Македонскиот капитен Горан Пандев денеска ќе го продолжи договорот со Џенова и ќе остане со тимот на „Рособлу“ барем уште 12 месеци, тврди „Скај спорт Италија“.

Пандев ја предводеше Македонија на историското прво Европско првенство и би требало да се врати од одмор следната недела, по што ќе се сретне со старо-новиот тренер Давиде Балардини и соиграчите.

38-годишниот Пандев, покрај 122-те настапи за македонската репрезентација, за Џенова е клучен играч по пристигнувањето во јули 2015, од кога има 165 настапи со 32 гола и 11 асистенции.

Јувентус, Барселона и Реал Мадрид преку соопштение потврдија дека ќе продолжат со својот проект за организирање на Европската суперлига откако судот во Мадрид забрани УЕФА да ги казнува клубовите поврзани со натпреварувањето.

Проектот, кој предизвика фудбалски земјотрес оваа година, изгледаше дека е пропаднат откако 9 од 12-те основачи (Манчестер јунајтед, Манчестер сити, Арсенал, Ливерпул, Тотенхем, Челси, Атлетико Мадрид, Интер и Милан) се повлекоа по осудата од страна на навивачите, но Јуве, Барса и Реал постојано тврдеа дека проектот е нужност.

Сега, по одлуката на судот во Мадрид да престанат сите легални постапки против клубовите основачи, се јавија и од Суперлигата.

„Барселона, Јувентус и Реал Мадрид ја поздравуваат одлуката на трговскиот суд во Мадрид, со која УЕФА веднаш мора да прекине со сите активности против основачите на Суперлигата вклучувајќи ги сите дисциплински постапки. Судот го поддржа барањето на Европската суперлига и посочи дека УЕФА ќе сноси кривични обвинувања доколку не го направи тоа. Случајот ќе биде разгледуван и на Европскиот суд на правдата во Луксембург, каде што ќе се разгледува монополската позиција на УЕФА во европскиот фудбал. Од таа позиција тие му штетат на фудбалот, а клубовите што учествуваат во натпреварувањата имаат право да ги водат натпреварувањата. Нема да бидеме жртва на заканите на УЕФА и ќе продолжиме со проектот на Суперлигата со конструктивност и соработка“, стои во соопштението.

Двократното злато на Евгениј Рилов во пливањето очигледно предизвика и меѓународен политички инцидент откако неговиот американски ривал и претходен шампион, Рајам Мафри, неосновано го обвини натпреварувачот за валкани игри.

Марфи двапати загуби од Рилов, на 100 и на 200 метри грбно, по што изјави дека пливал во трка „која најверојатно не е чиста“.

„Имам околу 15 мисли, а 13 од нив ќе ми донесат многу проблеми. Ментално е исцрпувачки да ја поминеш годината знаејќи дека не пливаш во трка која е чиста и тоа е тоа. Луѓето што знаат повеќе за ситуацијата ја направија одлуката. Немам можност да лобирам кај луѓето што прават вакви одлуки“, изјави Марфи.

Ова, секако, наиде на огромна реакција од страна на Рускиот олимписки комитет (РОЦ), чии 335 спортисти на Олимпијадата се принудени да настапуваат без националното знаме и химна.

„Ох, како нашите победи ги лутат ривалите. Да, тука сме на Олимпијадата. Оправдано и не е важно дали тоа ви се допаѓа. Мора да научите и да губите. Старата песна повторно почна за рускиот допинг. Некој ја тера оваа западна пропаганда преку устата на лошите губитници. Простете им на оние што се послаби. Господ е нивниот судија, а за нас поткрепа“, објавија од Рускиот олимписки комитет (РОЦ) во интересна објава на социјалните мрежи.

На подоцнежната прес-конференција Марфи инсистира дека не го обвинувал Рилов оти е допингуван.

„Да бидам јасен, немав намера да правам обвинувања, честитки до Евгениј, кој е талентиран пливач и работи напорно. Една од работите што ме фрустрира е што не можеме да кажеме дека трката е чиста поради тоа што се случуваше во минатото“, додаде Марфи.

Как же нервируют наши победы отдельных коллег по цеху. Да, мы здесь, на Олимпийских играх. Абсолютно по праву. Нравится это кому-то или нет.

А вот проигрывать надо уметь. Но не всем это дано. Старая шарманка снова затянула песнь о русском допинге. Кто-то усердно крутит ручку➡️ pic.twitter.com/1OgizY5cK0

— Olympic Russia (@Olympic_Russia) July 30, 2021