Спорт
ПФА предупредува: Играчите ќе бараат правна заштита
Првиот човек на Здружението на професионални фудбалери на Англија и Велс (ПФА) Матео Моланго изјави за „Скај спортс“ дека може да се случи фудбалерите да побараат и правна заштита поради зголемениот број на натпревари што треба да ги играат на годишно ниво.
Моланго истакна дека Меѓународната фудбалска федерација (ФИФА) сериозно го ризикува здравјето и благосостојбата на фудбалерите со постојано зголемување на бројот на натпревари и додавање нови натпреварувања.
„Дојдовме во ситуација кога треба да се заштитиме. Состојбата во фудбалот денес е тажна. Големиот пораз на фудбалот е фактот што играчите мора да се заштитат себеси затоа што никој друг не го прави тоа. На играчите им е јасно дека се многу добро платени за работата што ја работат, но на сите треба да им биде јасно дека човечкото тело има свои граници“, изјави Моланго.
Неговите коментари се одговор на промената на системот на натпреварување на Светското клупско првенство, но и на промените кои следуваат на Мундијалот.
Од 2025 година на Светското клупско првенство ќе учествуваат 32 селекции, додека на Светското првенство во 2026 година во Соединетите Американски Држави, Мексико и Канада ќе учествуваат 48 репрезентации.
Заедно со сите овие зголемувања на бројот на натпревари, новиот систем на натпреварување во Лигата на шампионите кој ќе биде во сила од следната сезона го зголемува и бројот на натпревари на годишно ниво.
„Скај спортс“, ја илустрираше сериозноста на ситуацијата со одличен пример – во сезоната 2024/25, вклучувајќи го и Светското клупско првенство, Манчестер сити би можел да одигра 86 натпревари, што навистина изгледа страшно.
Малонго е член на претседателството на Меѓународната асоцијација на професионални фудбалери (ФИФПро) и вели дека и оваа асоцијација се подготвува да ги преземе неопходните чекори за заштита на играчите, а додаде дека ФИФПро ќе добие поддршка и од Меѓународната асоцијација на професионални клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.