Спорт
Пикси обвинет дека земал милион и пол евра бонус за „фијаското“ на Мундијалот
Состанокот на извршниот одбор на Фудбалскиот сојуз на Србија (ФСС), прво во празнична атмосфера ги прогласи селекторот Драган Стојковиќ Пикси и Александар Митровиќ за најдобри во годината, по што паднаа сериозни обвинувања на сметка на Пикси и претседателот на ФСС, Ненад Бјековиќ за нивните „дебели“ бонуси за настапот на СП.
Србија на СП и покрај големите очекувања испадна во групната фаза со последно место во групата во која беа и Бразил, Швајцарија и Камерун со еден освоен поен.
Новица Тончев, членот на ИО, го обвини Пикси дека земал бонус од милион и пол евра за неуспехот на СП во Катар, додека Бјековиќ, како и неговите соработници Јован Шурбатовиќ и Стеван Стојановиќ добиле по 350.000 евра. Тој исто така побара формирање на комисија за утврдување на сумата која е потрошена за настапот на СП, за големата делегација на федерацијата и трошоците кои тие ги направиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.