска дојде до водство во 18. минута, кога по една брза контра, нафрлањето на Иван Перишиќ заврши во нозете на Џејми Лоренс, кој си постигна автогол. Перишиќ се запиша во листата на стрелците во 48. минута по лошата реакција на одбраната на гостите, по што следуваше иницијатива на Велшаните. Таа на крајот резултираше во намалување на резултатот, кога Дејвид Брукс во 77. минута со удар од далечина го измами Ливаковиќ.
Во групата Х, пак, Исланд стигна до минимална 1:0 победа над Албанија, благодарение на голот на Јохан Гудмундсон.
КВАЛИФИКАЦИИ ЗА ЕВРО 2020
ГРУПА Е
Хрватска – Велс 2:1
Азербејџан – Унгарија 18.00 ч.
Табела: 1.Хрватска 6, 2.Словачка 3, 3.Велс 3, 4.Унгарија 3, 5.Азербејџан 0
ГРУПА Х
Исланд – Албанија 1:0
Турција – Франција 20.45 ч.
Табела: 1.Франција 6, 2.Турција 6, 3.Исланд 6, 4.Албанија 3, 5.Андора 5
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Се враќа Џордан, ќе биде специјален соработник

Мајкл Џордан, легендата на НБА и Чикаго Булс, ќе стане специјален соработник на мрежата NBC, која ја емитува најсилната кошаркарска лига во светот, почнувајќи од оваа есен.
Еден од најголемите кошаркари на сите времиња прифати уште еден предизвик во својата кошаркарска кариера, а од есен и новата сезона ќе биде специјален дописник за извештаите од НБА.
BREAKING: NBC Sports has named Michael Jordan a special contributor for its upcoming NBA coverage on NBC and Peacock 🔥🐐
— NBACentral (@TheDunkCentral) May 12, 2025
NBC, која редовно ги емитуваше натпреварите од НБА од 1990 до 2002 година, ќе продолжи со покривање на спортот на есен откако постигна 11-годишен договор со лигата.
Кога NBC ќе продолжи со покривање на натпреварите од НБА, Џордан ќе биде дел од тоа покривање.
НБЦ сè уште не ја објави конкретната позиција на Џордан, нарекувајќи го „специјален соработник“.
Не е јасно колку често Џордан ќе се појавува онлајн и што ќе вклучуваат неговите работни обврски.
Без оглед на неговата улога, Џордан е повеќе од квалификуван да зборува за спорт – освои шест шампионски титули со Булс, беше 14 пати Ол-стар настап и пет пати беше прогласен за најкорисен играч (MVP).
Џордан сè уште се смета за најдобар кошаркар на сите времиња, а по завршувањето на својата играчка кариера купи малцински удел во Шарлот Хорнетс.
Спорт
Анчелоти официјално е назначен за селектор на Бразил

Италијанскиот стручњак, актуелен тренер на Реал, Карло Анчелоти е новиот фудбалски селектор на Бразил.
Како што беше објавено, 65-годишниот стручњак потпиша договор до крајот на Светското првенство, кое ќе се игра следното лето во САД, Мексико и Канада.
„Најтрофејниот избор во историјата на фудбалот сега ќе го води најуспешниот тренер во светот. Карло Анчелоти, синоним за историски достигнувања, беше објавен овој понеделник од претседателот на Бразилската фудбалска асоцијација, Едналдо Родригез, за нов селектор на националниот тим. Италијанецот ќе го предводи Бразил на Светското првенство во 2026 година и ќе го тренира тимот веќе во следните два квалификациски натпревари против Еквадор и Парагвај, следниот месец“, се вели во соопштението на веб-страницата на Бразилската фудбалска асоцијација.
Родригез рече дека доведувањето на Анчелоти да го предводи Бразил е повеќе од стратешки потег.
„Ова е порака до светот дека сме решени да го вратиме првото место на подиумот. Тој е најголемиот тренер во историјата, а сега ја предводи најголемата репрезентација на планетата. Заедно ќе напишеме нови славни поглавја за бразилскиот фудбал“, рече Родригез, како што објави веб-страницата на ФС Бразил.
Спорт
Првиот човек на ФФМ провери како тече работата на стадионот во Битола, треба да се исполни условот на УЕФА

Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.
За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА.
Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло.
На 9 септември, Битола треба да биде домаќин на натпреварот Македонија – Италија, за фудбалери до 21 година. По увидот на терен, претседателот на ФФМ, ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира.
Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата. Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.