Спорт
Пет кандидати за менаџер на сезоната во Премиер лигата
Листата на кандидати за менаџер на годината во Премиер лигата во петокот беше скратена на пет имиња.
Меѓу петте кандидати за најдобар менаџер на Премиер лигата за сезоната 2021/22, очекувано се менаџерите на два тима кои се борат за титулата – Пеп Гвардиола и Јирген Клоп.
Останатите тројца се менаџерот на Њукасл, Еди Хау, менаџерот на Кристал Палас, Патрик Виера и менаџерот на Брентфорд, Томас Франк.
Стратегот на Брентфорд имаше совршено деби во Премиер лигата заедно со својот клуб кој за првпат е во елитата. И тој ќе биде таму следната сезона.
Еди Хау заврши одлична работа во Њукасл, откако го презеде тимот пред седум месеци. Њукасл ќе стане првиот клуб што успеал да остане во Премиер лигата откако не забележал ниту една победа во првите 14 натпревари. Њукасл имаше само пет бода кога Хау пристигна во ноември, сега има 43 и е 14.на табелата на самиот крај од сезоната. Во продолжение Њукасл имаше серија од девет меча без пораз.
Во својата прва менаџерска сезона во Премиер лигата, Патрик Виеира го донесе Кристал Палас до позиција да ја заврши сезоната во првата половина на табелата, а навивачите се задоволни од начинот на кој игра тимот.
Тоа што Пеп Гвардиола и Јирген Клоп се најдоа на листата на кандидати за најдобар менаџер не треба посебно објаснување. Гвардиола би можел по четврти пат во последните пет години да биде прогласен за најдобар менаџер.
За наградата, како и за сите награди што ги доделува Премиер лигата на месечно и годишно ниво, учествуваат и гласовите на навивачите, во одреден процент. Гласовите на публиката сочинуваат десет проценти од вкупните гласови, а гласаат и членовите на панелот од Премиер лигата, како и менаџерите и капитените на тимовите.
За менаџер на годината ќе се гласа, до 16 мај до 19 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.