Спорт
Плишкова со четврта титула во 2019 во Женгжу

Каролина Плишкова ја освои својата четврта титула во 2019 година, уште еднаш покажувајќи дека е една од најпостојаните тенисерки оваа сезона, лесно совладувајќи ја Хрватката Петра Мартиќ со 6:3/6:2 во финалето на Женгжу опен во Кина.
Првата носителка доминираше на турнирот за во своето петто финале во 2019 година, да стигне до четвртата титула по трофеите во Бризбејн, Рома и Истбурн.
Во Нанчанг пак, Швеѓанката Ребека Петерсон стигна до својата деби ВТА титула со убедлива 6:2/6:0 победа над Казахстанката Елена Рибакина, правејќи 5 брејка во меч кој траеше точно еден час.
20-годишната Рибакина беше очигледно уморна по мечевите во три сета во четврт-финалето и полуфиналето и направи 11 неизнудени грешки, додека 24-годишната Швеѓанка беше стабилна во својата игра со 83 отсто освоени поени на прв сервис.
Во јапонското финале на Јапонија опен во Хирошима, Нао Хибино ја совлада својата партнерка во двојки, Мисаки Дои со 6:3/6:2 за прва титула од 2015 година. Ова беше прво јапонско финале на ВТА турнејата по 22 години
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Селекторот на Казахстан: Македонија е силна селекција

Македонија утревечер игра важен квалификациски натпревар против Казахстан, на кој цели кон нов триумф и продолжување на позитивната серија во овој циклус. Селекторот на гостите, Талгат Бајсуфинов, сепак, потенцираше дека неговиот тим ќе даде сè од себе за добар резултат во Скопје, но призна дека Македонија е фаворит.
„Македонија е силна селекција и знаеме колку ѝ значи овој меч, но ние ќе се бориме за позитивен исход. Против Лихтенштајн имавме среќа и се надевам дека ќе имаме слична ситуација и утре. Првиот меч со Македонија покажа дека можеме да пропуштиме многу шанси, но сега реализацијата ни е подобрена. Ќе се обидеме да освоиме колку што можеме повеќе бодови до крајот на квалификациите, и тоа важи и за утрешниот натпревар“, изјави Бајсуфинов.
Во првиот меѓусебен дуел, Казахстан го предводеше Али Алиев, кој по поразот од Белгија со 6-0 си поднесе оставка.
Спорт
Тренерот на Црвена Звезда ќе биде нов селектор на Србија?

Актуелниот тренер на Црвена Звезда, Владан Милојевиќ, според ексклузивни информации на „Спортски журнал“, ќе го преземе кормилото на фудбалската репрезентација на Србија.
Иако меѓу потенцијалните наследници се споменуваше и Вељко Пауновиќ, „Спортски журнал“ открива дека изборот паднал на Милојевиќ, кој ќе биде официјално потврден на седницата на Извршниот одбор на Фудбалскиот сојуз на Србија закажана за 17 октомври.
Одлуката доаѓа само еден ден по оставката на Драган Стојковиќ – Пикси, кој се повлече по поразот од Албанија (0-1) во Лесковац, резултат што практично ја затвори вратата за Србија за пласман во баражот за Светското првенство 2026.
Интересно е што Милојевиќ ќе ја комбинира новата функција со сегашната на клупата на Црвена Звезда, до зимската пауза ќе продолжи да го води клубот во Суперлигата и Лигата на Европа, по што клубот ќе добие нов тренер.
Дебитантскиот настап на Милојевиќ како селектор треба да биде на големиот дуел со Англија на „Вембли“ на 13 ноември.
Спорт
ВИДЕО: Фарски Острови ја победија Чешка, а тоа отвора пат Хрватска директно да се пласира на СП 2026

Фарските Острови приредија вистинска фудбалска сензација — во Торшавн го совладаа фаворитот Чешка со 2-1 и ѝ направија голема услуга на Хрватска во борбата за врвот на групата и директен пласман на Светското првенство 2026.
Овој неочекуван исход целосно ја расипа ситуацијата за Чесите, кои важеа за главен конкурент на „коцкестите“. По натпреварот, и двете селекции имаат по 13 бодови, но Хрватска има два меча помалку, што ѝ отвора широка врата кон Мундијалот доколку ги освои максималните поени.
Средбата во Торшавн започна внимателно, без голови во првиот дел, но второто полувреме понуди вистинска драма. Соренсен во 67. минута донесе предност за домаќините, Карабец израмни во 78., но само три минути подоцна Агнарсон повторно ја врати радоста кај Фарските Острови со удар што значеше конечни 2-1. До крајот, Чесите нападоа со сите сили, но без резултат.
Во другите натпревари, Холандија ја демонстрираше својата моќ против Финска, победувајќи со убедливи 4-0. Головите ги постигнаа Мален, Ван Дајк, Депај и Гакпо, а Мемфис Депај испиша историја — со двете асистенции на овој меч стана најдобар асистент во историјата на репрезентацијата со 36 додавања.
Шкотска лесно се справи со Белорусија (2-1), додека Кипар без проблеми го совлада Сан Марино со 4-0.