Спорт
Пиоли: Не создадовме доволно шанси да го скршиме противникот

Тренерот на Милан, Стефано Пиоли остана разочаран од ремито 0:0 на гости против Кремонезе во Серија А. Тренерот призна дека неговиот тим не бил на потребното ниво, особено во второто полувреме и тоа е главната причина за ваквиот резултат.
„Мислам дека првото полувреме беше добро, но вториот дел беше далеку од нашите стандарди. Не успеавме да создадеме доволно шанси во нападот. Кремонезе размислуваше само за одбраната и го затвори просторот, но, сепак, можевме подобро“, вели Пиоли.
Тренерот на Милан објаснува дека очекувал подобро издание од својот тим.
„Во второто полувреме ја загубивме флуидноста и брзината во движењата. Не ги добивавме дуелите во нападот, што обично го правиме добро. Ни недостигаше движењето без топка и тоа не спречи да создадеме повеќе шанси. Не сакам да зборувам за индивидуални грешки. Или играме добро тимски или сме слаби повторно како тим, а тогаш нема да оствариме резултат. Знаевме што не очекува со Кремонезе. Од почетокот на сезоната тие се агресивни во одбраната. Се вратија назад, па моравме да најдеме начин да ја движиме топката. Имавме свои шанси, особено во првото полувреме, но кога не постигнувате голови рано, овие натпревари стануваат компликувани како што одминува времето. Не создадовме доволно шанси да го скршиме противникот“, смета стратегот на „росонерите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пикси: Ќе предложам да одиграме хуманитарен натпревар против Македонија

Србија оваа недела ќе одигра два натпревари со Австрија, во борбата за опстанок во А дивизијата во Лигата на нации.
Во пресрет на гостувањето во Виена, прес конференција одржа селекторот на Србија, Драган Стојковиќ-Пикси.
Пред почетокот на прес конференцијата, Стојковиќ изрази сочувство до семејствата на загинатите во дискотеката „Пулс“ во Кочани.
„Пред да започнеме со конференцијата во врска со натпреварите, вчера се случи страшна несреќа. Невидена трагедија во Македонија. Би сакал да изразам сочувство до луѓето и семејствата на жртвите. Ќе предложам ФСС да стапи во контакт со Фудбалскиот сојуз на Македонија за да можеме во иднина да играме натпревар. Секако натпреварот би бил од хуманитарен карактер. По нашите трагедии, ова е уште една“, рече Стојковиќ.
Србија гостува во Виена на 20.март, реваншот во Лесковац е три дена подоцна.
Спорт
Во Барселона пристигнала понуда за Рафиња

Манчестер јунајтед и понуди на Барселона 70 милиони евра за 28-годишниот Бразилец Рафиња, објавија во понеделникот британските медиуми. На „Олд Трафорд“ веруваат дека со својата брзина, дриблинг и шутирање од различни позиции, Рафиња претставува идеално решение за проблемите во нападот на тимот.
Бразилецот оваа сезона за Барселона постигна 27 гола и имаше 21 асистенција во сите натпреварувања. Неговите одлични настапи го привлекоа вниманието на бројни европски гиганти, но само Јунајтед испратиле конкретна финансиска понуда.
Договорот на Рафиња со Барса истекува во јуни 2027 година, но се претпоставува дека Каталонците би можеле да ја прифатат понудата поради тешката финансиска ситуација.
Бразилскиот репрезентативец пристигна во Барселона во јули 2022 година од Лидс за 58 милиони евра и постигна 47 гола и даде 46 асистенции на 124 натпревари за клубот.
Спорт
Австрија без еден од најдобрите против Србија

Австрискиот репрезентативец Марсел Сабицер нема да игра против Србија во бараж натпреварите за да опастанк во А дивизијата во Лигата на нации.
Фудбалерот на Борусија Дортмунд се повреди во саботата на натпреварот на неговиот тим против Лајпциг.
Тој мораше да ја напушти играта во 33. минута поради повреда на коленото, па на негово место во игра влезе Бенсебаини.
„Марсел Сабицер доживеа повреда на коленото и ќе оди на рехабилитација во следните четири недели. Ти посакуваме брзо закрепнување Заби“, се вели во соопштението на Дортмунд.
Тоа значи дека селекторот на Австрија, Ралф Рагник нема да може да смета на него за двата плејоф натпревари за опстанок во А дивизијата од Лигата на нации.
Првиот натпревар ќе се игра на 20 март во Виена, а вториот три дена подоцна во Лесковац.