Спорт
Петровиќ: Можеме до победа на дуелот со Морнар
Тренерот на МЗТ Скопје Аеродром, Александар Петровиќ, е оптимист во пресрет на новиот натпревар од АБА лигата против Морнар. Дуелот се игра утречер (18 часот) во СЦ „Јане Сандански“.
„Против нас имаме тим кој одлично ја отвори сезоната, но кој беше во резултатска криза поради што во Скопје ќе сака да се врати на победничките патеки. Главни играчи се Расел и Михаиловиќ, но и на останатите позиции се одлични. Морнар е предводен од одличен тренер, кој сигурно ќе се обиде да најде начин да пронајде начин за триумф. Очекувам добар натпревар, во кој треба да покажеме агресивност во одбраната и во нападот за да одиграме на исто ниво како против СЦ Дерби. Ако го сториме тоа и ако имаме поддршка од трибините, тогаш верувам дека ќе дојдеме до целта, а тоа е значаен триумф”, изјави Александар Петровиќ.
Страхиња Миќовиќ одигра на гостувањето против Цедевита Олимпија, па очекува добро издание на тимот на утрешниот меч.
„Зад нас е серијата тешки напревари против најголемитите фаворити во лигата во кои, за жал, не успеавме да изненадиме, но добро е што победивме против СЦ Дерби со што што пожавме дека може адекватно да се справиме со такви ривали. Токму тој дуел треба да ни биде патоказ како да играме и против Морнар. Очекувам слична енергија и мислам дека тоа е клучот за евентуалниот успех. Добро го познавам противникот, знам како размислува нивниот тренер и инсистира на брза игра со многу шутеви за тројка. Ако ги сопреме нивните бекови тоагаш ќе бидеме многу поблиску до триумфот“, изјави Миќовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.