Јапонецот Даики Хашимото го освои златото во повеќебојот во гимнастика откако беше речиси совршен на вратилото.

19-годишниот тинејџер е вистински наследник на јапонскиот великан Кохеи Учимура, шампионот од повеќебој во 2012 и 2016, кој реши да не ја брани титулата во Токио.

Кинезот Ксијао Руотенг беше најдобар пред последната ротација, но Хашимото со одличната претстава на вратилото освои 88.465 поени за победа пред кинескиот ривал со 88.605, а трет беше Русинот Никита Нагорниј со 88.031.

Пари Сен-Жермен почнал преговори со Пол Погба во обид да го донесат францускиот репрезентативец во неговиот роден град ова лето, тврди британскиот „Атлетик“.

Според нивните извори, можно е да има официјална понуда во следните неколку недели, но и одлука да се почека до следното лето, кога ќе заврши договорот на Французинот со Манчестер јунајтед и ќе може да дојде како слободен играч.

„Ѓаволите“ веќе се обиделе да му понудат нов договор на Погба, но според британските извори, Оле Гунар Солскјер веќе почна да планира за животот без францускиот репрезентативец, кој останува најскапиот играч во историјата на клубот со трансферот од Јувентус од 100 милиони евра.

Оваа вест може да биде добра за 24-годишниот Дони ван де Бек кого лани го донесоа од Ајакс, но не доби вистинска шанса, а доколку тој не се покаже како подготвен, секогаш постои можноста да се донесат Едуардо Камавинга или Деклан Рајс.

Германската џудистка Мартина Трајдос го бранеше својот тренер Клаудиу Пуса, кој ја тресеше и ја удираше по лицето пред нејзиниот меч на Олимпијадата во Токио.

Необичната случка се случи пред мечот на Трајдос со Унгарката Софи Озбас од 1/16 финалето во категоријата до 63 килограми во вторникот по што тренерот доби официјално предупредување за своето однесување. 32-годишната Трајдос, која беше европска шампионка во 2015 година, загуби во мечот, но на „Инстаграм“ го бранеше однесувањето на тренерот.

„Изгледа тоа не беше доволно. Би сакала денеска да сум на насловните поради златото, но ова е само вообичаен ритуал кој сама го избирам пред натпреварувањето. Мојот тренер го прави само тоа што го сакам јас да се загреам. Потребно ми е да бидам будна“, напиша Трајдос.

 

View this post on Instagram

 

A post shared by Martyna Trajdos (@martyna_trajdos)