Пари Сен Жермен, потврди дека Усман Дембеле претрпел повреда на мускулот, што го става под знак прашалник, неговиот настап против Арсенал во реваншот од полуфиналето на Лигата на шампионите следната недела.

Дембеле го постигна единствениот гол на „Емирати“ во вторник вечерта. Го совлада Давид Раја во четвртата минута и му обезбеди на ПСЖ минимална предност пред решавачкиот дуел во Париз.

Сепак, Дембеле мораше да ја напушти играта во второто полувреме и оттогаш не тренирал.

Во медицинскиот извештај објавен во петок попладне, ПСЖ соопшти: „Усман Дембеле има повреда на задната ложа на десната нога. Неговата состојба се развива добро и наскоро ќе биде извршена нова проценка“.

ПСЖ следниот викенд ќе излезе на теренот против Стразбур, но со оглед на тоа што веќе ја обезбедија титулата во лигата, нема потреба да настапат својот најсилен состав.

Фудбалскиот клуб Баерн Минхен објави дека Ерик Даер, како слободен играч, ќе го напушти клубот на крајот од сезоната.

„Разговаравме со Ерик за новиот договор. Тој ни кажа дека не сака да го продолжи и дека ќе нè напушти. Се надевам дека ќе го круниса својот престој во клубот со својата прва титула“, изјави спортскиот директор на Баерн, Кристоф Фројнд.

Според извештаите, Дајер постигнал договор со Монако, каде што ќе добие подолг договор од оној што му го понуди Баерн и можност да игра повеќе отколку што играше во германскиот клуб.

Англискиот фудбалер минатиот јануари се пресели од Тотенхем во Баерн, за кој одигра 45 натпревари. Тој не добиваше значителна минутажа под водство на тренерот Венсан Компани, сè до последните неколку недели, кога покажа дека се уште може да игра на високо ниво.

Баерн игра против Лајпциг во сабота и доколку победат, ќе ја освојат титулата во Бундеслигата.

Не е јасно дали Дајер ќе остане во Баерн и за Светското клупско првенство, кое ќе се одржи од 14 јуни до 13 јули во САД.

Фројнд рече дека клубот наскоро ќе разговара за тоа интерно со Даер.

Европа полуде по Ламин Јамал, не само со поради неговите вештини на највисоко ниво, туку и со фактот дека сè уште има само 17 години.

Во првиот натпревар од полуфиналето на Лигата на шампионите против Интер, тој постигна спектакуларен гол, погоди две пречки и изведе уште неколку феноменални потези.

Јасно е зошто е „тема број еден“, а за тоа зборуваше и поранешниот англиски репрезентативец Рио Фердинанд.

„Во моментов не постои фудбалер кој предизвикува толку возбуда на секој натпревар со својата игра“, рече Фердинанд.

Потоа поранешниот капитен на Манчестер Јунајтед беше директно прашан за тоа и тој го повтори тоа уште еднаш.

„Златна топка. Златна топка. Златна топка“, веднаш одговори Фердинанд и додаде:

„Ако Јамал направи разлика во реваншот против Интер и во финалето на Лигата на шампионите, тогаш немам сомнение дека мора да ја освои Златната топка. Тоа би ги замолчило и луѓето кои се повикуваат само на статистиката, не е само статистиката таа што ја прави оваа игра. Не е сè во бројките. Важное како некој игра на теренот и што прави во играта. Тоа сега е Јамал.“

Барселона гостува кај Ваљадолид во сабота во Ла Лига, каде што победата е императив во борбата за титулата.

Потоа во вторник на 6 мај, Каталонците ќе го одиграат реваншот против Интер на стадионот „Џузепе Меаца“.