Спорт
Пирло сака да го врати Мората во Јувентус

Јувентус до крајот на преодниот рок мора да донесе класична деветка. Изборот е Един Џеко, меѓутоа бидејќи Рома се уште нема најдено замена за него (Аркадијуш Милик никако да се договори со Наполи), Јувентус и тренерот Андреа Пирло се подготвени да го активираат резервниот план.
Италијанскиот новинар Фабрицио Романо тврди дека Јувентус ги започнале преговорите со Ателико Мадрид околу Алваро Мората.
Романо објави дека Јувентус сака да го донесе својот поранешен напаѓач на позајмица за 10.000.000 евра, со опција да го откупи неговиот договор по завршувањето на сезоната за дополнителни 45.000.000 евра.
Атлетико би се согласиле на ваков трансфер бидејќи тие се во преговори со Луис Суарез од Барселона, кој чека само да го раскине договор со Каталонците за да се пресели на „Ванда Метрополитано“.
Мората со голем успех го носеше дресот на Јувентус две сезони, во кои соиграч му беше сегашниот тренер Пирло.
Juventus are now in talks with Atlético Madrid to sign Álvaro Morata! €10m loan + €45m buy option offered to Atlético.
Atléti are now seriously considering to sell Morata because Luis Suarez is close to be the new striker. He’s ready to leave #FCB as a free agent ? @SkySport
— Fabrizio Romano (@FabrizioRomano) September 21, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пресврт на „Марадона“ – Наполи ја победи Џенова

Фудбалерите на Наполи ја победија Џенова со 2:1 во натпреварот од 6-то коло на Серија А.
Наполи успеа да ја оствари својата петта победа оваа сезона во Серија А, откако по пресврт ги победи гостите од Џенова.
Џенова поведе во 33-та минута преку Екатор. Напаѓачот на Џенова постигна спектакуларен гол со петица.
Во второто полувреме, Наполитанците ја обезбедија победата. Изедначи Самбо Ангиса во 57-та минута за израмнување и надеж дека Наполи може да ја продолжи трката со Рома.
Голот за победа го постигна Расмус Хојлунд во 75-та минута. Данецот игра како прероден во Наполи, каде дојде на позајмица од Манчестер Јунајтед. Во средата, со два гола му ја обезбеди победата на наполи над Спортинг во Лигата на шампионите.
Наполи со оваа победа се изедначи со Рома на челната позиција, двата тима имаат по 15 поени.
Foto/ EPA
Спорт
(Видео) Лесно му е на Сити кога го има Халанд

Фудбалерите на Манчестер Сити го победија Брентфорд со 1:0 во последниот натпревар од седмото коло од Премиер лигата.
„Граѓаните“ беа големи фаворити пред натпреварот, добро го отворија натпреварот, делуваа сигурно во првиот дел, но во вториот не направија буквално ништо пред голот на противникот. Сепа за тимот на Гвардиола најважна е победата.
Единствениот гол на натпреварот беше постигнат во деветтата минута, кога голманот на Брентфорд го совлада Ерлинг Халанд.
Сити го забележа четвртиот триумф во сезоната, сега се наоѓа на петтото место на табелата со 13 бода, три помалку од лидерот Арсенал.
Спорт
(Видео) Синер се повреди, му го предаде мечот на Грикспор

Италијанскиот тенисер Јаник Синер го заврши настапот на Мастерсот во Шангај. Синер на Талон Грикспор му го предаде осминафиналниот меч.
Синер се предаде при резултат 1:1 во сетови и 3:2 за Холанѓанецот во одлучувачкиот сет. Проблемот беше неговата десна нога, колено или мускул, засега останува нејасно.
FORZA JANNIK
PER SEMPRE❤️🩹
— The Sinner Times (@sinnertimes) October 5, 2025
Синер можеше да го заврши дуелот и претходно, пропушти шанси, во еден момент беше на два поени од победата, но не успеа против да го скрши 31-ви играч на АТП листата.
Синер го доби првиот сет по тај-брејкот, кој го отвори со 4:0 и се чинеше дека е на пат кон нова победа.
На почетокот од вториот сет, спаси една, а потоа пропушти три шанси за брејк.
Имаше нови можности, уште поголеми, три врзани брејк топки во осмиот гем, но Гриксспор и тогаш успеа да се извлече.
Токму во тие моменти тој ја истегна десната нога, а потоа во 11-от гем го загуби сервисот без да освои поен.
Грикспор стигна до брејк и во петтиот гем од решавачкиот сет, кога Синер со болки отиде на клупата.
Тој доби третман од физиотерапевт, но едноставно не можеше да се потпре на десната нога, па реши да го прекине дуелот.
Nobody wanted to see this in Shanghai 😓
The World No. 2 retires due to injury at 7-6 5-7 2-3, sending Griekspoor to the last 16. Wishing Sinner a very speedy recovery ❤️#RolexShanghaiMasters pic.twitter.com/hxhRcY8AdX
— Rolex Shanghai Masters (@SH_RolexMasters) October 5, 2025
Валентин Вашеро од Монте Карло, 204-от тенисер на планетата, го чека Грикспор во осминафиналето.
Foto/ EPA