Спорт
Петмина од Ливерпул во тимот на сезоната

Откако го прогласија Кевин Де Брујне за најдобар играч во изминатата сезона, Здружението професионални фудбалери го објави иделаниот тим во Премиер лигата за сезоната 2019/2020.
Пола од овој тим го сочинуваат фудбалери на актуелниот шампион Ливерпул, по двајца фудбалери доаѓаат од Манчестер сити и Лестер, а еден претставик имаат Арсенал и Барнли.
Голман е Ник Поуп од Барнли, во одбраната помеѓу тројцата од Ливерпул (Трент Александер-Арнолд, Вирџил ван Дајк и Енди Робертсон) има место и за Сојунџу од Лестер.
Во редот за врска се капитенот на Ливерпул Џордан Хендерсон и двоецот на Сити Давид Силва и Кевин Де Брујне.
Нападот го предводи најдобриот стрелец Џејми Варди од Лестер, а друштво му правата Пјер-Емерик Обамејанг од Арсенал и Садио Мане ов Ливерпул. Овие тројца минатата сезона заедно постигнале 63 гола (Варди 23, Обамејанг 22, Мане 18).
Идеалниот тим, формација 4-3-3:
Поуп – Александер-Арнолд, Ван Дајк, Сојунџу, Робертсон – Хендерсон, Давид Силва, Де Брујне – Мане, Обамејанг, Варди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јужна Африка е 23-от учесник на СП

Фудбалската репрезентација на Јужна Африка е 23-та репрезентација, која обезбеди место на Светското првенство следната година во Канада, САД и Мексико.
Јужна Африка пласманот го избори со победата од 3:0 над Руанда дома во 10-то коло од мундијалските квалификации.
Головите на Таленте Мбате, Освин Аполис и Евидес Макгопе и ја донесоа победата на „бафана бафана“.
Јужна Африка го престигна Бенин во последното коло и го освои првото место во групата Ц.
На крајот, Бенин ги загуби сите шанси да биде на Светското првенство, откако загуби во последното коло од Нигерија со 3:0 и падна на третото место поради помала гол-разлика.
Јужна Африка ќе игра на Светското првенство за прв пат откако беше домаќин на натпреварувањето во 2010 година.
Спорт
Вардар 1961 со победа ја започна сезоната во Европската лига

Вардар 1961 со победа ја започна сезоната во Европската лига. Вечерва во „Јане Сандански“, македонскиот вице првак славеше со 34:29 во дуелот со Севесте.
Натпреварот го обележа и првото соочување на поранешните репрезентативни колеги, легендите на хрватскиот ракомет, сега тренери Иван Чупиќ и Игор Вори.
Вардар 1961 релативно лесно го доби натпреварот. Првиот дел мина во апсолутна доминација на Вардар, бргу домаќинот стекна предност од четири гола (8:4) и ја одржа до крајот на тој период.
Во вториот дел по 21:16 следуваа црните минути во играта на Вардар, дозволи серија на противникот од шест гола. Вардар бргу го врати ритамот одоговри со серија од три гола и потоа рутински го финишира дуелот.
Хориха со седум, односно Боно и Тузолана со по шест гола го предводеа Вардар 1961.
Foto/ facebook.com/rkvardar
Спорт
(Видео) Јапонија против Бразил од 0:2 до 3:2

Фудбалерите на Јапонија по пресвр го победија Бразил (3:2), во пријателски натпревар одигран во Токио.
Јапонците успеаја пред околу 50.000 свои навивачи да го надоместат дефицитот од два гола од првото полувреме и за прв пат во историјата да забележат победа над „селесао“.
Карло Анчелоти малку ги измеша картите, но без оглед на тоа, „кариоките“, дојддоа до предност преку Пауло Енрике и Габриел Мартинели.
Во 26-та минута, Енрике го постигна првиот, а Мартинели постигна гол шест минути подоцна по асистенција од Лукас Пакета.
Катастрофалната реакција на Фабрицио Бруно во 52-та минута ја искористи Такуми Минамимо и со тоа ја врати Јапонија во натпреварот.
Јапонците не застанаа тука, а двоен асистент беше Ито, кој влезе како резерва во вториот дел.
Прво, во 62-та минута, го пронајде Кеито Накамура, а потоа во 71-та минута изведе корнер, по што Ајасе Уеда го комплетира пресвртот.
За потсетување Јапонија и Бразил обезбедија учество на Светското првенство во 2026 година.