Спорт
Плимут го отпушти Вејн Руни

Плимут се раздели со менаџерот Вејн Руни (39) со заедничка согласност по низата лоши резултати на последнопласираниот тим на табелата во Чемпионшип.
Во седумте месеци од мандатот на Руни, тимот од јужниот брег на Англија претрпе 13 порази во 23 кола, во вториот ранг на англискиот фудбал.
Последниот неуспех во серијата беше поразот на гости кај Оксфорд минатата сабота, кога навивачите го исвиркаа него и неговите играчи.
„Плимут засекогаш ќе остане во моето срце и ќе продолжам со внимание да ги следам нивните резултати“, изјави Руни по разделбата со клубот, во која и се заблагодари на целата управа, навивачите и играчите.
Руни професионалната кариера како фудбалер ја започна во Евертон во 2002 година, клуб од родниот град, а набрзо стана икона на „црвените ѓаволи“, каде што пристигна во 2004 година. Таму остана до 2017 година, една сезона, пред да се пресели во САД, во Ди-си Јунајтед, одигра во Евертон.
Потоа се преселил во Дерби Каунти, каде што беше играч и тренер во неговата проштална сезона.
Неговата тренерска кариера не е ни приближно успешна како неговата фудбалска кариера.
По уште една година во Дерби, тој беше тренер на Ди-си јунајтед, а неговиот мандат во Бирмингем траеше само 83 дена.
Руни доби отказ од Плимут на последниот ден од 2024 година, а натпреварот Плимут – Бристол Сити е закажан за 1 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Монако поразен на гостувањето кај Лориен

Монако претрпе тежок пораз на гостувањето кај Лориен со 3-1 во рамките на шестото коло од Лига 1. „Кнезовите“ останаа со играч помалку уште во 38. минута по црвениот картон за Тило Керер, што значително ја олесни задачата за домаќините.
Само две минути подоцна, Бамба го отвори резултатот за Лориен, а во завршницата Пабло Пажис со два погодоци ја потврди доминацијата на својот тим.
Единствената утеха за Монако беше погодокот на Ансу Фати од пенал во последните моменти од натпреварот.
Спорт
Атлетико ја наполни мрежата на Реал во мадридското дерби

Фудбалерите на Атлетико Мадрид го одиграа својот најдобар натпревар сезонава во Ла Лига и го победија Реал Мадрид со 5-2 во мадридското дерби. Тимот на Диего Симеоне конечно забележа две победи во низа, додека „кралевите“ доживеаја прв пораз по шесте последовни триумфи.
Натпреварот започна со спектакл уште во првото полувреме, со четири гола. Ле Норман ја отвори серијата во 15. минута со гол со глава, а Реал возврати преку Арда Ѓулер и Мбапе, кој постигна погодок за водство од 1-2. На полувреме резултатот беше 2-2 откако Сорлот израмни со гол со глава во судиското продолжение.
Во вториот дел следуваше нов шок за Реал. Алварез постигна гол од слободен удар во 64. минута за 4-2, а во судиското продолжение Антоан Гризман со мајсторски погодок го постави конечниот резултат 5-2 за Атлетико.
Спорт
Кристал Палас го шокираше Ливерпул, а загуби и Челси

Кристал Палас му го нанесе првиот пораз на Ливерпул во новата сезона од Премиер лигата, победувајќи со 2-1 на свој терен. Домаќинот обезбеди триумф со голот на Еди Нкетија во 97. минута. Претходно, Палас поведе со погодокот на Исмаила Сар во 9. минута, а Федерико Киеза израмни за Ливерпул во 87. минута.
Во останатите натпревари, Челси загуби на „Стемфорд Бриџ“ од Брајтон со 1-3, Манчестер Сити убедливо славеше против Барнли со 5-1, додека Лидс и Борнмут ремизираа со 2-2.