Тренерот на Црвена звезда, Владан Милојевиќ не го криеше незадоволството по неуспехот и поразот од Милан (2:1) во натпреварот од шестото коло во Лигата на шампионите.

Црвена звезда го надигра Милан во второто полувреме, успеа да изедначи, а во 87.минута Ејбрајхам го постигна голот за победа на Милан.

Пред голот имаше две спорни ситуации, најпрвин судијата Хесус Хил манзано не досуди фаул врз Џига од Ејбрахам, по што Милан доби корнер, а од тој корнер се изроди шансата за гол. Во таа ситуација Габија го фрли Спајиќ на тревата, а Англичанецот некако ја смести топката во голот.

ВАР ја проверуваше таа ситуација, но за судиите во ВАР собата се беше чисто. Тренерот на Црвена звезда бурно реагираше, поради што доби жолт картон.

„Мојата прва мисла е дека немам и не знам што да кажам. До сега не зборував, спортист сум, многу пати го докажав тоа… Од друга рака, молчев, страдав… Ова е скандал, срамота за ЛШ. Од почетокот на Лигата на шампионите, како да имаат некаков проблем со нас. Ова денес не би го коментирал ова. Истиот судија, ќе речам дека не е случајно. Големо изненадување направивме против Штутгарт. Ќе ви кажам сега. Класичен пенал не ни судеа против Монако. Нас не не сакаат овде, но ние сме тука. Ние сме камен во чевелот. Ова денес е скандалозно. Ако на ваков начин треба да победи клуб каков што е Милан, тоа е многу грдо. Нашите навивачи не можат да дојдат. Каков начин е ова“, рече Милојевиќ.

Црвена звезда има лошо искуство со судијата Манзано, кој на „Сан Сиро“ пред четири години го судеше натпреварот меѓу овие два тима во Лига Европа.

Фудбалрите на Јувентус го победија Манчестер сити со 2:0, а Барселона славеше во Дортмунд 3.2 во најпривлечните вечерашни натпревари во Лигата на шампионите.

Јувентус го освои 11-от бод и се искачи на врвот на табелата, додека Сити остана на осум и се наоѓа на 22-та позиција.

Ова беше седми пораз за „граѓаните“ во последните десет натпревари, при што имаат само една победа.

Во првите 45 минути од мечот во Торино практично не се случуваше ништо, неколку почушанси и обидот на Халанд во 40.минута чии удар го одбрани Ди Грегорио.

Второто полувреме беше поофанзивно од двете страни. Во 53. минута, Влаховиќ некако успеа да ја смести топката зад грбот на Емерсон.

Сити, потоа тргна во офанзива, имаше шанси преку Бернардо Силва и Де Брујне, но резултатото остана 1:0.

Казната ги стигна „граѓаните“ во 75.минута, Веа ја уфрли топката во шеснаесетникот, а Мекени со полуволеј ја испрати во голот.

Двата тима сега одат на пауза, па во седмото коло од Лигата на шампионите, на 22 јануари, Јувентус гостува кај Бриж, додека Сити истиот ден ќе игра против ПСЖ.

Фудбалерите на Барселона ја совладаа Борусија Дортмунд со 3:2 (0:0), ја запишаа петтата победа и се искачија на второто место на табелата.

Каталонците го контролираа мечот во првиот дел, ја држеа топката во своите нозе повеќе од 70 проценти од времето, упатија и повеќе удари. Сепак, Борусија Дортмунд беше поконкретна, но обидите на Серхио Гираси и Марсел Сабицер завршија крај голот.

Вториот дел од натпреварот започна со гол на Каталонците. Во улога на асистент се најде Дани Олмо, а Рафиња ја затресе мрежата. Водството на Барселона не траеше долго бидејќи, во 60. минута од „белата точка“ беше прецизен Гираси.

Ефикасното второ полувреме го продолжи Феран Торес кој и ја врати предноста на Барселона, но само две минути подцна изедначи Гираси. Сепак, во 85. минута Торес со вториот гол на натпреварот го замолкна „Сигнал Идуна Парк“ и им донесе победа на гостите.

Резултати:

Атлетико – Слован 3:1 (2:0)
/Алварез 16, Гризман 42, 57 – Стрелец 51/

Лил – Штурм 3:2 (2:1)
/Сахаруи 37, Бекер 45+2, Харалдсон 81 – Китешвили 45+4, Бирт 47/

Милан – Црвена Звезда 2:1 (1:0)
/Леао 43, Ејбрахам – Радоњиќ 67/

Арсенал – Монако 3:0 (1:0)
/Сака 34, 78, Хаверц 88/

Бенфика – Болоња 0:0 (0:0)

Борусија Д. – Барселона 2:3 (0:0)
/Гираси 60, 78 – Рафиња 53, Торес 75, 85/

Феенорд – Спарта 4:2 (3:1)
/Тронер 8, Паишао 10, Муса 30, Хименез 63 – Рахмани 42, Белен 79г/

Јувентус – Манчестер Сити 2:0 (0:0)
/Влаховиќ 53, Мекени 75/

Штутгарт – Јанг Бојс 5:1 (1:1)
/Стилер 25, Мијо 53, Фурих 61, Фагноман 66, Кајтел 76 – Лакоми 6/

Кошаркарскиот клуб Олимпијакос донесе нов центар. Грчкиот клуб мораше да реагира на пазарот, бидејќи Мозес Рајт ја заврши сезната, а извезен период поради повреда ќе паузира и Мустафа Фал.

Нов играч на Олимпијакос, кој треба да му биде поддршка на Никола Милутинов во рекотот е Нејтан Менсах. Кошаркарот од Гана е висок 206 сантиметри, а има распон на има распон на рацете од 226 сантиметри.

Менсах договори соработка со тимот од Пиреја до крајот на сезоната, а во договорот има опција за продолжување на уште една година.

Кошаркарот од Гана ќе има можност да дебитира веќе во петок против Црвена звезда кога Олимпијакос гостува на „Белградска Арена“ во 15. коло од Евролигата.

Менсах досега главно играше во Развојната лига, каде што оваа сезона го носеше дресот на филијалата на Сан Антонио Спарс. Тој имаше просек од 5,4 поени, шест скока и две блокади по натпревар.