Спорт
Пике плачел на судењето: Никој не може да ми го врати угледот

Шпанските медиуми објавија аудио снимка од судењето на познатиот фудбалер Џерар Пике, кој е под истрага за корупција во случајот Суперкуп на Шпанија.
Поранешниот шпански репрезентативец, кој освои се што може да се освои во фудбалската кариера, негираше дека сторил нешто лошо и плачеше на суд бидејќи рече дека не ги разбира обвиненија кои се поднесени против него.
Исто така, Пике изјави дека никој не може да му ја врати репутацијата.
Поранешниот играч на Барселона и Манчестер јунајтед е под истрага за четири милиони евра годишни провизии кои ги добивал преку неговата компанија.
Се истражуваат наводните дела на корупција и перење пари, кои резултираа со преместување на шпанскиот Суперкуп во Саудиска Арабија.
Пике помина два часа во судницата.
„Можам ли да кажам нешто? Многу е фрустрирачки затоа што се занимаваме со овој случај три години. Мислам дека и дадовме непроценлива вредност на Шпанската фудбалска асоцијација и најголемиот договор во историјата на асоцијацијата. Во друга земја би ми кренале споменик“, рече Пике, а потоа со многу поемотивен тон изјави:
„Не можете да замислите каково е чувството кога името ви се појавува во печатот секој ден и така три години. Се ќе заврши што е можно поскоро, но никој нема да ми ја надомести за нарушување на угледот“, додаде Пике.
#ElPeriódico “El audio de Piqué llorando ante la jueza del caso Supercopa“
Piqué: “De verdad creo que hemos aportado un valor incalculable para la Federación Española, el contrato más grande de la historia de la Federación”pic.twitter.com/cJqd65AsHG
— Fútbolgate.com (@futbolgate_ES) April 10, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ристовски на Инстаграм: Добредојдовте во аматерската Премиер лига. (Да живее Тито)

Во петтото коло од Премиер лигата на БиХ, Сараево претрпе тежок пораз на гостувањето кај Борац во Бања Лука. Екипата чии дрес го носи поранешниот капитен на фудбалската репрезентација на Македонија, Стефан Ристовски, загуби со 5:1.
Медиумите пишуваат дека натпреварот го обележа судењето на Сабри Топаловиќ. Најмногу контроверзии предизвика поништениот гол на Сараево за 2:2. ВАР процени дека на почетокот на акцијата Михаел Млинариќ играл со рака.
Можете да ја погледнете ситуацијата на видеото од 5:42.
Ситуацијата стана уште покомплицирана во 64-та минута, кога Момоду Џата беше исклучен при резултат 2:1.
Стефан Ристовски ги одигра сите 90 минути за Сараево. По натпреварот објави на Инстаграм: „Добредојдовте во аматерската Премиер лига. (Да живее Тито)“, напиша тој, а набрзо ја избриша објавата. Ристовски јасно го изрази своето незадоволство од судењето.
Фото/ Принтскрин
Спорт
(Видео) Навивачите на Јунајтед се бесни на капитенот: Пратете го тој никаквец во Арабија

Навивачите на Манчестер јунајтед ги искажаа своите фрустрации на социјалните мрежи откако Бруно Фернандеш промаши пенал против Фулам.
Капитенот на „црвените ѓаволи“, шутираше високо над голот, што предизвика лавина од коментари и критики на социјалните медиуми. Во дел од коментарите се бара одговорност од лидерот на тимот, некои му порачаа да си змаине.
„Ова е најлошото промашување од пенал што сум го видел. Дали замина на месечината затоа што таму гаѓаше!! Срамно и понижувачки, ова не е доволно добро.“
„Испратете го тој клошар во Арабија“
„Пукаше кон ѕвездите, падна на месечината. Бруно Фернандеш“
„Бруно Фернандеш, ова не е рагби“.
„Манчестер јунајтед мора да продолжи понатаму без Бруно Фернандеш. Тој го носи клубот наназад“
Контроверзноста беше засилена со видео од моментот пред да биде изведен пеналот. Фернандес тврдеше дека судијата случајно го допрел и ја му нарушил рутината, и рече дека отсуството на извинување дополнително го вознемирило. Тој истакна дека промашувањето не се должи на неговата техника на шутирање, но го нагласи психолошкиот ефект бидејќи судијата му ја нарушил рутината.
Натпреварот заврши нерешено 1:1. Јунајтед поведе преку автоголот на Родриго Муниз, а Емил Смит Роу израмни неколку минути по влегувањето во играта.
Фото/ Принтскрин
Спорт
(Видео) Најдобрата асистенција во НБА ја има… Никола Јокиќ

Вљубениците во НБА кошарката секоја година имаат можност да ги избираат најдобрите потези од претходната сезона. Според нив најобрата асистенција во сезоната 2024/2025 ја има Никола Јокиќ.
Српскиот репрезентативец, минатата сезона ја заврши со трипл-дабл просек, но не успеа четврти пат во кариерата да стане МВП. Престижната награда му припадна на Шеј-Гилџес Александер од Оклахома сити Тандер.
Секоја година, навивачите гласаат за најдобрата асистенција од минатата сезона, според нив најдоброто додавање е забележано на 26 март, на натпреварот Денвер Нагетс-Милвоки Бакс.
Нагетс триумфираа дома со резултат од 127:117, а Јокиќ го предводеше тимот со фантастична игра и трипл дабл од 39 поени и по 10 скока и асистенции. Тој најмногу ја воодушеви публиката со додавањето „без гледање“ за Арон Гордон, кој сето тоа го зачини со забивање.
🚨 The results are in for State Farm Assist of the Year 🚨
Nikola Jokić wins the 2025 NBA Fan Favorites Award for his no-look, over-the-shoulder pass as voted by YOU, the fans! pic.twitter.com/37TjxVEF50
— NBA (@NBA) August 24, 2025