Спорт
Писториус наскоро може да биде пуштен од затвор
![](https://makfax.com.mk/wp-content/uploads/2023/03/847fed10-0c2d-11eb-bdb9-0c4ca6bb8cb6.jpg)
Оскар Писториус, јужноафриканскиот параолимпиец кој е осуден за убиство на својата свршеница, може во следните неколку недели да биде пуштен од затвор откако отслужи половина од 13-годишната казна, ако така одлучи бордот за апелација во државата.
На 14 февруари 2013 година, Писториус ја застрела својата свршеница Рива Стенкамп со четири куршуми преку вратата во тоалетот во нивниот дом во Преторија. 36-годишниот Писториус тврдеше дека мислел дека има провалник во куќата, но обвинителството тврдеше дека ја убил девојката поради љубомора и лутина.
Судот го осуди Писториус за убиство од небрежност со казна од шест години затвор, но потоа оваа пресуда беше преинаачена и казната му беше зголемена на 13 години.
Писториус, кому му се ампутирани двете нозе под колената од детството, стана ѕвезда кога настапи на Олимпијадата во 2012 година на трката на 400 метри, добивајќи го прекарот „Блејд ранер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ноер: Зрели сме да бидеме шампиони
![](https://makfax.com.mk/wp-content/uploads/2024/07/mauel-nojer-185529-768x513.jpeg)
Голманот на германската фудбалска репрезентација Мануел Ноер изјави дека неговиот тим е подготвен конечно да го освои Европското првенство кое во моментов се одржува во неговата земја.
Германија вечерва игра против репрезентацијата на Шпанија, која остави можеби најдобар впечаток на овој турнир.
Сепак, германските медиуми потсетуваат дека нивната репрезентација никогаш не испаднала кога успеала да стигне до осминафиналето во едно натпреварување.
„Долго време сме зрели за титулата европски првак“, изјави Ноер на новинарите во кампот на репрезентацијата во Херцогенаурах, а потоа продолжи:
„Се чувствувам добро и едвај го чекам секој следен натпревар“.
Натпреварот меѓу Германија и Шпанија се игра од 18.00 часот во Штургарт.
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.