Спорт
Пипен: Кари е како мини Леброн
Леброн Џејмс и Стивен Кари се меѓу најуспешните кошаркари на 21 век, но тешко дека би можеле да бидат поразлични по физичките карактеристики. Сепак, легендарниот крилен кошаркар Скоти Пипен направи споредба меѓу нив двајца.
Во текот на изминатата сезона многумина зборуваа за тоа дека Кари напорно работел на физичката подготовка и дека тоа е една од клучните причини за неговите фантастични игри во плеј-офот, период кога противничките одбрани се најагресивни.
„Стеф ми е како мини Леброн. Ако зборуваме за физичките карактеристики, Стеф е силен за својата висина. Мислам дека лесно може да одигра уште шест сезони. Тој е толку добар шутер, најдобар во историјата, што чувствувам дека би можел да биде на теренот во НБА во своите 50-ти години“, изјави Скоти Пипен за НБА радиото Сириус XM.
„Покрај шутирањето, кошаркарскиот коефициент на интелигенција на Кари е неверојатен, тој им покажа на многу други чувари што може да постигне во играта. Би сакал да видам како Стеф би играл доколку Кевин Дурант не дојдеше во Вориорс. Стеф е посебен играч и уживам кога го гледам“, изјави прославениот кошаркар, шесткратен шампион во НБА и седумкратен Ол-стар.
Кари, исто како Џејмс, освои четири шампионски титули во НБА. И двајцата, заедно со Пипен, беа избрани меѓу 75-те најдобри кошаркари во историјата на НБА на церемонијата одржана претходно оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.

