Спорт
Пиоли: Ова е еден друг Милан!
Калчолигашот Милан утре од 21.45 часот ја дочекува Аталанта во дербито од 36 коло во Серија А.
Откако неколку месеци се зборуваше дека по крајот на сезоната Стефано Пиоли го напушта кормилото на екс-европскиот шампион, а на негово место дека ќе дојде Ралф Рангник, сепак сета таа приказна пукна како „меур од сапуница“.
Пиоли доби доверба на раководството на Милан до 2022 година.
На првиот меч оваа сезона, во Бергамо Аталанта ги прегази „црвено-црните“ со 5-0, но Пиоли вели дека тоа беше друга екипа.
„Не треба да не потсетувате на тоа, сакаме да продолжиме со добрата форма колку и да е тоа можно. Аталанта е во врвот во речиси секоја статистичка категорија, но и нам ни оди добро и сакаме да направиме добра претстава. Многу се променивме. На првиот меѓусебен меч ти погодија некои сјајни голови, а ние бевме на почетокот на заедничкото патување. Ова сега е друг Милан. Ние сме ментално во идеална ситуација, но и Аталанта е сјајна“ – вели Пиоли.
Утринава тој и официјално го потпиша новиот договор со „Росонерите“.
„Тешко ми е да не мислам за тоа, тоа го сакав од почетокот, среќен сум, но имаме важен меч утре“ напомена тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.